Harbiy xizmatchilarga tavsiyanoma berish uchun testlar qanday o‘tadi

© MO UzbekistanaVoyennoslujashie Uzbekistana, obuchenie
Voyennoslujashie Uzbekistana, obuchenie - Sputnik O‘zbekiston, 1920, 17.01.2025
Obuna bo‘lish
Test sinovlarida yetarli ball to‘plagan harbiy xizmatchilar Oliy harbiy ta’lim muassasalariga tavsiyanoma olishi mumkin.
TOShKENT, 17 yanv — Sputnik. Muddatli harbiy xizmatchilar tavsiyanoma olishi uchun test sinovlari haqida Mudofaa vazirligi boshqarma boshlig‘i Otabek Norboyev batafsil ma’lumot berdi.
Unga ko‘ra, sinovlar 2025-yilning 20-25 yanvar kunlari Oliy ta’lim, fan va innovatsiyalar vazirligi huzuridagi Bilim va malakalarni baholash agentligi tomonidan o‘tkaziladi.

"Muddatli harbiy xizmatchilar uchun mo‘ljallangan test savollarining umumiy soni 100 tadan iborat bo‘lib, ulardan 40 tasi – jangovar tayyorgarlik, 20 tasi – ma’naviy-ma’rifiy tayyorgarlik, 10 tasi – matematika, 10 tasi –fizika va qolgan 20 tasi – mantiqiy savollar", - deyiladi xabarda.

Harbiy xizmatchilarga har bir to‘g‘ri javob uchun jangovar tayyorgarlik bo‘yicha 1,2 balldan, ma’naviy-ma’rifiy tayyorgarlik bo‘yicha – 1,1 balldan, matematika, fizika va mantiqiy savollar bo‘yicha – 1 balldan beriladi.
Test sinovlarini o‘tkazishning umumiy vaqti 3 soatni tashkil etadi.
Test sinovlarida yetarli ball to‘plagan harbiy xizmatchilar Oliy harbiy ta’lim muassasalariga tavsiyanoma olishi mumkin. Bunda harbiy xizmatchining intizomi ham inobatga olinadi.
Eslatib o‘tamiz, prezident qaroriga muvofiq, tavsiyanomaga ega bo‘lgan harbiy xizmatchilar oliy harbiy ta’lim muassasalariga kirish test sinovlarida to‘plagan ballarining 50 foizi miqdorida qo‘shimcha ball imtiyozi olishi mumkin.
Shuningdek, OTMlar bakalavriatiga kirishda ham qabul parametrlaridan tashqari tanlovda ishtirok etish huquqiga ega bo‘ladilar.
Yangiliklar lentasi
0