O‘zbekistonning 2024-yildagi norasmiy va yashirin iqtisodiyoti ko‘rsatkichlari — infografika

Obuna bo‘lish
2024 yilning yanvar-dekabri davomida kuzatilmaydigan iqtisodiyotning O‘zbekiston YaIMdagi ulushi 34,8 foizni tashkil etdi.
Statistika agentligiga ko‘ra, 2024-yil yakunlariga ko‘ra, O‘zbekistonda kuzatilmaydigan (norasmiy va yashirin) iqtisodiyotning yalpi qo‘shilgan qiymati hajmi 505,6 trln so‘mni va uning yalpi ichki mahsulotdagi ulushi 34,8 % ni tashkil etdi.
Shundan norasmiy iqtisodiyotning yalpi qo‘shilgan qiymati hajmi 383,6 trln so‘mni va uning yalpi ichki mahsulotdagi ulushi 26,4 % ni tashkil etdi. Yashirin iqtisodiyotning yalpi qo‘shilgan qiymati hajmi esa 122,0 trln so‘mni va uning yalpi ichki mahsulotdagi ulushi 8,4 % ni tashkil etdi.
Kuzatilmaydigan iqtisodiyotning eng katta ulushi qishloq, o‘rmon va baliqchilik xo‘jaliklariga to‘g‘ri keladi (63,6%).
Kuzatilmaydigan iqtisodiyot – doimiy statistika kuzatuvlarida to‘liq yoki qisman qamrab olinmagan, shuningdek, statistika ko‘rsatkichlarida aks ettirishda bilvosita usullar orqali baholanadigan iqtisodiy faoliyat turlari.
Norasmiy iqtisodiyot – uy xo‘jaliklari yoki jismoniy shaxslar tomonidan belgilangan tartibda ro‘yxatdan o‘tmagan holda amalga oshiriladigan ishlab chiqarish (xizmat ko‘rsatish) bilan bog‘liq iqtisodiy faoliyat.
Yashirin iqtisodiyot – qonun bilan man etilmagan, ammo soliqqa tortilmaslik va qonun hujjatlari talablariga rioya qilmaslik maqsadida davlat organlaridan ataylab berkitilgan iqtisodiy faoliyat.
Batafsil — Sputnik O‘zbekiston infografikasida.
Yangiliklar lentasi
0