Aliyev Rossiya va NATO o‘rtasidagi urush ehtimolini baholadi
© Sputnik / Pavel Bednyakov
/ Obuna bo‘lish
Ilhom Aliyev:NATO va Rossiya issiq urushda birlashgan ssenariyni tasavvur qilish global apokalipsisni tasavvur qilish bilan barobar.
TOShKENT, 18 dek — Sputnik. Rossiya va NATO o‘rtasidagi dahshatli urush ssenariysi amalga oshmasligini ta’minlash uchun Rossiya Federatsiyasi va AQShda yetarlicha siyosiy donolik mavjud. Bu haqda Ozarbayjon prezidenti Ilhom Aliyev VGTRK va RIA Novostiga bergan intervyusida ma’lum qildi.
“Menimcha, Vashingtonda ham, Moskvada ham, boshqa poytaxtlarda ham bunday dahshatli ssenariy (Rossiya Federatsiyasi va NATO o‘rtasidagi harbiy qarama-qarshilik – tahr.) amalga oshmasligini ta’minlash uchun yetarlicha siyosiy donolik bor”, — deydi u.
Uning aytishicha, Rossiya va NATO o‘rtasidagi issiq urush ssenariysini tasavvur qilish dunyo apokalipsisini tasavvur qilish bilan bir xil.
“NATO va Rossiya issiq urushda birlashgan ssenariyni tasavvur qilish global apokalipsisni tasavvur qilish bilan barobar”, — dedi u.
Ozarbayjon prezidentining so‘zlariga ko‘ra, “bu urushda g‘oliblar bo‘lmasligi aniq va birorta ham davlat, aytaylik, NATO mintaqasi yoki Rossiya hududidan uzoqda joylashgan bo‘lsa ham, o‘zini xavfsiz his qila olmaydi”.
Uning qayd etishicha, Ozarbayjon va Armaniston chegarasida Yevropa Ittifoqi kuzatuvchilari niqobi ostida NATO infratuzilmasi yaratilgan.
“Biz bilan chegarada, Armaniston tomonida yevropalik kuzatuvchilar nomi ostida NATO infratuzilmasi yaratilgan”, — dedi Aliyev.
Aliyevning so‘zlariga ko‘ra, kuzatuvchilarni yuborish masalasi 2022-yilda Armaniston bosh vaziri Nikol Pashinyan, Yevropa kengashi rahbari Sharl Mishel, Fransiya prezidenti Emmanuel Makron va Aliyev o‘rtasida bo‘lib o‘tgan to‘rt tomonlama uchrashuvda Boku bilan kelishilgan.
“O‘shanda biz Fransiyani hali normallashtirish jarayonidan chetlatganimiz yo‘q edi. Va Yevropa Ittifoqi vakillarining cheklangan kontingenti... ikki oy muddatga joylashtirilishi kelishib olindi. Shundan so‘ng, bizning roziligimizsiz missiya muddati uzaytirildi. Va argument shunday edi: "Nega siz bilan kelishish kerak, bu ahir Armaniston hududidagi missiya?" Bizning argumentimiz shunday edi: "Nega biz ahdlashganimizda, biz bilan kelishdingiz? Ahir bunday qilib bo‘lmaydi", — deb ta’kidladi Aliyev.
Uning ta’kidlashicha, keyinchalik Yevropa Ittifoqi kuzatuvchilari soni 200 dan ortiq kishiga ko‘paytirilgan. “Bundan tashqari, bu missiya muammosiz NATO missiyasiga aylandi, chunki Kanada vakillari ishtirok etdi”, dedi Aliyev.
