Minskda MDH Doimiy vakillar kengashining majlisi bo‘lib o‘tadi

© Sputnik / Vladislav Vodnev / Mediabankka o‘tishFlagi stran-uchastnikov SNG, arxivnoe foto
Flagi stran-uchastnikov SNG, arxivnoe foto - Sputnik O‘zbekiston, 1920, 19.01.2025
Obuna bo‘lish
Kengash a’zolari MDH TIV kengashining navbatdagi majlisi kun tartibi loyihasini hamda Hamdo‘stlikni yanada rivojlantirish konsepsiyasini amalga oshirish bo‘yicha asosiy tadbirlar rejasini muhokama qilishadi.
TOShKENT, 19 yanv — Sputnik. Minskda 22-yanvar kuni Tojikiston raisligida MDH Doimiy vakillar kengashining joriy yildagi birinchi majlisi bo‘lib o‘tadi. Bu haqda MDH Ijroiya qo‘mitasi ma’lum qildi.
“22 yanvar kuni Minsk shahridagi MDH Ijroiya qo‘mitasida Tojikiston Respublikasi raisligida Hamdo‘stlikka a’zo davlatlarning Hamdo‘stlikning ustav va boshqa organlari huzuridagi Doimiy vakolatli vakillari kengashining joriy yildagi birinchi majlisi bo‘lib o‘tadi”, — deyiladi xabarda.
Uchrashuvda MDH Bosh kotibi Sergey Lebedev va Tashqi ishlar vazirligining MDH departamenti boshlig‘i, Tojikiston Respublikasining Shanxay hamkorlik tashkiloti bo‘yicha milliy koordinatori Ahmad Saidmurodzoda ishtirok etishi rejalashtirilgan. Unda Tojikistonning 2025-yilda MDH raisligi Konsepsiyasi va uni amalga oshirish bo‘yicha Harakatlar dasturi taqdim etiladi.
Yig‘ilishda doimiy vakillar ham o‘tgan yilgi faoliyati yakunlarini sarhisob qiladi va 2025-yilga mo‘ljallangan ish rejasini tasdiqlaydi. Kengash a’zolari MDH Tashqi ishlar vazirlari kengashining navbatdagi majlisi kun tartibi loyihasini hamda Hamdo‘stlikni yanada rivojlantirish konsepsiyasini amalga oshirish bo‘yicha asosiy tadbirlar rejasini amalga oshirishning borishini muhokama qilish niyatida.
Uchrashuv doirasida “Belarus moldovanlari: etnomadaniy o‘ziga xoslik va integratsiya” kitobining taqdimoti bo‘lib o‘tadi.
Yangiliklar lentasi
0