“Hamma jabr ko‘radi”. Dunyo yetakchilari AQShning yangi tariflaridan norozi
15:20 03.04.2025 (yangilandi: 15:26 03.04.2025)
© AP Photo / Mark Schiefelbein
Obuna bo‘lish
Gruziya, Armaniston, Ozarbayjon, Tojikiston, Qirg‘iziston, Turkmaniston va O‘zbekiston minimal 10% boj kiritilgan guruhda.
TOShKENT, 3 apr — Sputnik. Chorshanba kuni kechqurun AQSh prezidenti Donald Tramp boshqa mamlakatlardan import qilinadigan mahsulotlarga o‘zaro tariflar joriy etilishini e’lon qildi. Vashingtonning ushbu harakatlari dunyoning ko‘plab yetakchilarini g‘azablantirdi.
Yangi tariflar qaysi davlatlarga ta’sir qiladi?
3/4
© Akkaunt Belogo doma v sosseti X
4/4
© Akkaunt Belogo doma v sosseti X
1/4
© Akkaunt Belogo doma v sosseti X
2/4
© Akkaunt Belogo doma v sosseti X
3/4
© Akkaunt Belogo doma v sosseti X
4/4
© Akkaunt Belogo doma v sosseti X
1/4
© Akkaunt Belogo doma v sosseti X
2/4
© Akkaunt Belogo doma v sosseti X
3/4
© Akkaunt Belogo doma v sosseti X
1/4
© Akkaunt Belogo doma v sosseti X
Oq uy rahbari asosiy minimal stavka o‘n foiz bo‘lishini e’lon qildi. Gruziya, Armaniston, Ozarbayjon, Tojikiston, Qirg‘iziston, Turkmaniston va O‘zbekiston minimal 10% boj kiritilgan guruhda.
Rossiya va Belarus bu choralar qo‘llaniladigan davlatlar ro‘yxatida yo‘q.
Dunyodagi reaksiya
Xitoy AQShni savdo proteksionizmida aybladi, noto‘g‘ri harakatlarni tuzatishga chaqirdi va qarshi choralar ko‘rishga va’da berdi.
Oliy Rada: Ukraina importi uchun 10% boj to‘lovlari iqtisodiy "eng yuqori darajadagi sinizm" hisoblanadi.
Fransiya bosh vaziri Fransua Bayru tariflarni jahon iqtisodiyoti uchun "falokat" deb atadi.
Kolumbiya prezidenti Gustavo Petro: tariflarning kiritilishi neoliberalizmning o‘limidir.
Germaniya kansleri vazifasini bajaruvchi Olaf Shols: bu jahon savdo tartibiga zarba, bundan hamma jabr ko‘radi.
Yevropa Ittifoqi bu choralarni biznes va iste’molchilar uchun jiddiy zarba deb hisoblaydi.
Britaniya bosh vaziri Kir Starmer: tariflar iqtisodiy oqibatlarga olib keladi, London bunga tayyor.
Braziliya Trampning qaroridan afsusda va o‘z ishlab chiqaruvchilari manfaatlarini himoya qiladi.
Gretsiya Moliya vazirligi Vashingtonning harakatlarini proteksionizmga qaytish sifatida baholadi.
Janubiy Afrika tariflarni umumiy farovonlik uchun to‘siq deb hisobladi.
Finlyandiya bosh vaziri Petteri Orpo: savdo urushida g‘oliblar yo‘q.
Yaponiya AQShning tariflar bo‘yicha qarori JST kelishuviga mos kelmasligidan xavotirda.
Avstraliya bosh vaziri Entoni Albaneze ularni “mutlaqo asossiz” deb atadi.
AQSh pozitsiyasi
Trampning so‘zlariga ko‘ra, bojlarning joriy etilishi Shtatlarning iqtisodiy mustaqilligi deklaratsiyasiga aylanadi va davlat qarzini to‘lash uchun katta mablag‘lardan foydalanishga yordam beradi.
O‘z navbatida, AQSh moliya vaziri Skott Bessent boshqa mamlakatlarni Amerika import bojlariga javob choralarini joriy etishdan ogohlantirdi va bu faqat savdo sohasida ziddiyatlarning kuchayishiga olib kelishi mumkinligini ta’kidladi.
