Senatning ellik to‘rtinchi yalpi majlisi sanasi ma’lum bo‘ldi — qaysi qonunlar ko‘rib chiqiladi?
© Senat Oliy MajlisaSentralniy bank nadelyayetsya dopolnitelnimi polnomochiyami po obespecheniyu kiberbezopasnosti
![Sentralniy bank nadelyayetsya dopolnitelnimi polnomochiyami po obespecheniyu kiberbezopasnosti Sentralniy bank nadelyayetsya dopolnitelnimi polnomochiyami po obespecheniyu kiberbezopasnosti - Sputnik O‘zbekiston, 1920, 09.07.2024](https://cdn1.img.sputniknews.uz/img/07e8/06/15/44460702_0:67:1280:787_1920x0_80_0_0_7fa44d8288f1c4737ff27e67091fddae.jpg)
© Senat Oliy Majlisa
Obuna bo‘lish
Senat ellik to‘rtinchi yalpi majlisini 10-iyul kuni chaqirish to‘g‘risida qaror qabul qildi.
TOShKENT, 9-iyul — Sputnik. O‘zbekiston Oliy Majlisi Senatining ellik to‘rtinchi yalpi majlisi 10-iyul kuni chaqiriladi, deya xabar berdi yuqori palata matbuot xizmati.
Tegishli qaror Senat Kengashining navbatdagi majlisida qabul qilindi.
Yalpi majlisda quyidagi qonunlar muhokama etiladi:
“O‘zbekiston Respublikasining ayrim qonun hujjatlariga o‘zgartirish va qo‘shimchalar kiritish to‘g‘risida”gi;
“Aholi bandligi to‘g‘risida”gi O‘zbekiston Respublikasi qonuniga o‘zgartirish va qo‘shimchalar kiritish haqida”gi;
“O‘zbekiston Respublikasining Ma’muriy javobgarlik to‘g‘risidagi kodeksiga pirotexnika buyumlarining qonunga xilof muomalasi uchun javobgarlikni kuchaytirishga qaratilgan o‘zgartirishlar kiritish haqida”gi;
“Huquqbuzarliklar va jinoyatlarning oldini olish bo‘yicha qo‘shimcha chora-tadbirlar qabul qilinishi munosabati bilan O‘zbekiston Respublikasining Jinoyat kodeksiga hamda O‘zbekiston Respublikasining Ma’muriy javobgarlik to‘g‘risidagi kodeksiga o‘zgartirish va qo‘shimchalar kiritish haqida”gi;
“Shaharsozlik faoliyati sohasidagi davlat boshqaruvi va aholi punktlarining shaharsozlik hujjatlarini ishlab chiqish tizimi takomillashtirilishi munosabati bilan O‘zbekiston Respublikasining Shaharsozlik kodeksiga o‘zgartirish va qo‘shimchalar kiritish to‘g‘risida”gi;
“Litsenziyalash, ruxsat berish va xabardor qilish tartib-taomillari to‘g‘risida”gi O‘zbekiston Respublikasi Qonuniga bojxona brokeri faoliyatini hamda xalqaro kuryerlik jo‘natmalarini yetkazib berish bo‘yicha faoliyatni takomillashtirishga qaratilgan qo‘shimchalar kiritish haqida”gi;
“Fitosanitariya talablari yengillashtirilishi munosabati bilan “O‘simliklar karantini to‘g‘risida”gi O‘zbekiston Respublikasining Qonuniga qo‘shimcha va o‘zgartirish kiritish haqida”gi;
“Ma’muriy islohotlar doirasida ta’lim sohasida davlat boshqaruvi takomillashtirilishi munosabati bilan O‘zbekiston Respublikasining ayrim qonun hujjatlariga o‘zgartirish va qo‘shimchalar kiritish to‘g‘risida”gi.
Senat a’zolari Toshkent shahrida tadbirkorlikni rivojlantirish va ekologik vaziyatni yaxshilash yuzasidan amalga oshirilgan ishlarini muhokama qiladi.
“Muhofaza etiladigan tabiiy hududlarning sifat tarkibini yaxshilash, o‘simlik va hayvonot dunyosini asrash hamda kadastrini yuritish holati yuzasidan hukumatga yuborilgan parlament so‘rovi natijalarini hamda o‘zini o‘zi band qilish tartibida mehnat faoliyatini amalga oshirishning ayrim masalalari yuzasidan Vazirlar Mahkamasiga parlament so‘rovi yuborishni ko‘rib chiqadilar”, — deyiladi xabarda.
Bundan tashqari, yalpi majlisda “O‘zbekiston Respublikasining ayrim qonun hujjatlariga o‘zgartirish va qo‘shimchalar kiritish to‘g‘risida”gi, Turkmaniston va Turkiya bilan tuzilgan bitimlarni ratifikatsiya qilish haqidagi qonunlar ko‘rib chiqilishi rejalashtirilgan.