Zulfiya mukofoti sovrindori Shirin Abdullayeva vafot etdi

© Sputnik / Ramiz BaxtiyarovUchastnitsa yubileynogo sezona shou "Ti Super!" Shirin Abdullayeva
Uchastnitsa yubileynogo sezona shou Ti Super! Shirin Abdullayeva - Sputnik O‘zbekiston, 1920, 16.02.2025
Obuna bo‘lish
Senat raisi Tanzila Narbayeva Shirin Abdullayeva vafoti munosabati bilan ta’ziya bildirdi.
TOShKENT, 16 fev — Sputnik. Zulfiya mukofoti sovrindori Shirin Abdullayeva vafot etdi, deya xabar berdi O‘zbekkonsert matbuot xizmati.
"O‘zbekkonsert davlat muassasasi jamoasi estrada xonandasi, "Zulfiya" mukofoti sovrindori Shirin Abdullayeva vafoti munosabati bilan uning oila a’zolari va yaqinlariga chuqur hamdardlik bildiradi", — deyiladi xabarda.
Shirin Abdullayeva 2005-yil 14-dekabr sanasida Namangan shahrida tug‘ilgan. U Pekindagi Sinxua universiteti talabasi bo‘lgan. 2023-yilda san’at yo‘nalishi bo‘yicha Zulfiya nomidagi Davlat mukofoti bilan taqdirlangan. Shirin Abdullayeva 2021-yilda u "Ti – super!" Rossiya teleko‘rsatuvida ishtirok etib, yarim finalga chiqdi.
Senat raisi Tanzila Narbayeva Shirin Abdullayeva vafoti munosabati bilan ta’ziya bildirdi.
"Intiluvchan, yosh bo‘lishiga qaramay hayotda o‘z o‘rnini topgan qizimiz Shirin Abdullayevaning vafoti barchamizni chuqur qayg‘uga soldi. Endigina 19 yoshga kirgan qizimiz o‘z iqtidori, mehnati bilan ilmda, san’atda o‘zini namoyon eta olgan umidli yoshlarimizdan biri edi. Xitoyda tahsil olayotgan qizimizning kelajakda O‘zbekistonimiz rivojiga hissa qo‘shish, ikki mamlakat o‘rtasidagi do‘stlik rishtalarini yanada mustahkamlash kabi yuksak orzulari bor edi. Ammo, beshafqat o‘lim uni oramizdan olib ketdi. Shirinning ota-onasi, yaqinlariga chuqur ta’ziyamizni bildiramiz", deb yozadi Oliy Majlis Senati raisi Tanzila Narbayeva o‘zining Telegram-kanalida.
Uchastnitsa yubileynogo sezona shou Ti super! Shirin Abdullayeva - Sputnik O‘zbekiston, 1920, 21.10.2021
Shirin Abdullayeva: “Ti super!” tanlovidan umuman boshqa odam bo‘lib qaytdim
Yangiliklar lentasi
0