O‘zbekiston va Rossiya adaptiv sport sohasida hamkorlik qilishga kelishib oldi
© Rossiyskiy gosudarstvenniy pedagogicheskiyuniversitet im. A. I. Gersena V ramkax vizita rektora Gersenovskogo universiteta Sergeya Tarasova v Tashkent sostoyalos podpisanie Memoranduma o vzaimoponimanii i sotrudnichestve s Natsionalnim agentstvom sotsialnoy zashiti pri Prezidente Respubliki Uzbekistan.

© Rossiyskiy gosudarstvenniy pedagogicheskiyuniversitet im. A. I. Gersena
Obuna bo‘lish
O‘zbekiston Rossiya bilan hamkorlikda nogironligi bo‘lgan yoshlarni sport bilan qamrab olish bo‘yicha metodika va standartlar ishlab chiqadi.
TOShKENT, 13 fev — Sputnik. A.I.Gersen nomidagi Rossiya davlat pedagogika universiteti va Ijtimoiy himoya milliy agentligi o‘rtasida o‘zaro anglashuv va hamkorlik memorandumi imzolandi, deya xabar berdi universitet matbuot xizmati.
Hamkorlik hujjati universitet rektori Sergey Tarasov va agentlik direktorining birinchi o‘rinbosari Shahnoza Mirziyoyeva o‘rtasida imzolandi.
Hujjat sport, ta’lim, ilmiy va yoshlarga oid loyihalarni amalga oshirishda sheriklikni mustahkamlashga qaratilgan.
"Memorandum doirasida inklyuziv ta’lim va adaptiv sport yo‘nalishida qo‘shma loyihalar ishlab chiqish, xodimlar bilan o‘zaro tajriba almashish, talabalarni maxsus dasturlarga jalb etish hamda bitiruvchilarni ishga joylashtirish va amaliyot o‘tashlarini tashkil etishda ko‘maklashish rejalashtirilgan", — deyiladi xabarda.
Universitetning Toshkent shahridagi filiali bilan hamkorlik qilish bo‘yicha takliflar qatoriga quyidagilar kiradi:
talaba-maxsus ta’lim o‘qituvchilarining O‘zbekiston Ijtimoiy himoya agentligi tizimidagi muassasalarida amaliyot o‘tashlarini tashkil etish
Agentlik xodimlarining malakasini oshirish kurslarini ishlab chiqish, filial bitiruvchilarini ishga joylashtirishga ko‘maklashish.
Bundan tashqari, filial negizida Korretsion pedagogika markazini tashkil etish va adaptiv jismoniy tarbiya va sport sohasida hamkorlikni yo‘lga qo‘yish, mazkur yo‘nalishlar bo‘yicha ta’lim dasturlarini ishlab chiqish va ochish bo‘yicha hamkorlikda ish olib borish taklif etilmoqda.
O‘zbekiston prezidenti matbuot kotibi Sherzod Asadov o‘zining Telegram-kanalida yozishicha, bugun davlat rahbari Shavkat Mirziyoyev ishtirokida o‘tgan yig‘ilishda Rossiya davlat pedagogika universitetining Toshkentdagi filialida adaptiv sport bo‘yicha alohida fakultet ochiladi.
“Adaptiv sport turlari assotsiatsiyasi A.I.Gersen nomidagi Rossiya davlat pedagogika universiteti bilan hamkorlikda nogironligi bo‘lgan yoshlarni sport bilan qamrab olish bo‘yicha ilmiy asoslangan metodika va standartlarni ishlab chiqadi. Universitetning Toshkentdagi filialida adaptiv sport bo‘yicha alohida fakultet ochiladi”, — deyiladi xabarda.
Ma’lumot uchun, adaptiv sport - nogironlar (ayniqsa, iqtidorli yoshlar)da yuqori mahoratini rivojlantirishga va sog‘lig‘ida o‘xshash muammolari bo‘lgan odamlar bilan musobaqalarda turli sport turlari bo‘yicha eng yuqori sport natijalariga erishishga qaratilgan sport turi.