Qirg‘izistonda YeOII va MDH davlatlarining birinchi yoshlar forumi start oldi  - Sputnik O‘zbekiston, 1920
O‘zbekiston va YeOII
Shavkat Mirziyoyev hukumat, ekspertlar va parlament a’zolariga O‘zbekistonning YeOIIga kirish istiqbollarini har tomonlama o‘rganib chiqish, bu integratsiyaning barcha afzalliklari va xavf-xatarlarini baholab, yakuniy qaror qabul qilish uchun batafsil hisobot taqdim etilishi haqida topshiriq bergan edi.

YeOII to‘rtta davlatning g‘ildirak disklariga bojlar joriy qilmoqda

© Sputnik / Konstantin Chalabov / Mediabankka o‘tishMontaj avtomobilnix shin
Montaj avtomobilnix shin - Sputnik O‘zbekiston, 1920, 16.01.2025
Obuna bo‘lish
Bu Ittifoqda mahalliy ishlab chiqarishni himoya qilish imkonini beradi.
TOShKENT, 16 yanv — Sputnik. Yevroosiyo iqtisodiy ittifoqi (YeOII) Yaponiya, Tailand, Turkiya va Malayziyadan alyuminiy g‘ildirak disklariga besh yil muddatga boj joriy etmoqda, deya xabar berdi Yevroosiyo iqtisodiy komissiyasi (YeIK) matbuot xizmati.

“Chora yangi va ishlatilgan, diametri 13 dan 20 duymgacha bo‘lgan, shinali yoki shinasiz g‘ildiraklarga nisbatan qo‘llaniladi. Uning amal qilish muddati besh yil bo‘ladi. Boj to‘lovi ishlab chiqarilgan mamlakatga qarab bojxona qiymatining 9,38-42,82 foizi miqdorida belgilandi”, — deyiladi xabarda.

Ushbu chora YeOIIda mahalliy ishlab chiqarishni himoya qilish uchun ko‘rildi, chunki izlanishlar ushbu to‘rtta davlatdan kelib chiqadigan tovarlarning demping importi va Ittifoqning iqtisodiy sektoriga moddiy zarar yetkazilishini aniqladi.

"Demping mamlakatlaridagi quyma alyuminiy g‘ildiraklar ishlab chiqaruvchilarning narx siyosati o‘zimizning korxonalar ichki bozordagi ulushini yo‘qotgan sharoitda tovarlarning sotish narxini ularning tannarxi oshishiga mutanosib ravishda oshira olmaganiga olib keldi. Natijada ularning sotuvi foydasiz bo‘lib, ishlab chiqarish rentabelligi salbiy bo‘lib qoldi", — deya tushuntirdi YeIK savdo vaziri Andrey Slepnyov.

Ma’lumot uchun, 2019-yildan boshlab YeOII mamlakatlarida Xitoydan alyuminiy quyma g‘ildiraklar uchun antidemping bojlari amal qiladi. 2024-yil oxirida ularning muddati 2029-yilgacha uzaytirildi.
Yangiliklar lentasi
0