Vladimir Putin va Si Szinpin muzokara o‘tkazdi — yetakchilarning asosiy fikrlari
15:00 21.01.2025 (yangilandi: 15:01 21.01.2025)
© RIA Novosti / POOL
/ Obuna bo‘lish
Si Szinpin va Vladimir Putin videokonferensaloqa orqali uchrashuv o‘tkazdi.
TOShKENT, 21 yanv — Sputnik. Rossiya prezidenti Vladimir Putin va Xitoy rahbari Si Szinpin videokonferensaloqa orqali muzokara o‘tkazdi, deb xabar bermoqda Xitoy markaziy televideniyesi.
Aytilishicha, 21-yanvar kuni ertalab Xitoy raisi Si Szinpin Pekindagi Xalq majlislari zalida Rossiya prezidenti Vladimir Putin bilan videokonferensaloqa orqali muloqot qildi.
Prezident Vladimir Putin provel peregovori s predsedatelem KNR Si Szinpinom v formate videokonferensii
© POOL
/ Vladimir Putin Xitoy yetakchisi Si Szinpin bilan uchrashuvda 2024-yilga mo‘ljallangan ishlarni yakunlash va mamlakatlar o‘rtasidagi munosabatlarni rivojlantirish bo‘yicha yangi rejalarni belgilashni taklif qildi.
Rossiya yetakchisi Vladimir Putinning qayd etishicha, Rossiya va Xitoy o‘rtasidagi tashqi siyosat aloqalari dunyo ishlarida muhim barqarorlashtiruvchi rol o‘ynaydi.
"Ishonch bilan aytishimiz mumkinki, Rossiya va Xitoy o‘rtasidagi tashqi siyosiy aloqalar va qo‘shma ish obyektiv ravishda xalqaro munosabatlarda muhim barqarorlashtiruvchi rol o‘ynaydi", — dedi u.
Uning so‘zlariga ko‘ra, Rossiya va Xitoy sanoat, transport, qishloq xo‘jaligi va boshqa sohalarda muvaffaqiyatli loyihalarni amalga oshirmoqda. Moskva va Pekin do‘stlik va o‘zaro ishonchga asoslangan munosabatlarni qurmoqda.
“Moskva va Pekin o‘rtasidagi hamkorlikning asosi milliy manfaatlarning keng hamjamiyatiga va yirik davlatlar o‘rtasidagi munosabatlar qanday bo‘lishi kerakligi haqidagi qarashlarning mos kelishi haqidagi fikringizga qo‘shilaman. Biz aloqalarimizni do‘stlik, o‘zaro ishonch va qo‘llab-quvvatlash, tenglik va o‘zaro manfaatlar asosida qurmoqdamiz”, — dedi Putin Xitoy rahbariga murojaat qilib.
Ta’kidlanishicha, Rossiya Xitoyga tabiiy gaz yetkazib beruvchi birinchi davlatga aylandi.
“Besh yil muqaddam siz bilan birgalikda biz “Sibir kuchi” gaz quvurini ishga tushirgan edik. Bugungi kunda Rossiya Xitoyga tabiiy gaz yetkazib berish bo‘yicha birinchi o‘rinni egalladi”, — dedi Putin Xitoy yetakchisiga.
Xitoy rahbari Rossiya bilan o‘zaro savdo aylanmasining o‘sishiga ishonch tendensiyasi davom etayotganini ma’lum qildi.
"Doimiy qo‘shnichilik va do‘stlik, keng qamrovli strategik o‘zaro ta’sir, o‘zaro manfaatli hamkorlik va o‘zaro manfaatli yutuqlardan iborat bo‘lgan Xitoy-Rossiya munosabatlari yangi hayotiy kuchga ega bo‘lmoqda", — dedi Si Szinpin.
Xitoy rahbarining so‘zlariga ko‘ra, ikki tomonlama amaliy hamkorlik bosqichma-bosqich kengaymoqda, o‘zaro savdo hajmining ishonchli o‘sish tendensiyasi saqlanib qolmoqda. Xitoy-Rossiya gaz quvurining sharqiy yo‘nalishi esa muddatidan avval to‘liq quvvatga keltirildi.
Uchrashuvda Rossiya prezidenti “ikkinchi jahon urushidagi G‘alaba xotirasi Rossiya va Xitoy xalqlari uchun muqaddasdir” deb aytdi.
“Janob rais, bu yil Buyuk G‘alabaning 80-yilligini munosib nishonlashga hozirlik ko‘rapmiz. Uning xotirasi bosqinchilarga qarshi qonli kurash olib borgan, son-sanoqsiz qurbonlar evaziga dushmanni yenggan mamlakatlarimiz xalqlari uchun muqaddasdir”, — dedi Putin XXR raisiga.
