https://oz.sputniknews.uz/20241010/eoii-yim-jahon-iqtisodiyot-46060821.html
YeOII yalpi ichki mahsuloti jahon iqtisodiyoti o‘sish sur’atlarini ortda qoldirdi
YeOII yalpi ichki mahsuloti jahon iqtisodiyoti o‘sish sur’atlarini ortda qoldirdi
Sputnik O‘zbekiston
Qayd etilishicha, ittifoqchi davlatlarning barqaror o‘sishiga erishish vositalaridan biri YeOIIning yashil transformatsiyasi hisoblanadi. 10.10.2024, Sputnik O‘zbekiston
2024-10-10T16:04+0500
2024-10-10T16:04+0500
2024-10-10T16:04+0500
o‘zbekiston va yeoii
yeoii
yeik
yaim
mahsulot
markaziy osiyo
forum
https://cdn1.img.sputniknews.uz/img/07e8/0a/0a/46058602_0:126:2712:1652_1920x0_80_0_0_534e1a4bd3b61338a296963a392d8ed0.jpg
TOShKENT, 10 okt — Sputnik. Yevroosiyo iqtisodiy ittifoqi (YeOII) yalpi ichki mahsuloti 3,8 foizga o‘sib, jahon iqtisodiyoti o‘sish sur’atlarini ortda qoldirdi. Bu haqda Yevroosiyo iqtisodiy komissiyasi (YeIK) Makroiqtisodiy siyosat departamenti direktori Asqar Japparkulov ma’lum qildi, deb yozmoqda komissiya matbuot xizmati. Osiyo va Tinch okeani uchun Iqtisodiy va Ijtimoiy Komissiya (OTOIIK) vakillari YeOII maqsadlariga mos keladigan barqaror rivojlanish maqsadlariga erishishdagi yutuqlarni qayd etishdi. Muloqot OTOIIK submintaqaviy ofisi tomonidan Olmaota shahrida tashkil etilgan Barqaror rivojlanish maqsadlarini (BRM) amalga oshirish bo‘yicha Shimoliy va Markaziy Osiyoning VIII ko‘p tomonlama forumi doirasida bo‘lib o‘tdi. YeIK Makroiqtisodiy siyosat departamenti direktori Asqar Japparkulov BRM 8 ga bag‘ishlangan “Barqaror, inklyuziv va barqaror iqtisodiy o‘sishga ko‘maklashish, to‘liq va samarali bandlik va hamma uchun munosib mehnat” sessiyasida 2023-yilda YeOII yalpi ichki mahsuloti 3,8 foizga o‘sib, jahon iqtisodiyoti o‘sish sur’atlarini ortda qoldirganini ta’kidladi. Joriy yilda iqtisodiy rivojlanish sur’atlari yanada yuqori: birinchi yarim yillik yakunlariga ko‘ra, Ittifoq yalpi ichki mahsuloti 4,6 foizga o‘sdi. Uning so‘zlariga ko‘ra, ittifoqchi davlatlarning barqaror o‘sishiga erishish vositalaridan biri YeOIIning yashil transformatsiyasi hisoblanadi. Shu nuqtayi nazardan, YeIK tomonidan ishlab chiqilgan muhim hujjat Ittifoqda yashil iqtisodiyot tamoyillarini joriy etish konsepsiyasi hisoblanadi. Ushbu hujjatning tayyorlanishi BRMga erishishni jadallashtirish uchun integratsiya salohiyatidan foydalanishga qaratilgan aniq qadamdir. OTOIIK vakillari Shimoliy va Markaziy Osiyo mintaqasi 2030-yilgacha BRMga erishishda jiddiy muammolarga duch kelayotganini ta’kidlashdi. Ayrim BRMlar, shu jumladan YeOII maqsadlariga mos keladiganlar, masalan, BRM 8 va BRM17 bo‘yicha taraqqiyot qayd etilmoqda. Ularda Ittifoq mamlakatlari yaxshi natijalar ko‘rsatmoqda. VIII forumida Jahon banki, OTB, Yevroosiyo taraqqiyot banki, Xalqaro mehnat tashkiloti, FAO, YuNISEF, JSST vakillari, shuningdek, O‘zbekiston, Rossiya, Ozarbayjon, Qozog‘iston, Qirg‘iziston, Tojikiston, Turkmaniston delegatsiyalari ishtirok etdi. Osiyo va Tinch okeani uchun iqtisodiy va ijtimoiy komissiya (OTOIIK) BMT Iqtisodiy va Ijtimoiy Kengashining beshta mintaqaviy komissiyalaridan biri hisoblanadi. Ishtirokchi mamlakatlar o‘rtasidagi iqtisodiy hamkorlikni rag‘batlantirish uchun 1947-yilda tashkil etilgan. Hozirgi vaqtda OTOIIK ning asosiy vazifasi ekologik barqaror rivojlanish, savdo va inson huquqlari sohalarida globallashuv jarayonini boshqarishdan iborat.
