“Markaziy Osiyo — Yevropa Ittifoqi” sammitida Shavkat Mirziyoyev qanday takliflar bildirdi
14:25 04.04.2025 (yangilandi: 15:31 04.04.2025)
© Press-slujba prezidenta Uzbekistana
Obuna bo‘lish
So‘nggi 7-yilda MO davlatlarining YeI bilan o‘zaro tovar aylanmasi bir necha barobar o‘sib, 54 milliard yevroga yetdi.
TOShKENT, 4 apr — Sputnik. O‘zbekiston prezidenti Shavkat Mirziyoyev bugun Samarqandda bo‘lib o‘tayotgan “Markaziy Osiyo – Yevropa Ittifoqi” birinchi sammitida nutq so‘zladi.
Prezident o‘z nutqida kelajakda mintaqalar orasida hamkorlikning ustuvor yo‘nalishlariga aylanishi mumkin bo‘lgan sohalarni sanab o‘tdi.
“Markaziy Osiyo – Yevropa Ittifoqi” birinchi sammiti
© Press-slujba prezidenta Uzbekistana
1.
Siyosiy muloqotni mustahkamlash maqsadida Markaziy Osiyo va Yevropa Ittifoqi bilan sheriklik va hamkorlik bo‘yicha to‘laqonli Bitim imzolash.2.
Investitsiyalar. YeI tomonidan Markaziy Osiyoning texnologik modernizatsiyasiga investitsiyalar kiritishi — hamkorlikning ustuvor yo‘nalishi bo‘lishi mumkin.3.
Mineral resurslar. Sammit davomida strategik mineral resurslar sohasida hamkorlik va investitsiyalarni chuqurlashtirish bo‘yicha qaror qabul qilinadi.4.
“Toza” energiya bo‘yicha “Markaziy Osiyo – Yevropa Ittifoqi” sherikligining yo‘lga qo‘yilishi bilan o‘zaro hamkorlikning muhim platformasi yaratilishi mumkin. O‘zbekiston ushbu bo‘yicha tegishli bitimni ratifikatsiya qildi.5.
Inson kapitali. Markaziy Osiyo YeI bilan yuqori malakali mutaxassislarni tayyorlash, ilmiy-ta’lim, sun’iy intellekt, ma’lumotlar “katta bazalari”, raqamlashtirish va kosmik tadqiqotlar sohalarida hamkorlikdan manfaatdor.Shuningdek, Shavkat Mirziyoyev ushbu tashabbus va kelishuvlarni samarali amalga oshirish maqsadida “Markaziy Osiyo – Yevropa Ittifoqi” formatida bosh vazir o‘rinbosarlari darajasida har yili uchrashuvlari o‘tkazib boriladigan Sheriklik qo‘mitasini ta’sis etishni taklif qildi.
Ma’lumot uchun, Samarqandda 3-4 aprel kunlari Shavkat Mirziyoyev raisligi “Markaziy Osiyo – Yevropa Ittifoqi” sammiti bo‘lib o‘tmoqda. Unda Yevropa komissiyasi raisi Ursula fon der Lyayen, Qosim-Jomart Toqayev, Sadir Japarov, Emomali Rahmon, Serdar Berdimuhamedov va boshqalar ishtirok etmoqda.
“Markaziy Osiyo – Yevropa Ittifoqi” birinchi sammiti
© Press-slujba prezidenta Uzbekistana
