TOShKENT, 26 fev — Sputnik. O‘zbekiston hududida fanga noma’lum bo‘lgan qo‘ng‘iz turi aniqlandi, deya xabar berdi mamlakat Fanlar akademiyasi matbuot xizmati. Xorazm Ma’mun akademiyasi tayanch doktoranti Bekchanov Norbek tomonidan bir necha yillik ilmiy izlanishlari natijasida fanga noma’lum bo‘lgan ikkita qo‘ng‘iz turi aniqlandi. Qo‘ng‘izlar yoki qattiq qanotlilar hasharotlar ichida eng yirik turkum bo‘lib, yer yuzining deyarli barcha mintaqalarida uchraydi va ekotizimning eng muhim jonzotlaridan hisoblanadi. Aniqlangan yangi turlarga Microdera uzbekistanica va Microdera abdullohi deb nom berildi. Aytilishicha, mazkur urug‘ turlari butun dunyo bo‘yicha 88 tani tashkil etgan, bu ko‘rsatkich endi yana 2 taga ko‘paydi
Aniqlangan yangi turlarga "Microdera uzbekistanica" va "Microdera abdullohi" deb nom berildi.
TOShKENT, 26 fev — Sputnik. O‘zbekiston hududida fanga noma’lum bo‘lgan qo‘ng‘iz turi aniqlandi, deya xabar berdi mamlakat Fanlar akademiyasi matbuot xizmati.
Xorazm Ma’mun akademiyasi tayanch doktoranti Bekchanov Norbek tomonidan bir necha yillik ilmiy izlanishlari natijasida fanga noma’lum bo‘lgan ikkita qo‘ng‘iz turi aniqlandi.
Qo‘ng‘izlar yoki qattiq qanotlilar hasharotlar ichida eng yirik turkum bo‘lib, yer yuzining deyarli barcha mintaqalarida uchraydi va ekotizimning eng muhim jonzotlaridan hisoblanadi.
“Ular orasida ekinlar zararkunandalaridan tortib to tabiatga va inson hayotiga foyda keltiradiganlari ham bor. Bundan tashqari, noyob va yo‘qolib borayotgan muhofazaga olingan turlari haligacha ilm-fanga noma’lum bo‘lganlari ham bor. Mana shunday fanga noma’lum bo‘lganlaridan ikkitasi O‘zbekiston hududidan aniqlandi”, — deyilgan xabarda.
Aniqlangan yangi turlarga Microdera uzbekistanica va Microdera abdullohi deb nom berildi.
“Bu turlar “Tenebrionidae” oilasiga mansub bo‘lib M.uzbekistanica Kuljuktog‘ hududida (Buxoro va Navoiy viloyatlari) va M.abdullohi turi esa Sulton-Uvays tog‘i hududida (Qoraqalpog‘iston) tarqalgan, asosan tunda faollashadigan bu turlar quruq muhit uchun juda moslashgan endemiklardir”, — deya aniqlik kiritilgan xabarda.
Aytilishicha, mazkur urug‘ turlari butun dunyo bo‘yicha 88 tani tashkil etgan, bu ko‘rsatkich endi yana 2 taga ko‘paydi
