Toshkentda xalqaro zamonaviy san’at biyennalesi o‘tkazildi — foto

Kamoliddin Behzod nomidagi Sharq miniatura san’ati muzeyida “San’at va dunyo” nomli X Toshkent xalqaro zamonaviy san’at biyennalesi ko‘rgazmasi o‘tkazildi

Biyennaleda O‘zbekiston, Janubiy Koreya, Jazoir, Germaniya, Buyuk Britaniya, Rossiya va Albaniyadan kelgan rassomlarning rangtasvir asarlari, shuningdek, video-art loyihalari namoyish etildi

Rustam Xudoyberganovning “Taqdir” asari

Toshkentda tavallud topgan germaniyalik rassom Albina Dvorsisning yorqin asarlari ramzlar va chuqur falsafiy ma’nolar bilan to‘ldirilgan. Uning qahramonlari – qurbaqalar, shamanlar, Misr va Hindiston ma’budalari sifatida namoyon bo‘ladi

Albina alohida shaxslar sifatida tasvirlaydigan qurbaqalar obrazi orqali olamning birligi haqidagi falsafiy g‘oyasini yetkazadi va o‘z ijodida uchta dunyoni - Sharq miniaturasi, Yevropa Uyg‘onish davri va Slavan ikonografiyasini birlashtiradi

Albina Dvorsisning yorqin asari

Albina Dvorsisning yorqin asari

Biyennale ishtirokchilarining loyihalari zamonaviy dunyo va jamiyatga bo‘lgan munosabati va qarashlari, shuningdek, turli shakllar, kolorit va sujetlar orqali hayotiy san’atdagi dunyoqarashini shakllantirishdagi muhim rolini ta’kidlaydi

HAKOU taxallusi ostida ijod qiluvchi jazoirlik rassom Abdelhaq Djellab qadimiy xattotlik san’ati va abstrakt rangtasvirni o‘zida mujassam etgan oltita kompozitsiyani taqdim etdi

Muallif qora, oq va oltin-jigarrang kabi ranglar uyg‘unligidan unumli foydalangan

Abdelhaq Djellab kompozitsiyasi

“Maftunkor makel” ingliz rassomi Shtefi Klensning sakkizta mustaqil asaridan iborat ishlar seriyasi bo‘lib, ulardan uchtasi muzey namoyishida taqdim etildi

Rustam Xudayberganovning “Unutilmas oqshomlar” asari

Kamoliddin Behzod nomidagi Sharq miniatura san’ati muzeyi