O‘zbekistonning master rejalari ma’lum qilindi

© Sputnik / Sputnik/Abdubakir YunusovVid na neboskreb NEST ONE v Tashkent city
Vid na neboskreb NEST ONE v Tashkent city - Sputnik O‘zbekiston, 1920, 20.06.2024
Obuna bo‘lish
Respublikadagi 14 ta tuman va shahar bo‘yicha master reja ishlab chiqildi.
TOShKENT, 20-iyun — Sputnik. O‘zbekiston drayver yo‘nalishlar asosida 136 ta master reja tayyorlamoqda. Bu haqda Shavkat Mirziyoyev ishtirokida o‘tgan tuman va shaharlarning master rejalarini ishlab chiqishga oid taqdimotda ma’lum qilindi.
Taqdimotda mutasaddilar master rejalardan kutilayotgan natijalar to‘g‘risida axborot berishdi.
Qayd etilishicha, o‘tgan vaqtda 14 ta tuman va shahar bo‘yicha master reja ishlab chiqilgan. Ularda 759 ta ko‘p qavatli uy-joy, 22 ta savdo majmuasi, 800 dan ziyod xizmat ko‘rsatish obyekti barpo qilish imkoniyati aniqlangan.
“Shu tarzda 112 ta tuman va shahardagi drayver yo‘nalishlar asosida yana 136 ta master reja tayyorlanishi ko‘zda tutilgan”, — deyiladi xabarda.
Jumladan:
Aholisi tez o‘sayotgan 38 ta tuman markazlari va shaharlarda yetarli uy-joylar qurish, aholi sayr qilishi va dam olishi uchun qulay maskanlar va istirohat bog‘lari barpo etish zarur.
Turistik salohiyati yuqori 20 ta tumanda mehmonxonalarni ko‘paytirish, plyaj, ekologik, tibbiyot, sport va ekstremal turizmni rivojlantirish orqali sayyohlar oqimini 2,5 karra oshirish imkoniyati bor.
Hududidan magistral yo‘llar o‘tgan 68 ta tumanda 400 dan ziyod motel, kemping, oshxona, do‘kon va avtoservislar tashkil etish mumkin.
“Umuman, master-rejalar asosida bo‘ladigan loyihalar hisobiga 40 mingta ish o‘rni yaratilishi, budjetga yiliga qo‘shimcha 350 milliard so‘m daromad tushishi kutilmoqda”, — deya qayd etilgan xabarda.
Mirziyoyev aholi uchun qulay infratuzilma, savdo va ko‘ngilochar joylar, yuqori daromadli ish o‘rinlari tashkil qilishni hozirdan boshlash lozimligini ta’kidladi.
Master rejalar ishlab chiqilishi va monitoringi bo‘yicha vertikal tizim yaratish vazifasi qo‘yildi.
Yangiliklar lentasi
0