Mirziyoyev Trampni lavozimga kirishgani bilan tabriklab, uni O‘zbekistonga taklif etdi

© Press-slujba prezidenta UzbekistanaPrezident Uzbekistana Shavkat Mirziyoyev i Prezident SShA Donald Tramp
Prezident Uzbekistana Shavkat Mirziyoyev i Prezident SShA Donald Tramp - Sputnik O‘zbekiston, 1920, 21.01.2025
Obuna bo‘lish
Shavkat Mirziyoyev Donald Trampni tashrif bilan O‘zbekistonga kelishga taklif etdi.
TOShKENT, 21 yanv — Sputnik. O‘zbekiston prezidenti Shavkat Mirziyoyev Amerika Qo‘shma Shtatlari prezidenti Donald Trampni ushbu lavozimga rasmiy kirishgani munosabati bilan tabrikladi, deb yozmoqda davlat rahbari matbuot kotibi Sherzod Asadov o‘zining Telegram-kanalida.
Davlat rahbari o‘z maktubida Donald Trampning yangi muddatdagi faoliyati davomida AQShning xalqaro maydondagi nufuzi va obro‘-e’tibori, iqtisodiy qudrati va salohiyati, global miqyosdagi o‘rni va ahamiyati yanada ortishiga ishonch bildirdi.
Ta’kidlanishicha, O‘zbekiston AQShning respublika mustaqilligi, suvereniteti va hududiy yaxlitligini doimiy qo‘llab-quvvatlashga qaratilgan siyosatini yuqori baholaydi va alohida qadrlaydi.

"Sizning birinchi Prezidentlik davringizda O‘zbekiston-AQSh o‘rtasida yangi davrdagi strategik sheriklik munosabatlari o‘rnatilganini va ko‘p qirrali aloqalarimiz yuqori bosqichga ko‘tarilganini ta’kidlab o‘tishni istar edim. Biz bundan keyin ham ikki va ko‘p tomonlama platformalar doirasida uzoq muddatli hamkorligimizni yanada rivojlantirishdan manfaatdormiz", – deyiladi prezident maktubida.

Shuningdek, Shavkat Mirziyoyev Donald Trampni tashrif bilan O‘zbekistonga kelishga taklif etdi.
Donald Tramp vo vremya seremonii inauguratsii v Vashingtone - Sputnik O‘zbekiston, 1920, 21.01.2025
Tramp rasman AQSh prezidenti lavozimiga kirishdi: u qanday ishlarni amalga oshirishga ulgurdi?
Yangiliklar lentasi
0