Endi bojxona kuzatuvida sun’iy intellektdan foydalaniladi
© Tamojenniy komitet pri Ministerstve ekonomiki i finansov respubliki Uzbekistan
Obuna bo‘lish
Chegaradagi yo‘lovchilar va avtotransport oqimi kamida 2 karra oshishi kutilmoqda.
TOShKENT, 25 fev — Sputnik. Endilikda bojxona kuzatuvida rentgen tasvirlari sun’iy intellekt asosida tahlil qilinib, xavfli tovarlar avtomatik aniqlanadi. Bu haqda prezident Shavkat Mirziyoyev ishtirokida o‘tgan bojxona faoliyatini takomillashtirish va raqamlashtirishga oid taqdimotda ma’lum qilindi.
Qayd etilishicha, chegaradagi yo‘lovchilar va avtotransport oqimi kamida 2 karra oshishi kutilmoqda.
Bojxona faoliyatini takomillashtirishga oid takliflar ko‘rib chiqildi
© Press-slujba prezidenta Uzbekistana
“Xalqaro qatnovlarni ko‘paytirish maqsadida avtobuslarda ham, aviareyslardagidek, yo‘lovchilar haqidagi ma’lumotlarni oldindan olish tizimi ko‘zda tutilmoqda. Natijada avtobuslar chegaradan soddalashgan tartibda o‘tkazilib, rasmiylashtirish vaqti 2 barobar qisqaradi”, — deyiladi xabarda.
Shuningdek, eng yirik bojxona postlarida yengil avtomobil va avtobuslar uchun qizil va yashil yo‘laklar joriy qilish taklif etilmoqda.
Taqdimotda bojxona kuzatuvida sun’iy intellektni keng qo‘llash masalasiga alohida e’tibor qaratildi.
Bojxona faoliyatini takomillashtirishga oid takliflar ko‘rib chiqildi
© Press-slujba prezidenta Uzbekistana
“Jahon banki mutaxassislari ko‘magida “xavf tizimi” takomillashtiriladi. Bu tizim moliyaviy barqarorlik, savdo tarixi kabi 122 ta mezon bo‘yicha tadbirkorlarning ishonchlilik darajasini baholaydi. Shuningdek, rentgen tasvirlari sun’iy intellekt asosida tahlil qilinib, xavfli tovarlar avtomatik aniqlanadi”, — deya qayd etilgan xabarda.
Bojxona faoliyatini takomillashtirishga oid takliflar ko‘rib chiqildi
© Press-slujba prezidenta Uzbekistana
Shavkat Mirziyoyev bu takliflarni ma’qulladi. Jahon savdo tashkilotiga a’zo bo‘lish jarayonida bunga bojxona qonunchiligini to‘liq muvofiqlashtirish vazifasi qo‘yildi.
Ma’lumot uchun, chegara orqali transportlar harakati 8 barobar ko‘payib, qariyb 5 milliontaga yetdi. Budjetga tushumlar 9 barobar o‘sib, o‘tgan yili 63 trillion so‘mdan oshdi. Yuklarni rasmiylashtirish vaqti importda 3 soat, eksportda 20 daqiqagacha qisqardi. Umuman, tizim soddalashtirilishi orqali 6 mingga yaqin eksportor hamda 20 mingga yaqin importorning sarf-xarajati va vaqti tejalgan. Xalqaro logistika reytingida bojxona ko‘rsatkichi bo‘yicha O‘zbekiston 140-o‘rindan 74-o‘ringa ko‘tarilgan.
