Qo‘shimcha o‘rindiq izlashga to‘g‘ri kelmoqda: Samarqandda san’at haftaligi qanday o‘tmoqda?
© Sputnik
Obuna bo‘lish
Eksklyuziv
Aktor: birinchi kunlarda tomoshabinlar kam edi. Jamoa odamlarni teatrga taklif qilib, ko‘chalarga chiqishiga to‘g‘ri keldi.
TOShKENT, 25 mar — Sputnik. Butunjahon teatr kuni arafasida butun mamlakat bo‘ylab Teatr san’ati haftaligi bo‘lib o‘tmoqda, unda fuqarolar turli spektakllarni mutlaqo bepul tomosha qilishlari mumkin, deya xabar berdi Sputnik O‘zbekiston muxbiri.
Samarqandda 21-mart kuni teatr haftaligi boshlandi. Bayram munosabati bilan teatr jamoalari bir vaqtning o‘zida bir nechta spektakllarni namoyish etdi.
V Samarkande proxodit Nedelya teatralnogo iskusstva
© Sputnik / Malika Abaydulina
Shunday qilib, viloyat musiqa va drama teatri Xans Kristian Andersen asari asosida “Qirolning yangi liboslari” spektaklini, Rossiya drama teatri jamoasi bir vaqtning o‘zida ikkita bolalar spektaklini namoyish etdi: “Zo‘r bo‘ri” va “Mening do‘stim quyosh”.
Ikkinchi spektakl teatrdan tashqarida, Samarqandning yirik savdo markazlaridan birida namoyish etildi.
“Teatr san’ati haftaligi maktab ta’tillariga to‘g‘ri kelganligi sababli biz faqat bolalar spektakllarini namoyish etishga qaror qildik. Bepul spektakllarimizga har kuni 150 nafarga yaqin yosh tomoshabin kelmoqda, — deydi viloyat rus drama teatri direktori Sharofiddin Sodiqov.
Birinchi kuni Kattaqo‘rg‘on shahar drama teatri o‘zining yangi “Buyuk Turon” spektaklini namoyish etdi.
V Samarkande proxodit Nedelya teatralnogo iskusstva
© Sputnik / Malika Abaydulina
“Hafta davomida jamoamiz yettita postanovka namoyish etadi, ularning barchasi kattalar uchun mo‘ljallangan, — deydi Kattaqo‘rg‘on teatri direktori Sunnat Kazakov.
Viloyat qo‘g‘irchoq teatri ham aksiyaga qo‘shilib, “Dovurak” spektaklini namoyish etdi. Teatr haftaligi doirasida teatr jamoasi tomoshabinlarga oltita spektakl namoyish etishni va’da qilmoqda, ulardan ikkitasi rus tilida.
V Samarkande proxodit Nedelya teatralnogo iskusstva
© Sputnik / Malika Abaydulina
“Birinchi kunlarda tomoshabinlar kam edi. Jamoa odamlarni teatrga taklif qilib, tom ma’noda ko‘chalarga chiqishlariga to‘g‘ri keldi. Bu hafta zal to‘la, ba’zida qo‘shimcha o‘rindiqlar izlashga ham to‘g‘ri kelmoqda”, — deydi aktor Samir Sharipov.
4/5
© Sputnik
5/5
© Sputnik / Malika Abaydulina
1/5
© Sputnik
2/5
© Sputnik
3/5
© Sputnik
4/5
© Sputnik
5/5
© Sputnik / Malika Abaydulina
1/5
© Sputnik
2/5
© Sputnik
3/5
© Sputnik
1/5
© Sputnik
Teatr haftaligini o‘tkazish g‘oyasi viloyat aholisiga yoqdi, ularning ba’zilari oyiga kamida bir marta teatrlarda bepul namoyishlar o‘tkazishni taklif qilishdi.
