Rossiya va O‘zbekiston hamkorlikni kuchaytirishga qaratilgan yo‘l xaritasi imzolaydi

© Ministerstvo transporta UzbekistanaFlajki Uzbekistana i Rossii na peregovorax
Flajki Uzbekistana i Rossii  na peregovorax - Sputnik O‘zbekiston, 1920, 19.01.2025
Obuna bo‘lish
"Yo‘l xaritasi" O‘zbekiston va Sibirning turli hududlari o‘rtasidagi savdo-iqtisodiy aloqalarni rivojlantiradi va ta’lim sohasidagi hamkorlikni yanada kengaytiradi.
TOShKENT, 19 yanv — Sputnik. Rossiya va O‘zbekiston hududlardagi hamkorlikni kuchaytirishga qaratilgan "yo‘l xaritasi"ni imzolaydi. Bu haqda "Dunyo" AA xabar berdi.
O‘zbekiston bosh konsuli Aslam Akbarov "Sibir kelishuvi" Rossiya subyektlari iqtisodiy hamkorligi hududlararo assotsiatsiyasining tashqi iqtisodiy faoliyatni rivojlantirish departamenti rahbari Aleksey Akulinin bilan muzokara o‘tkazdi.
Assotsiatsiya muvofiqlashtiruvchi kengash raisi, Irkutsk viloyati gubernatori Igor Kobzev Rossiya–O‘zbekiston hamkorligining bugungi kundagi yuksak darajasiga, ayniqsa, iqtisodiy sohadagi aloqalarga alohida e’tibor qaratayotgani qayd etdi.
Assotsiatsiya ijroiya qo‘mitasi va O‘zbekistonning Novosibirskdagi Bosh konsulxonasi o‘rtasida imzolanadigan "yo‘l xaritasi" O‘zbekiston va Sibirning turli hududlari o‘rtasidagi savdo-iqtisodiy aloqalarni rivojlantirish, ta’lim sohasidagi hamkorlikni yanada kengaytirishda muhim bosqich bo‘lishi ta’kidlandi.

“Muzokaralar chog‘ida mazkur "yo‘l xaritasi"ning asosiy jihatlari muhokama qilindi. Rossiya vakili bilan "yo‘l xaritasi"ning yakuniy shaklini O‘zbekiston tomonining barcha qo‘shimchalarini kiritgan holda taqdim etish to‘g‘risida kelishib olindi”, — deyiladi xabarda.

"Yo‘l xaritasi"da Irkutsk va Andijon viloyatlari, Novosibirsk va Surxondaryo viloyatlari, Tomsk va Sirdaryo hamda Toshkent viloyatlari iqtisodiy tuzilmalarining muvaffaqiyatli o‘zaro hamkorligiga oid band bilan to‘ldirish taklif etilmoqda.
Qayd etilishicha, ishlab chiqilayotgan "yo‘l xaritasi"da ta’lim sohasidagi o‘zaro hamkorlikka alohida e’tibor qaratilmoqda.
Yangiliklar lentasi
0