Tojikistonda deputat xorijiy kuchlar yordamida hukumatni egallab olmoqchi bo‘ldi
14:08 14.06.2024 (yangilandi: 14:19 14.06.2024)
© Sputnik / Amir IsayevPredsedatel Demokraticheskoy partii Saiddjafar Usmonzoda
![Predsedatel Demokraticheskoy partii Saiddjafar Usmonzoda Predsedatel Demokraticheskoy partii Saiddjafar Usmonzoda - Sputnik O‘zbekiston, 1920, 14.06.2024](https://cdn1.img.sputniknews.uz/img/07e8/06/0e/44368626_0:158:3001:1846_1920x0_80_0_0_5577b13e4e97073091476117d9ac081f.jpg)
© Sputnik / Amir Isayev
Obuna bo‘lish
Tojikiston parlamenti deputati xorijdan katta pul va jangarilar yordamida hukumatni egallab olmoqchi bo‘lgan.
TOShKENT, 14-iyun – Sputnik. Tojikiston Demokratik partiyacining sobiq rahbari Sayidjafar Usmonzoda hibsga olindi, deb xabar qilmoqda Sputnik Tojikiston “Xovar” axborot agentligiga asosan.
Tojikiston bosh prokurori Yusuf Rahmon parlament quyi palatasi majlisida deputatlarga Usmonzodaga nisbatan JK 306-moddasi 2-qismi “v” bandi (“Hokimiyatni majburan tortib olish”) bo‘yicha jinoiy ish qo‘zg‘atilgani haqida ma’lum qildi.
Tojikiston bosh prokurori Yusuf Rahmon parlament quyi palatasi majlisida deputatlarga Usmonzodaga nisbatan JK 306-moddasi 2-qismi “v” bandi (“Hokimiyatni majburan tortib olish”) bo‘yicha jinoiy ish qo‘zg‘atilgani haqida ma’lum qildi.
U Tojikistonda taqiqlangan “Paymoni Milli Tojikiston” tashkiloti yetakchilari bilan hamkorlik qilish, shuningdek, respublikada hokimiyatni zo‘ravonlik bilan egallab olishga tayyorgarlik ko‘rishda ayblanmoqda.
Yusuf Rahmonning aytishicha, o‘z rejasini amalga oshirish uchun Usmonzoda jamiyatning turli qatlamlaridan, jumladan, xorijdan ham tarafdorlarini jalb qilgan.
Xususan, “Islom Uyg‘onish partiyasi*” ekstremistik-terrorchi tashkiloti rahbari Muhiddin Kabiriy unga moddiy yordam ko‘rsatishi hamda “Jamoat Ansorulloh*” terrorchilik tashkiloti xorijdan Tojikistonga 3 mingdan ortiq jangari yuborishni rejalashtirgan.
“Oldindan tuzilgan rejaga ko‘ra, ular mamlakatning bir qator hududlarida tezkorlik bilan ijtimoiy-siyosiy vaziyatni beqarorlashtirish, qurol-yarog‘lar, shuningdek, huquqni muhofaza qiluvchi organlar va harbiy tuzilmalar binolarini egallab olish, zo‘rlik bilan mamlakatda hukumatni ag‘darishni maqsad qilganlar”, - dedi Yusuf Rahmon.
Shuningdek, u ushbu jinoyatni amalga oshirish uchun Usmonzoda xorijiy davlatlardan birining vakilidan mamlakatdagi nufuzli shaxslarni jalb qilish va mitinglar uyushtirish uchun 10 million dollar so‘raganini qayd etdi.
* Rossiyada taqiqlangan terrorchi tashkilotlar