Shahzoda Yoqubova Shimoliy qutbga otlanmoqda — intervyu

Obuna bo‘lish
Eksklyuziv
Kosmik nurlarni o‘rganish, shimol yog‘dusi va mahorat darslari — talaba qiz Shimoliy qutbga ekspeditsiyadan nimalarni kutmoqda.
TOShKENT, 5-iyul — Sputnik. “MMFI” MTAUning Toshkent filiali bitiruvchisi Shahzoda Yoqubova Shimoliy qutb ekspeditsiyasida ishtirok etish huquqini qo‘lga kiritgan edi.
Sputnik muxbiri bilan bo‘lgan suhbatda u ushbu ekspeditsiyadan nimalarni kutayotgani bilan o‘rtoqlashdi.

"Men bu yil bahorda Sochida bo‘lib o‘tgan Butunjahon yoshlar festivalida qatnashdim. U yerda Shimoliy qutbga uyushtiriladigan ekspeditsiyaga qatnashish uchun ekspertlarni saralab olishdi. Tanlovda men ekspeditsiyaga jo‘nab ketadigan 15 nafar ekspertdan biri bo‘ldim. Men o‘z loyiham bilan g‘alaba qozondim. Tanlov shartiga ko‘ra, har bir da’vogar Shimoliy qutbda nima qilmoqchi ekanini taqdim etishi kerak edi. Men kosmik nurlarni o‘rganishni rejalashtirayotganimni aytganman", - deydi Yoqubova.

Bugungi kunda kosmik nurlar dunyoda faol o‘rganilmoqda, biroq Shimoliy qutb kengligida ular juda kam o‘rganilgan. Bu esa haliyam dolzarb.

"Kosmik nurlar – kosmos zarrachalari bo‘lgan shamol. Aytgancha, aynan ular tufayli qutb yog‘dusi paydo bo‘ladi. Kosmik nurlarni o‘rganish – bu mening loyiham, biroq men bu ekspeditsiyada bo‘ladigan, o‘z sohalarida tanlovdan o‘tgan o‘quvchilar uchun ma’ruza qilishim va mahorat darsi o‘tib berishim kerak", - deydi u.

Shahzoda Yoqubova agar imkoniyat paydo bo‘lsa va zaruriy asbob-uskuna bo‘lsa, kosmik nurlarning yo‘nalishini kuzatishni istashini aytdi.
"Biroq bu uskunani topish va u yerga olib borish mushkul, shu sabab nima bo‘lishini ko‘ramiz", - deydi yosh tadqiqotchi umid bilan.
To‘liq intervyuni videolavhamizda tomosha qiling.
Yangiliklar lentasi
0