O‘zbekiston va Rossiya parlament diplomatiyasi faol davom ettiriladi
10:27 13.07.2024 (yangilandi: 10:28 13.07.2024)
© Senat Oliy MajlisaParlamentskaya diplomatiya Uzbekistana i Rossii budet aktivno prodoljena
![Parlamentskaya diplomatiya Uzbekistana i Rossii budet aktivno prodoljena Parlamentskaya diplomatiya Uzbekistana i Rossii budet aktivno prodoljena - Sputnik O‘zbekiston, 1920, 13.07.2024](https://cdn1.img.sputniknews.uz/img/07e8/07/0d/44791763_0:67:1280:787_1920x0_80_0_0_92dbd4a2d46946e7f20cf282e4992582.jpg)
© Senat Oliy Majlisa
Obuna bo‘lish
Parlamentlararo aloqalarni rivojlantirish istiqbollari va mintaqaviy hamkorlikni yanada kengaytirish masalalari ko‘rib chiqildi.
TOShKENT, 13-iyul — Sputnik. Oliy Majlis Senati raisi Tanzila Narbayeva Sankt-Peterburg shahrida o‘tkazilayotgan BRIKSning X parlament forumi maydonida Rossiya Federatsiyasi Federal Majlisi Federatsiya Kengashi raisi Valentina Matviyenko bilan muzokara o‘tkazdi. Bu haqda Senat matbuot xizmati xabar berdi.
Parlamentlararo aloqalarni rivojlantirish istiqbollari va mintaqaviy hamkorlikni yanada kengaytirish masalalari ko‘rib chiqildi.
© Senat Oliy MajlisaParlamentskaya diplomatiya Uzbekistana i Rossii budet aktivno prodoljena
![Parlamentskaya diplomatiya Uzbekistana i Rossii budet aktivno prodoljena Parlamentskaya diplomatiya Uzbekistana i Rossii budet aktivno prodoljena - Sputnik O‘zbekiston, 1920, 13.07.2024](https://cdn1.img.sputniknews.uz/img/07e8/07/0d/44791784_0:0:1280:853_1920x0_80_0_0_b263d9ea9debfd4e8245f6b79ea15a2c.jpg)
Parlamentskaya diplomatiya Uzbekistana i Rossii budet aktivno prodoljena
© Senat Oliy Majlisa
Suhbat avvalida ikki davlat rahbarlarining munosabatlari o‘ziga xos – do‘stona, o‘zaro ishonchga asoslangani, mamlakatlar o‘rtasidagi aloqalar har tomonlama strategik sheriklik xarakteriga ega ekani alohida qayd etildi. Muloqot chog‘ida iqtisodiy, madaniy-gumanitar hamkorlikni amaliy mazmun bilan boyitish yuzasidan ham fikr almashildi.
O‘zbekiston va Rossiya o‘rtasida erishilgan kelishuvlarni va savdo-iqtisodiy loyihalarni amalga oshirish, ikki mamlakat hududlari o‘rtasida samarali hamkorlikni yo‘lga qo‘yishga ko‘maklashish uchun parlament diplomatiyasi mexanizmlaridan faol foydalanish zarurligiga urg‘u berildi. Tomonlar xalqaro parlamentlararo tashkilotlar, xususan, MDH Parlamentlararo Assambleyasi va Parlamentlararo ittifoq doirasidagi hamkorlikni faol davom ettirish yuzasidan yakdil fikr bildirdilar.