https://oz.sputniknews.uz/20250330/ekaterinburg-fargona-savdo-uy-taklif-48655058.html
Yekaterinburgda Farg‘ona savdo uyini ochish taklif etildi
Yekaterinburgda Farg‘ona savdo uyini ochish taklif etildi
Sputnik O‘zbekiston
Farg‘ona viloyati hokimi o‘rinbosari Nuriddin Mamajonov boshchiligidagi delegatsiya Rossiyaning Sverdlovsk viloyatida bo‘ldi. 30.03.2025, Sputnik O‘zbekiston
2025-03-30T16:33+0500
2025-03-30T16:33+0500
2025-03-30T16:33+0500
iqtisod
o‘zbekiston
rossiya
farg‘ona viloyati
tadbirkor
https://cdn1.img.sputniknews.uz/img/07e6/08/17/27387414_0:191:3059:1912_1920x0_80_0_0_c172221989f98de1f9e1f01ae5d9e142.jpg.webp
TOShKENT, 30 mar — Sputnik. Rossiyaning Sverdlovsk viloyati tadbirkorlari Farg‘ona bozorlariga o‘z mahsulotlari bilan kirib kelishi rejalashtirilmoqda. Bu haqda "Dunyo" AA xabar berdi.Farg‘ona viloyati hokimi o‘rinbosari Nuriddin Mamajonov boshchiligidagi delegatsiya Rossiyaning Sverdlovsk viloyatida bo‘ldi, deb xabar qilmoqda muxbiri.Safar davomida O‘zbekiston va Rossiya hududlari o‘rtasidagi ikki tomonlama hamkorlikni mustahkamlash maqsadida Bosh konsulxona binosida biznes-forum va "V2V" shaklidagi uchrashuvlar o‘tkazildi.Farg‘ona viloyati hokimi o‘rinbosari ishtirokchilarga viloyatning investitsiyaviy salohiyati, xorijiy va mahalliy tadbirkorlar uchun yaratilgan shart-sharoitlar haqida ma’lumot berdi.Sverdlovsk viloyati gubernatori o‘rinbosari Vasiliy Kozlov bilan kechgan muloqotda Farg‘onada qo‘shma loyihalarni amalga oshirish masalalari muhokama qilindi. Rossiya tomoniga Farg‘ona viloyatidagi erkin iqtisodiy zonalar faoliyati haqida batafsil ma’lumot berildi. Sverdlovsk viloyatidan Farg‘ona bozorlariga go‘sht va sut mahsulotlarini import qilish imkoniyatlariga e’tibor qaratildi.Farg‘ona viloyati mutasaddilari, shuningdek, Sverdlovsk hukumati vakiliga ta’lim va migratsiya sohasida ikki tomonlama hamkorlikni yo‘lga qo‘yish taklifini bildirishdi.Xususan, Sverdlovsk viloyatida joylashgan oliy va o‘rta maxsus ta’lim muassasalarining filiallarini ochish, muhandislik, IT, tibbiyot, biotexnologiya kabi yo‘nalishlarda mutaxassislar tayyorlash, shuningdek, ishlab chiqarishning eng yangi texnologiyalari va texnologiyalarini joriy etishga qodir bo‘lgan yuqori malakali kadrlarni o‘qish imkoniyati mavjudligi ta’kidlandi.O‘zbekiston vakillari safar davomida "Triton- Elektroniks" kompaniyasida bo‘lib, korxona rahbariyati bilan muzokara olib bordi. Shuningdek, kompaniyaning tibbiy asbob-uskunalar ishlab chiqarish quvvatlarini ko‘zdan kechirdi.
o‘zbekiston
farg‘ona viloyati
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
2025
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
Yangiliklar
uz_UZ
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
iqtisod, o‘zbekiston, rossiya, farg‘ona viloyati, tadbirkor
iqtisod, o‘zbekiston, rossiya, farg‘ona viloyati, tadbirkor
Yekaterinburgda Farg‘ona savdo uyini ochish taklif etildi
Farg‘ona viloyati hokimi o‘rinbosari Nuriddin Mamajonov boshchiligidagi delegatsiya Rossiyaning Sverdlovsk viloyatida bo‘ldi.
TOShKENT, 30 mar — Sputnik. Rossiyaning Sverdlovsk viloyati tadbirkorlari Farg‘ona bozorlariga o‘z mahsulotlari bilan kirib kelishi rejalashtirilmoqda. Bu haqda "Dunyo" AA
xabar berdi. Farg‘ona viloyati hokimi o‘rinbosari Nuriddin Mamajonov boshchiligidagi delegatsiya Rossiyaning Sverdlovsk viloyatida bo‘ldi, deb xabar qilmoqda muxbiri.
Safar davomida O‘zbekiston va Rossiya hududlari o‘rtasidagi ikki tomonlama hamkorlikni mustahkamlash maqsadida Bosh konsulxona binosida biznes-forum va "V2V" shaklidagi uchrashuvlar o‘tkazildi.
Farg‘ona viloyati hokimi o‘rinbosari ishtirokchilarga viloyatning investitsiyaviy salohiyati, xorijiy va mahalliy tadbirkorlar uchun yaratilgan shart-sharoitlar haqida ma’lumot berdi.
“Uchrashuv yakunlari bo‘yicha joriy yilning uchinchi choragida "Rossiyani qo‘llab-quvvatlash" hududiy bo‘limi va ishbilarmon doiralari vakillaridan iborat Sverdlovsk viloyati delegatsiyasining Farg‘onaga safarini tashkil etishga kelishib olindi”, — deyiladi xabarda.
Sverdlovsk viloyati gubernatori o‘rinbosari Vasiliy Kozlov bilan kechgan muloqotda Farg‘onada qo‘shma loyihalarni amalga oshirish masalalari muhokama qilindi. Rossiya tomoniga Farg‘ona viloyatidagi erkin iqtisodiy zonalar faoliyati haqida batafsil ma’lumot berildi. Sverdlovsk viloyatidan Farg‘ona bozorlariga go‘sht va sut mahsulotlarini import qilish imkoniyatlariga e’tibor qaratildi.
“Tomonlar Yekaterinburg shahridagi yirik savdo-ko‘ngilochar markazlaridan birida Farg‘ona savdo uyini ochish taklifini ko‘rib chiqdilar”, — deya qayd etilgan xabarda.
Farg‘ona viloyati mutasaddilari, shuningdek, Sverdlovsk hukumati vakiliga ta’lim va migratsiya sohasida ikki tomonlama hamkorlikni yo‘lga qo‘yish taklifini bildirishdi.
Xususan, Sverdlovsk viloyatida joylashgan oliy va o‘rta maxsus ta’lim muassasalarining filiallarini ochish, muhandislik, IT, tibbiyot, biotexnologiya kabi yo‘nalishlarda mutaxassislar tayyorlash, shuningdek, ishlab chiqarishning eng yangi texnologiyalari va texnologiyalarini joriy etishga qodir bo‘lgan yuqori malakali kadrlarni o‘qish imkoniyati mavjudligi ta’kidlandi.
O‘zbekiston vakillari safar davomida "Triton- Elektroniks" kompaniyasida bo‘lib, korxona rahbariyati bilan muzokara olib bordi. Shuningdek, kompaniyaning tibbiy asbob-uskunalar ishlab chiqarish quvvatlarini ko‘zdan kechirdi.
