Sputnik MDH jurnalistlariga malaka oshirishga yordam bermoqda
14:39 29.06.2024 (yangilandi: 11:10 01.07.2024)
© Sputnik
Obuna bo‘lish
Eksklyuziv
SputnikPro media loyihasi doirasida yaqin xorijiy davlatlardan kelgan jurnalistlar Moskvada tajriba almashishdi.
Mashg‘ulotlar va mahorat darslari “Rossiya segodnya” mediaguruhining yetakchi mutaxassislari tomonidan o‘tkazildi.
24-28 iyun kunlari “Rossiya segodnya” xalqaro mediaguruhi bosh ofisida qo‘shni davlatlar jurnalistlari va jamoat arboblari uchun “SputnikPro Zubovskiy” ta’lim loyihasining navbatdagi moduli bo‘lib o‘tdi. Dasturda Abxaziya, Belarus, Qozog‘iston, Moldova, Tojikiston, O‘zbekiston va Janubiy Osetiyadan 12 kishi ishtirok etdi.
Ularning aksariyati loyihada ikkinchi marta qatnashmoqda, ayrimlar, jumladan, O‘zbekiston Milliy axborot agentligi xodimi Alpomish Mashrabxonov uchun bu birinchi tajriba edi.
Alpomish Mashrabxanov
© Sputnik
Ma’ruzalar va mahorat darslari
O‘quv dasturda "Sputnik Blijnee zarubejye" Telegram-kanali bosh muharriri Aleksandr Samoxvalovning ma’ruzasiga alohida o‘rin egalladi. U ushbu messenjer orqali odamlarga ma’lumotlarni qanday tez va ijodiy tarzda yetkazish sirlarini aytib berdi. Uning maslahatlaridan ilhomlangan loyiha ishtirokchilari o‘zlarining Telegram-kanallarini yanada rivojlantirish, ba’zilari esa yangi obunachilarni jalb qilishga yondashuvni tubdan o‘zgartirish rejalari bilan o‘rtoqlashdi.
Video tahrirlash bo‘yicha mutaxassis Dmitriy Budansev past sifatli video yoki muvaffaqiyatsiz intervyudan qanday qilib tomoshabinlar e’tiborini tortadigan qiziqarli va dinamik material yaratish mumkinligini tushuntirdi. Ishtirokchilar olingan bilimlarning amaliy ahamiyatini yuqori ekanini ta’kidladilar. Ular bu bilimlar yordamida o‘z videolari sifatini oshirishga ishonchi komil.
"Rossiya Segodnya" bosh ofisida SputnikPro dasturi bo‘yicha navbatdagi kurs bo‘lib o‘tdi
© Sputnik
Sun’iy ong bo‘yicha mutaxassis Aleksandr Petrov zamonaviy texnologiyalarning imkoniyatlarini namoyish qildi, jumladan, video subtitrlarni avtomatik yaratish va ularni boshqa tillarga tarjima qilishni namoyish etdi.
Neyrotarmoqlar bo‘yicha ma’ruza, o‘tgan yilda aksariyat uchun kutilmagan bo‘lgan bo‘lsa, bu yil ko‘pchillik undan allaqachon faol foydalanayotganini ko‘rsatdi. Hamkasablar o‘z tajribalari bilan o‘rtoqlashishdi va sun’iy ong vositalari samaradorligini muhokama qilishdi va hatto uning ayrim xususiyatlarini shubha ostiga olishdi.
Tajriba almashish va yangi aloqalar
Ishtirokchilarga neyrotarmoq yordamida yaratilgan virtual boshlovchi Viktoriya namoyish etildi. Keyinchalik ular uning prototipi, Sputnik bosh produseri Viktoriya Fodorova bilan ham uchrashishdi va undan intervyu olishga muvaffaq bo‘lishdi.
SputnikPro dasturi ishtirokchilari
© Sputnik
Teleboshlovchi Armen Gasparan bilan uchrashuv ham esda qolarli bo‘ldi. Ishtirokchilar uning zamonaviy dunyo muammolari, Ukrainadagi mojaro va Shimoliy Kavkaz sabablari haqidagi fikrlarini eshitishdi. Uning hayratlanarli ma’lumot berish uslubi hech kimni befarq qoldirmadi va tajribali teleboshlovchi bilan suhbatlashish imkoniyati ko‘pchilik uchun unutilmas tajribaga aylandi.
“Armen Gasparan va Viktoriya Fodorova noyob shaxslardir. Ularning qarashlari, dunyoqarashi, tajribasi va mulohazasi hayratda qoldirdi va ilhomlantirdi”, — deya o‘z taassurotlari bilan o‘rtoqlashdi Alpomish Mashrabxonov.
Ishtirokchilar agentlik xodimlaridan nafaqat yangi bilimlarni olishdi, balki bir-birlari bilan faol tajriba almashishdi. Boshqa mamlakatlardagi hamkasblar bilan muloqot ularni o‘z faoliyatida qo‘llashi mumkin bo‘lgan bilim va g‘oyalar bilan boyitdi.
Ulardan ba’zilari Moskvaga birinchi marta tashrif buyurishdi. Shahar, uning arxitekturasi va atmosferasi haqidagi taassurotlari ularda eng ijobiy his-tuyg‘ularni uyg‘otdi.
SputnikPro dasturi ishtirokchilari
© Sputnik
“Shahar, albatta, ajoyib. Maftunkor binolar, madaniyat va san’atga e’tibor, tabiat va atrof-muhitga e’tibor. Bularning barchasini xiyobonlar, bog‘lar misolida ko‘rdik", – deydi Alpomish Mashrabxonov.
Mehmon Rossiya poytaxtida hayot sur’ati vataniga qaraganda sezilarli darajada tez ekanini ta’kidladi.
“Yoshlarning ko‘zlarida hayotga muhabbati yonmoqda. Bu meni juda xursand qildi. Shahar go‘zal. Shubhasiz, uni sevib qolmaslikning iloji yo‘q”, — deya qo‘shimcha qildi loyiha ishtirokchisi.
Xulosalar
“SputnikPro Zubovskiy” dasturi qo‘shni davlatlar jurnalistlari va jamoat arboblarining malakasini oshirishga ko‘maklashishda davom etmoqda. Ishtirokchilar yangi bilimlarga ega bo‘ladilar, dunyoqarashlarini kengaytiradilar va o‘zaro kerakli aloqalar o‘rnatadilar.
Ushbu loyiha ularning faoliyatidagi muhim bosqich bo‘lib, media sohasida yanada yuksalish va rivojlanish uchun yangi imkoniyatlar va istiqbollarni ochib berdi.
SputnikPro dasturi ishtirokchilari
© Sputnik
