Xitoydagi zilzila: Shavkat Mirziyoyev Si Szinpinga ta’ziya yo‘lladi

© Press-slujba prezidenta UzbekistanaShavkat Mirziyoyev podpisivayet dokumenti.
Shavkat Mirziyoyev podpisivayet dokumenti. - Sputnik O‘zbekiston, 1920, 08.01.2025
Obuna bo‘lish
Prezident halok bo‘lganlarning oila a’zolari va yaqinlariga hamdardlik bildirdi.
TOShKENT, 8 yanv — Sputnik. O‘zbekiston prezidenti Shavkat Mirziyoyev Xitoy Xalq Respublikasi raisi Si Szinpinga ta’ziya yo‘lladi, deb yozmoqda davlat rahbari matbuot kotibi Sherzod Asadov o‘zining Telegram-kanalida.
“Xitoy janubi-g‘arbidagi Shigasze shahri Dinji uyezdida kuchli zilzila oqibatida ko‘plab odamlar hayotdan ko‘z yumgani va jarohat olgani munosabati bilan O‘zbekiston Respublikasi Prezidenti Shavkat Mirziyoyev Xitoy Xalq Respublikasi Raisi Si Szinpinga ta’ziya yo‘lladi. Davlatimiz rahbari halok bo‘lganlarning oila a’zolari va yaqinlariga hamdardlik bildirdi, jabrlanganlar tez orada shifo topishini tiladi”, — deyiladi xabarda.
Ma’lumot uchun, 6,8 magnitudali zilzila 7-yanvar kuni mahalliy vaqt bilan soat 9:05 sodir bo‘ldi. Zilzila o‘chog‘idan 20 kilometr radiusda uchta shahar va 27 qishloq joylashgan bo‘lib, ularda 6,9 mingga yaqin aholi istiqomat qiladi. Xitoy rahbari qidiruv-qutqaruv ishlarini olib borish va qurbonlar sonini kamaytirish uchun barcha imkoniyatlarni ishga solishni buyurdi. Zilzila qurbonlari soni 126 kishiga yetdi.
Yangiliklar lentasi
0