Masjidul Harom hududida birinchi o‘zbek milliy taomlari restorani ochildi

© Sputnik / Mixail Voskresenskiy / Mediabankka o‘tishPalomniki v Mekke
Palomniki v Mekke - Sputnik O‘zbekiston, 1920, 17.02.2025
Obuna bo‘lish
Restoran 450 nafar mehmonga mo‘ljallangan.
TOShKENT, 17 fev — Sputnik. Makka shahridagi Masjidul Harom hududida birinchi o‘zbek milliy taomlari restorani ochildi, deya xabar berdi "Dunyo" AA.
Aytilishicha, mashhur "The Clock Tower" majmuasining 3-qavatida joylashgan mazkur muassasa allaqachon ziyoratchilar va dunyoning turli burchaklaridan kelgan mehmonlar orasida mashhur maskanga aylandi.
Mazkur loyihani amalga oshirishda O‘zbekistonning Saudiya Arabistonidagi elchixonasi va Jiddadagi bosh konsulxonasi faol ishtirok etdi.
“450 nafar mehmonga mo‘ljallangan restoran mijozlarga O‘zbekistonning boy gastronomik merosi bilan yaqindan tanishish va milliy o‘zbek taomlarini taklif etadi. Restoran o‘zining qulay joylashuvi, yaratilgan do‘stona muhit va yuqori darajali xizmat tufayli nafaqat o‘zbekistonlik ziyoratchilar, balki boshqa mamlakatlar vakillarining ham e’tiborini tortmoqda”, — deyiladi xabarda.
Qayd etilishicha, restoran milliy o‘zbek taomlari taklif qilish bilan birga, O‘zbekiston sayyohlik salohiyatini targ‘ib qilishda ham muhim o‘rin tutadi.
“Palov, somsa, sho‘rva, manti va boshqa milliy taomlarimizni o‘z ichiga olgan restoranning boy menyusi O‘zbekiston va butun dunyodan kelgan ziyoratchilar o‘rtasida o‘ziga xos gastronomik ko‘prikka aylanadi”, — deyilgan xabarda.
Mirziyoyev Umra ziyoratini ado etdi - Sputnik O‘zbekiston, 1920, 14.10.2024
Umra ziyorati uchun litsenziya olishning talab va shartlari e’lon qilindi
Yangiliklar lentasi
0