O‘zbekiston ilk bor tarmoqsimon polietilen ishlab chiqaradi — tafsilotlar
© Press-slujba OOO "Shurtanskiy gazoximicheskiy kompleks"V Uzbekistane vpervie budet proizvoditsya sshitiy polietilen

© Press-slujba OOO "Shurtanskiy gazoximicheskiy kompleks"
Obuna bo‘lish
Ishga tushirilgan yangi loyihaning qiymati 8 million dollarga teng.
TOShKENT, 19 fev — Sputnik. O‘zbekistonda ilk bor tarmoqsimon polietilen ishlab chiqariladi, deya xabar berdi Sho‘rtan gaz-kimyo majmuasi matbuot xizmati.
Respublikada ilk bor tarmoqsimon polietilen xomashosini ishlab chiqarish loyihasiga oid yakuniy kelishuv imzolandi.
© Press-slujba OOO "Shurtanskiy gazoximicheskiy kompleks"V Uzbekistane vpervie budet proizvoditsya sshitiy polietilen

V Uzbekistane vpervie budet proizvoditsya sshitiy polietilen
© Press-slujba OOO "Shurtanskiy gazoximicheskiy kompleks"
“Ushbu hujjatlar asosida “NASAF XCP TECHNO” qo‘shma korxonasi tashkil etilib, loyihaga rasman start berildi. Mazkur korxona Sho‘rtan gaz-kimyo majmuasi, Xitoyning “Yunnan Xinchengpeng Polymer Technology” kompaniyasi hamda “O‘zeltexsanoat” uyushmasiga a’zo “Techno Cable Group” korxonasi hamkorligida tashkil etildi”, — deyiladi xabarda.
Aytilishicha, loyiha natijasida O‘zbekistonda ilgari mavjud bo‘lmagan mahsulotni ishlab chiqarish orqali ichki bozorning yillik 25-30 ming tonnalik ehtiyoji mahalliy mahsulotlar hisobiga qoplanadi.
“8 million dollar qiymatidagi mazkur loyihaning ishga tushirilishi import hajmini yiliga 30 million dollarga kamaytirib, 65 ta yangi ish o‘rni yaratilishiga hamda ichki sanoat tarmog‘ini mustahkamlashga xizmat qiladi”, — deya qayd etilgan xabarda.
Ma’lumot uchun, tarmoqsimon polietilen (PE-X) oddiy polietilenga nisbatan ancha mustahkam, elastik va yuqori haroratga chidamli bo‘lib, suv va gaz quvurlari, isitish tizimlari, elektr izolyatsiyasi sohalarida qo‘llaniladi.