Transport “arteriya”lariga alohida ahamiyat berishimiz kerak — Mirziyoyev
10:07 27.11.2024 (yangilandi: 10:27 27.11.2024)
© Press-slujba prezidenta Uzbekistana
Obuna bo‘lish
Transport sohasidagi transformatsiya jarayonlari taqdimot qilindi
TOShKENT, 27 noya — Sputnik. O‘zbekistonda yillik yo‘lovchi tashish ko‘rsatkichi 6 milliondan oshishi kutilmoqda. Bu haqda prezident Shavkat Mirziyoyev ishtirokida o‘tgan temir yo‘l va aviatsiya sohasidagi davlat kompaniyalarida transformatsiya jarayonlarining borishiga oid taqdimotda so‘z bordi.
Temir yo‘l tizimida amalga oshirilgan ishlar:
“O‘zbekiston temir yo‘llari” aksiyadorlik jamiyati tarkibida 6 ta mustaqil korxona tashkil etildi;
1 ming 200 ta yangi yuk vagoni olindi, ichki yo‘nalishda yuk tashish vaqti 2 karra kamaydi;
raqamlashtirish natijasida vagonga buyurtma berish 7 bosqichdan 3 bosqichga, bunga ketadigan vaqt 72 soatdan 12 soatga qisqardi;
Toshkent atrofida poyezdlarni o‘tkazish imkoniyati 30 foizga oshdi;
ilgari zarar bilan ishlagan aksiyadorlik jamiyati bu yil 30 milliard so‘m foydaga chiqayapti.
Aviatsiya sohasida amalga oshirilgan ishlar:
“Uzbekistan Airways” tizimida aviaqatnovlar 25 foiz ko‘paydi;
mahalliy yo‘nalishlarda samolyotlar soni 8 taga yetib, ichki qatnovlar 2,5 barobarga oshdi;
Markaziy Osiyodagi xalqaro tashuvlarda milliy aviakompaniya ulushi 20 foizga yetdi.
Aytilishicha, yillik yo‘lovchi tashish ko‘rsatkichi 6 million nafardan oshishi kutilmoqda.
Prezident Shavkat Mirziyoyev provel soveshanie po meram razvitiya investitsionnogo klimata i delovoy sredi, povisheniya blagosostoyaniya naseleniya v Namanganskoy oblasti
© Press-slujba prezidenta Uzbekistana
“Uzbekistan Airports” samolyotlar, yuk va yo‘lovchilarga xizmat ko‘rsatmoqda. Aeroportlar boshqaruviga xususiy sektor jalb qilingani samara berayapti. Dunyodagi 44 ta aviakompaniya mamlakatga parvozni amalga oshirayapti. Aeroportlar orqali yuk tashish hajmi ham bu yil 22 foizga oshishi ko‘zda tutilgan.
Shu bois yo‘nalishlarni diversifikatsiya qilish, tashish jarayonlarini tezlashtirish, transport xizmatlari tannarxini pasaytirish juda muhimligi qayd etildi.
“2030 yilga borib, yalpi ichki mahsulotimiz hajmini 200 milliard dollarga yetkazish maqsadini qo‘ydik. Shuning uchun transport “arteriya”lariga alohida ahamiyat berishimiz kerak, – dedi prezident.
Hozirgacha sohada 25-yil oldin qabul qilingan qonun bo‘yicha ish yuritib kelingan. Aytilishicha, yangi tahrirda imzolangan “Temir yo‘l transporti to‘g‘risida”gi qonun sohaga xususiy kompaniyalar va investitsiyalarni jalb qilish, infratuzilmani rivojlantirishga keng yo‘l ochadi.
Sohada transformatsiyani jadallashtirish, qurilish va modernizatsiya loyihalarini sifatli bajarish lozimligi aytildi.
Ta’kidlanishicha, xalqaro kredit reytingi olish, davlat kafolatisiz mablag‘ jalb qilish, investitsiyalarni samarali ishlatish ham muhim vazifalar qatorida.
“O‘zbekiston havo yo‘llari hali aholini rozi qiladigan darajaga yetgani yo‘q. Xalqaro reyting olib, tashqi bozorga chiqish kechikayapti. Oqibatda tannarx yuqoriligi uchun chipta narxida sezilarli o‘zgarish yo‘q. Xarajatlarni qisqartirish bo‘yicha chora-tadbirlar ijrosi sust. Shu bois konsalting kompaniyasi jalb qilib, transformatsiya bo‘yicha aniq dastur va “yo‘l xaritasi” ishlab chiqish vazifasi qo‘yildi”, — deyiladi xabarda.
Samarqand aeroporti xususiy boshqaruvga berilgach, parvozlar va yo‘lovchilar soni 5 barobar oshgan. Endi Namangan, Andijon, Buxoro va Urganch aeroportlarida ham shunday maqsad ko‘zlangan. Yil yakunigacha aeroportlarda qo‘shimcha xizmatlarni 2 karra ko‘paytirish, daromadni 25 foiz oshirish mo‘ljallangan.
Xalqaro bozordan mustaqil resurs jalb qilish, Navoiy aeroporti terminalidan to‘liq foydalanish choralari belgilandi.
Mirziyoyev mazkur 3 ta kompaniyada raqamlashtirishni jadallashtirish, rejalarni qayta ko‘rib chiqib, iqtisodiy natijadorlikni oshirish bo‘yicha topshiriqlar berdi.
