O‘zbekistondagi masjidlarda Ramazon oyiga tayyorgarlik ko‘rildi
© Sputnik / Ramiz Baxtiyarov
Obuna bo‘lish
O‘zbekiston musulmonlari idorasi tizimidagi barcha masjidlarda tozalash va obodonlashtirish ishlari tashkil etildi.
TOShKENT, 25 fev — Sputnik. O‘zbekistondagi masjidlarda Ramazon tadbirlarini o‘tkazishga tayyorgarlik ko‘rildi, deya xabar berdi O‘zbekiston musulmonlari idorasi matbuot xizmati.
Qayd etilishicha, O‘zbekiston musulmonlari idorasi tizimidagi barcha masjidlarda tozalash va obodonlashtirish ishlari tashkil etildi.
“Xonaqohlar, tahoratxona va qo‘shimcha binolarda tozalash ishlari olib borilib, mo‘min-musulmonlar ibodat qilishlari uchun yaxshi sharoitlar hozirlandi. Ramazon oyi davomida masjidlarni toza va shinam saqlash, ovoz kuchaytirgichlarning uzluksiz ishlashini ta’minlash choralari ko‘rildi”, — deyiladi xabarda.
3/4
© Upravlenie musulman Uzbekistana
4/4
© Upravlenie musulman Uzbekistana
1/4
© Upravlenie musulman Uzbekistana
2/4
© Upravlenie musulman Uzbekistana
3/4
© Upravlenie musulman Uzbekistana
4/4
© Upravlenie musulman Uzbekistana
1/4
© Upravlenie musulman Uzbekistana
2/4
© Upravlenie musulman Uzbekistana
3/4
© Upravlenie musulman Uzbekistana
1/4
© Upravlenie musulman Uzbekistana
Mutasaddi tashkilotlar va yong‘in xavfsizligi idoralari bilan hamkorlikda Ramazon tadbirlarini o‘tkazish uchun masjid binolarining texnik holatlari, favqulodda holatlar bo‘lib qolgan taqdirda fuqarolarni ko‘chirish rejasi, elektr, gaz jihozlari sozligi va boshqa jihatlardan o‘rganildi.
Hashar davomida masjid, ziyoratgoh va qabristonlar chiqindilardan tozalandi, ekin yerlariga ishlov berildi, daraxtlar butalib, taglari oqlandi, ariqlar tozalandi. Manzarali, mevali daraxt hamda gul ko‘chatlari o‘tkazildi. Jumladan, 43 000 tupga yaqin gullar, mevali va manzarali daraxtlar ekildi, ular atrofidagi 31 ming 700 metr ariqlar tozalandi. 21 ming 290 tup daraxt oqlanib, shakl berildi. Bu ishlarga 530 ta texnika jalb qilindi”, — deya qayd etilgan xabarda.
Obodonlashtirish ishlarida imom-xatiblar boshchiligida masjid xodimlari, hay’at a’zolari va namozxonlardan jami 20 mingdan ziyod kishi faol ishtirok etgan.
