Madaniyatlar chorrahasi: Samarqand alohida e’tiborga loyiq bolalarni birlashtirdi
18:16 23.03.2025 (yangilandi: 10:48 24.03.2025)
Obuna bo‘lish
Eksklyuziv
“Samarqand – madaniyatlar chorrahasi” festivali doirasida bolalar uchun tanlovlar, mahorat darslari tashkil etildi.
TOShKENT, 23 mar — Sputnik. Markaziy Osiyoning “Samarqand – madaniyatlar chorrahasi” inklyuziv festivali O‘zbekiston, Rossiya, Qozog‘iston, Qirg‘iziston va Tojikistondan 80 tadan ortiq o‘g‘il-qizning uchrashuv joyiga aylandi, deya xabar berdi Sputnik O‘zbekiston muxbiri.
Maxsus bolalarning iqtidorini yuzaga chiqarish maqsadida tashkil etilgan mazkur forum Samarqand shahrida beshinchi bor o‘tkazilmoqda.
Uch kun davomida (21-23 mart) o‘g‘il-qizlar turli tadbirlarda, jumladan, kulolchilik va tasviriy san’at mahorat darslari hamda tasviriy san’at mahorat darslarida qatnashishdi. Bolalar teatrlashtirilgan va raqs chiqishlarini, shuningdek, taekvondo kabi jangovar sport turlari bo‘yicha o‘z mahoratlarini namoyish etishdi.
1/6
© Sputnik
2/6
© Sputnik
3/6
© Sputnik
4/6
© Sputnik
5/6
© korrespondent Sputnik Uzbekistan
V Samarkande proshel V inklyuzivniy Sentralnoaziatskiy forum iskusstv, remesel, teatra i kino
6/6
© korrespondent Sputnik Uzbekistan
V Samarkande proshel V inklyuzivniy Sentralnoaziatskiy forum iskusstv, remesel, teatra i kino
“Ushbu yirik forum doirasida ilk bor “Quyoshli go‘zallik” festivali bo‘lib o‘tdi, unda bolalar qizil gilamdan o‘tishdi. "Qirollik" chiqishidan tashqari, yigitlar milliy moda ko‘rgazmasida ishtirok etishdi. Tadbir yorqin va voqealarga boy bo‘ldi. Biz uchun mutlaqo bepulga 28 dona toj tayyorlagan samarqandlik hunarmand Baxtiyor Yoqubovdan cheksiz minnatdormiz, – deydi “Quyoshli go‘zallik” festivali tashabbuskori, qozonlik (Rossiya) Yelena Jafarova.
An’anaga ko‘ra Bibixonim tarixiy-me’moriy obidasi poyida o‘tkazib kelinayotgan festival kunlarida o‘zgacha muhit hukm surganini alohida ta’kidlash joiz. Ishtirokchi davlatlarning madhiyalari yangradi, o‘g‘il-qizlar osmonga havo sharlarini uchirishdi, kuy-qo‘shiqlar kuylashdi, raqsga tushishdi, pantomimalarni ijro etishdi.
Qizig‘i shundaki, qirg‘izistonlik ishtirokchilar o‘zlari bilan bahaybat o‘tov, Qozog‘istondan kelgan mehmonlar esa katta hajmdagi qo‘g‘irchoqlar olib kelishgan. Bularning barchasi o‘zgacha bayramona muhit yaratdi, chunki festival Navro‘z bayrami munosabati bilan o‘tkazildi.
“Yil sayin ishtirokchilar soni ortib borayotganidan xursandman. Birinchi festivalda 25 nafarga yaqin bola ishtirok etdi. Ular biz haqimizda bilishadi, bizga yordam berishga harakat qilishadi. Men alohida e’tiborga muhtoj bolaning onasiman, u olti yoshda. Festival doirasida u bilan birga teatrlashtirilgan spektaklda chiqish qildik. Ishonchim komilki, bunday festivallar inklyuziv tashabbuslar va madaniy almashinuv muhimligini ko‘rsatadi, – deydi tashkilotchilardan biri Bahora Rabbimova.
V inklyuziv Markaziy Osiyo san’at, hunarmandchilik, teatr va kino forumi qadimiy va hamisha navqiron Samarqand shahri bo‘ylab sayohat bilan yakunlandi.
