AQShda bolalar jinsini o‘zgartirish operatsiyalarini moliyalashtirish taqiqlandi

© rawpixel.com / TeddyDeti lejat na polu i igrayut v igri na svoix telefonax/
Deti lejat na polu i igrayut v igri na svoix telefonax/ - Sputnik O‘zbekiston, 1920, 29.01.2025
Obuna bo‘lish
Yangi hujjat: Amerika Qo‘shma Shtatlarining siyosati bolaning bir jinsdan boshqa jinsga o‘tishini moliyalashtirmaydi.
TOShKENT, 29 yanv — Sputnik. AQShda bolalarning jinsini o‘zgartirish operatsiyalari uchun federal moliyalashtirish taqiqlandi. Bu haqda mamlakat prezidenti Donald Tramp tegishli farmonni imzoladi.
Hujjatda qayd etilishicha, bugungi kunda mamlakat bo‘ylab shifokorlar bir qator qaytarilmas tibbiy muolajalar orqali jinsini o‘zgartirishi mumkin degan yolg‘on bahona bilan ko‘proq bolalarni jarohatlaydi va sterilizatsiya qilmoqda.

“Bu xavfli tendensiya xalqimiz tarixida dog‘ bo‘lib qoladi va uni to‘xtatish kerak”, — deyiladi hujjat matnida.

Shunga ko‘ra, Amerika Qo‘shma Shtatlarining siyosati bolaning bir jinsdan boshqa jinsga o‘tishini moliyalashtirmaydi, homiylik qilmaydi, targ‘ib qilmaydi, yordam bermaydi yoki qo‘llab-quvvatlamaydi.
Hujjatga ko‘ra, endi 19 yoshgacha bo‘lgan shaxslarning jinsini o‘zgartirish operatsiyasi yoki gormonal terapiya uchun davlat mablag‘laridan foydalanish taqiqlanadi.
Tramp bolalarda gender disforiyasini davolash bo‘yicha ko‘rsatmalarni ko‘rib chiqishni va 90 kun ichida yangi hisobotni taqdim etishni buyurdi. Farmonga ko‘ra, federal mablag‘ oladigan tibbiyot muassasalaridan bunday xizmatlarni ko‘rsatishni to‘xtatish talab qilinadi.
Yangiliklar lentasi
0