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
2024
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
Yangiliklar
uz_UZ
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
yeoii, yeik, yaim, mahsulot, markaziy osiyo, forum
yeoii, yeik, yaim, mahsulot, markaziy osiyo, forum
YeOII yalpi ichki mahsuloti jahon iqtisodiyoti o‘sish sur’atlarini ortda qoldirdi
Qayd etilishicha, ittifoqchi davlatlarning barqaror o‘sishiga erishish vositalaridan biri YeOIIning yashil transformatsiyasi hisoblanadi.
TOShKENT, 10 okt — Sputnik. Yevroosiyo iqtisodiy ittifoqi (YeOII) yalpi ichki mahsuloti 3,8 foizga o‘sib, jahon iqtisodiyoti o‘sish sur’atlarini ortda qoldirdi. Bu haqda Yevroosiyo iqtisodiy komissiyasi (YeIK) Makroiqtisodiy siyosat departamenti direktori Asqar Japparkulov ma’lum qildi, deb yozmoqda komissiya
matbuot xizmati. Osiyo va Tinch okeani uchun Iqtisodiy va Ijtimoiy Komissiya (OTOIIK) vakillari YeOII maqsadlariga mos keladigan barqaror rivojlanish maqsadlariga erishishdagi yutuqlarni qayd etishdi.
Muloqot OTOIIK submintaqaviy ofisi tomonidan Olmaota shahrida tashkil etilgan Barqaror rivojlanish maqsadlarini (BRM) amalga oshirish bo‘yicha Shimoliy va Markaziy Osiyoning VIII ko‘p tomonlama forumi doirasida bo‘lib o‘tdi.
YeIK Makroiqtisodiy siyosat departamenti direktori Asqar Japparkulov BRM 8 ga bag‘ishlangan “Barqaror, inklyuziv va barqaror iqtisodiy o‘sishga ko‘maklashish, to‘liq va samarali bandlik va hamma uchun munosib mehnat” sessiyasida 2023-yilda YeOII yalpi ichki mahsuloti 3,8 foizga o‘sib, jahon iqtisodiyoti o‘sish sur’atlarini ortda qoldirganini ta’kidladi.
Joriy yilda iqtisodiy rivojlanish sur’atlari yanada yuqori: birinchi yarim yillik yakunlariga ko‘ra, Ittifoq yalpi ichki mahsuloti 4,6 foizga o‘sdi. Uning so‘zlariga ko‘ra, ittifoqchi davlatlarning barqaror o‘sishiga erishish vositalaridan biri YeOIIning yashil transformatsiyasi hisoblanadi.
Shu nuqtayi nazardan, YeIK tomonidan ishlab chiqilgan muhim hujjat Ittifoqda yashil iqtisodiyot tamoyillarini joriy etish konsepsiyasi hisoblanadi. Ushbu hujjatning tayyorlanishi BRMga erishishni jadallashtirish uchun integratsiya salohiyatidan foydalanishga qaratilgan aniq qadamdir.
“Konsepsiya milliy ekologik tartibga solish tizimlarini o‘zaro tan olishga ko‘maklashuvchi yashil iqtisodiyotni rivojlantirishga yagona yondashuvni taklif etadi. Bu, o‘z navbatida, “iqlim to‘siqlari” deb ataladigan – ekologik yoki iqlimiy sabablarga ko‘ra joriy qilingan cheklovchi choralardan qochish imkonini beradi”, — deya tushuntirdi Japparkulov.
OTOIIK vakillari Shimoliy va Markaziy Osiyo mintaqasi 2030-yilgacha BRMga erishishda jiddiy muammolarga duch kelayotganini ta’kidlashdi. Ayrim BRMlar, shu jumladan YeOII maqsadlariga mos keladiganlar, masalan, BRM 8 va BRM17 bo‘yicha taraqqiyot qayd etilmoqda. Ularda Ittifoq mamlakatlari yaxshi natijalar ko‘rsatmoqda.
“BRM 17 (barqaror rivojlanish yo‘lida hamkorlik – tahr.) bo‘yicha Ittifoqning barcha davlatlari BRMga erishish monitoringi bo‘yicha o‘zlarining statistik imkoniyatlarini yaxshiladilar. Shunday qilib, Yevroosiyo integratsiyasi YeOII davlatlari tomonidan Barqaror rivojlanish maqsadlariga erishishni tezlashtiradi, degan tezis tasdiqlandi”, — deyiladi xabarda.
VIII forumida Jahon banki, OTB, Yevroosiyo taraqqiyot banki, Xalqaro mehnat tashkiloti, FAO, YuNISEF, JSST vakillari, shuningdek, O‘zbekiston, Rossiya, Ozarbayjon, Qozog‘iston, Qirg‘iziston, Tojikiston, Turkmaniston delegatsiyalari ishtirok etdi.
Osiyo va Tinch okeani uchun iqtisodiy va ijtimoiy komissiya (OTOIIK) BMT Iqtisodiy va Ijtimoiy Kengashining beshta mintaqaviy komissiyalaridan biri hisoblanadi. Ishtirokchi mamlakatlar o‘rtasidagi iqtisodiy hamkorlikni rag‘batlantirish uchun 1947-yilda tashkil etilgan. Hozirgi vaqtda OTOIIK ning asosiy vazifasi ekologik barqaror rivojlanish, savdo va inson huquqlari sohalarida globallashuv jarayonini boshqarishdan iborat.
