O‘zbekiston yetakchisi Turkiy davlatlar tashkiloti Oqsoqollar kengashi raisini qabul qildi

© Press-slujba prezidenta UzbekistanaPrezident Uzbekistana prinyal predsedatelya Soveta stareyshin Organizatsii turkskix gosudarstv
Prezident Uzbekistana prinyal predsedatelya Soveta stareyshin Organizatsii turkskix gosudarstv - Sputnik O‘zbekiston, 1920, 19.02.2025
Obuna bo‘lish
Binali Yildirim O‘zbekistonga shaharsozlik sohasidagi xalqaro tadbirlarda ishtirok etish uchun kelgan.
TOShKENT, 19 fev — Sputnik. O‘zbekiston prezidenti Shavkat Mirziyoyev Turkiy davlatlar tashkiloti Oqsoqollar kengashi raisi Binali Yildirimni qabul qildi, deya xabar berdi davlat rahbari matbuot xizmati.
Qayd etilishicha, Shavkat Mirziyoyev Kuvaytdan Toshkentga qaytgach, Turkiy davlatlar tashkiloti Oqsoqollar kengashi raisi, taniqli siyosatchi, Turkiyaning sobiq bosh vaziri Binali Yildirimni qabul qildi.
Binali Yildirim O‘zbekistonga shaharsozlik sohasidagi xalqaro tadbirlarda ishtirok etish uchun kelgan.
Uchrashuv avvalida siyosatchi davlat rahbariga Turkiya prezidenti Rejep Tayyip Erdog‘anning salomini yetkazdi. Tomonlar tashkilot doirasidagi ko‘p qirrali hamkorlikni yanada kengaytirish masalalarini ko‘rib chiqishdi.
“Turkiy davlatlar tashkiloti sammitlari yakunida qabul qilingan dastur va tashabbuslarni amalga oshirish maqsadida amaliy sheriklikni kengaytirish va aloqalarni faollashtirish muhim ekani ta’kidlandi”, — deyiladi xabarda.
Aytilishicha, TDT doirasidagi bo‘lajak tadbirlarga tayyorgarlik ko‘rish va ularni o‘tkazish masalalari ham muhokama etildi.
Ma’lumot uchun, Oqsoqollar kengashi Turkiy davlatlar tashkiloti huzuridagi doimiy maslahat organi hisoblanadi. Turkiy dunyo shaharsozlik kongressi 2002-yilda Anqarada tashkil etilgan Muhandis va me’morlar uyushmasi tomonidan o‘tkaziladi. Uyushma faoliyatida Samarqand va Navoiy shaharlari hokimliklari faol ishtirok etmoqda.
Yangiliklar lentasi
0