Toshkentda ko‘zi ojiz bolalar taassurotlari asosida yaratilgan asarlar namoyish etiladi

© press-slujba agentstva po delam molodejiV Tashkentskom dome fotografii 27-30 iyunya proydet pervaya vistavka-auksion “Orzu”
V Tashkentskom dome fotografii 27-30 iyunya proydet pervaya vistavka-auksion “Orzu” - Sputnik O‘zbekiston, 1920, 24.06.2024
Obuna bo‘lish
Xayriya ko‘rgazmasidagi ijodiy ishlar savdosidan tushgan mablag‘lar ko‘zi ojiz va zaif ko‘ruvchi bolalarning ko‘rish qobiliyatini tiklash operatsiyalariga sarflanadi.
TOShKENT, 24-iyun — Sputnik. Toshkent fotosuratlar uyida ilk bor “Orzu” nomli noyob ko‘rgazma-auksion bo‘lib o‘tadi, deya xabar berdi Yoshlar ishlari agentligi.
“Orzu” loyihasi – bu inson ijodi va sun’iy intellektning o‘ziga xos uyg‘unlashuvi.
Ko‘rgazma Butunjahon yoshlar festivali doirasida tashkil etilmoqda. Unda ko‘zi ojiz va zaif ko‘ruvchi bolalar taassurotlari asosida yaratilgan asarlar namoyish etiladi.
Tadbir tashkilotchilariga ko‘ra, bu rasmlar shunchaki san’at emas, balki bolalarning chuqur va ta’sirchan fantaziyalari va tasavvurlarining aksidir.
Ko‘rgazmada sun’iy intellekt tomonidan yaratilgan va rassomlar tomonidan qog‘ozga tushirilgan 20 ta rasm namoyish etiladi.
Xayriya ko‘rgazmasidagi ijodiy ishlar savdosidan tushgan mablag‘lar ko‘zi ojiz va zaif ko‘ruvchi bolalarning ko‘rish qobiliyatini tiklash operatsiyalariga sarflanadi. Aytilishicha, har kim loyihaga onlayn to‘lov xizmatlari orqali yordam berishi mumkin, bu xayriya jarayonini osonlashtiradi va uni hamma uchun ochiq qiladi.
Ko‘rgazma Toshkent fotosuratlar uyida 27-30 iyun kunlari bo‘lib o‘tadi va 29-iyun kuni xayriya auksioni (soat 17:00 da) bilan yakunlanadi.
Yangiliklar lentasi
0