https://oz.sputniknews.uz/20240912/boku-uzbek-alloma-qolyozma-45615489.html
Bokuda o‘zbek allomalarining qadimiy qo‘lozmalari aniqlandi
Bokuda o‘zbek allomalarining qadimiy qo‘lozmalari aniqlandi
Sputnik O‘zbekiston
O‘zbekistonlik mutaxassislar Abdurahmon Jomiy, Nasiriddin Tusiy, Burhoniddin Zarnujiy, Davlatshoh Samarqandiy va Sadr Sharia Buxoriyga tegishli asar nusxalarini... 12.09.2024, Sputnik O‘zbekiston
2024-09-12T11:11+0500
2024-09-12T11:11+0500
2024-09-12T11:11+0500
madaniyat
o‘zbekiston
ozarbayjon
boku
qo‘lozma
asarlari
alisher navoiy
https://cdn1.img.sputniknews.uz/img/07e8/07/09/44729772_0:67:1280:787_1920x0_80_0_0_eb7e689297d426e0c538e3f22b66994d.jpg
TOShKENT, 12 sen — Sputnik. Madaniy meros agentligi xodimlari Bokuda saqlanayotgan O‘zbekistonga oid qo‘lozmalarni o‘rganishdi, deya xabar berdi agentlik matbuot xizmati. Aytilishicha, ushbu institut fondidagi arab, fors, ozarbayjon, turk va o‘zbek tillarida yozilgan 11 mingtadan ortiq qo‘lozma saqlanmoqda. Ular orasida Alisher Navoiy asarlarining 70 tadan ortiq soni mavjud. Fondda quyidagi mualliflarga tegishli asar nusxalari aniqlandi: Asarlar nusxalariga oid jamlangan dastlabki ilmiy tavsiflar o‘z ichiga: asar muallifi, asarning nomi, xat turi, ko‘chirilgan vaqti, asar hajmi kabi ma’lumotlarni qamrab oladi. Qayd etilishicha, yuqoridagi dastlabki ma’lumotlarning ilmiy tadqiqoti yakunlangach, asarlarga oid qisqacha ilmiy tavsiflar tuziladi. Ularni “O‘zbekistonga oid xorijdagi qo‘lozma asarlar reyestri”ning navbatdagi 4 va 5-jildlariga kiritish rejalashtirilgan.
o‘zbekiston
boku
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
2024
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
Yangiliklar
uz_UZ
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
madaniyat, o‘zbekiston, ozarbayjon, boku, qo‘lozma, asarlari, alisher navoiy
madaniyat, o‘zbekiston, ozarbayjon, boku, qo‘lozma, asarlari, alisher navoiy
Bokuda o‘zbek allomalarining qadimiy qo‘lozmalari aniqlandi
O‘zbekistonlik mutaxassislar Abdurahmon Jomiy, Nasiriddin Tusiy, Burhoniddin Zarnujiy, Davlatshoh Samarqandiy va Sadr Sharia Buxoriyga tegishli asar nusxalarini aniqlashdi.
TOShKENT, 12 sen — Sputnik. Madaniy meros agentligi xodimlari Bokuda saqlanayotgan O‘zbekistonga oid qo‘lozmalarni o‘rganishdi, deya xabar berdi agentlik
matbuot xizmati. “Madaniy meros agentligining Badiiy ekspertiza boshqarmasi mutaxassislari Bokuda ilmiy xizmat safarida bo‘lib qaytdi. Mutaxassislar Ozarbayjon Milliy akademiyasi Muhammad Fuzuliy nomidagi qo‘lozmalar instituti fondida saqlanayotgan o‘zbekistonlik mutafakkir va allomalarning qalamiga mansub ko‘plab asarlar bilan tanishish va ma’lumotlarni yig‘ishga erishdi”, — deyiladi xabarda.
Aytilishicha, ushbu institut fondidagi arab, fors, ozarbayjon, turk va o‘zbek tillarida yozilgan 11 mingtadan ortiq qo‘lozma saqlanmoqda. Ular orasida Alisher Navoiy asarlarining 70 tadan ortiq soni mavjud.
Fondda quyidagi mualliflarga tegishli asar nusxalari aniqlandi:
Abdurahmon Jomiy – 40 ta;
Nasiriddin Tusiy – 20 ta;
Burhoniddin Zarnujiy – 25 dan ortiq;
Davlatshoh Samarqandiy – 15 ta;
Sadr Sharia Buxoriy – 14 ta.
“Izlanishlar natijasida Asiruddin Axsikatiy, Hofiz Tanish Buxoriy, Ismat Buxoriy, Badruddin Chochiy, Jaloluddin Davoniy, Sayyid Sharif Jurjoniy, Voiz Koshifiy, Najmuddin Kubro, Mirxond, Ali Qushchi, Abu Lays Samarqandiy, Farhod Samarqandiy, Mas’ud ibn Umar at-Taftazoniy, Xondamir, Sharofuddin Ali Yazdiy kabi qariyb 35 allomalarning 300 tadan ortiq qo‘lozma asarlari nusxalari haqidagi dastlabki ma’lumotlar to‘plandi”, — deyiladi xabarda.
Asarlar nusxalariga oid jamlangan dastlabki ilmiy tavsiflar o‘z ichiga: asar muallifi, asarning nomi, xat turi, ko‘chirilgan vaqti, asar hajmi kabi ma’lumotlarni qamrab oladi.
Qayd etilishicha, yuqoridagi dastlabki ma’lumotlarning ilmiy tadqiqoti yakunlangach, asarlarga oid qisqacha ilmiy tavsiflar tuziladi. Ularni “O‘zbekistonga oid xorijdagi qo‘lozma asarlar reyestri”ning navbatdagi 4 va 5-jildlariga kiritish rejalashtirilgan.
