O‘zbekiston va Rossiya madaniy hamkorlikni mustahkamlashga kelishib oldi — tafsilotlar

© Xokimiyat goroda TashkentaXokim Tashkenta Shavkat Umurzakov vstretilsya s delegatsiyey pod rukovodstvom glavi goroda Yekaterinburga Rossiyskoy Federatsii Alekseyem Orlovim
Xokim Tashkenta Shavkat Umurzakov vstretilsya s delegatsiyey pod rukovodstvom glavi goroda Yekaterinburga Rossiyskoy Federatsii Alekseyem Orlovim - Sputnik O‘zbekiston, 1920, 13.01.2025
Obuna bo‘lish
Tomonlar badiiy ta’lim sohasida yetuk kadrlarni tayyorlash, qo‘shma ta’lim dasturlarini yo‘lga qo‘yish va o‘zaro tajriba almashish to‘g‘risida kelishuvga erishishdi.
TOShKENT, 13 yanv — Sputnik. Rossiya Federatsiyasining Janubiy federal universiteti hamda O‘zbekiston Badiiy akademiyasi huzuridagi Badiiy ta’lim yo‘nalishlarida pedagog va mutaxassis kadrlarni qayta tayyorlash hamda ularning malakasini oshirish markazi o‘rtasida hamkorlik memorandumi imzolandi, deya xabar berdi akademiya matbuot xizmati.
Onlayn shaklda o‘tkazilgan uchrashuvda tomonlar umumiy maqsadlar, badiiy ta’lim sohasida yetuk kadrlarni tayyorlash, qo‘shma ta’lim dasturlarini yo‘lga qo‘yish va o‘zaro tajriba almashish to‘g‘risida kelishuvga erishishdi.
Memorandumning maqsadi – ta’lim sifatini oshirish, zamonaviy metodologiyalarni joriy etish va ikki davlat o‘rtasida madaniy hamkorlikni mustahkamlash.
“Ushbu kelishuv o‘qituvchilar va mutaxassislarning malakasini oshirish, yangi innovatsion ta’lim dasturlarini yaratish, hamkorlikda ilmiy tadqiqotlar olib borish uchun mustahkam poydevor yaratadi”, — deyilgan xabarda.
Janub federal universiteti "Rostov davlat universiteti", "Rostov davlat arxitektura va san’at akademiyasi", "Rostov davlat pedagogika universiteti" va "Taganrog davlat radiotexnika universiteti" oliy kasbiy ta’lim davlat ta’lim muassasalarining huquqiy vorisi hisoblanadi.
Yangiliklar lentasi
0