O‘zbekiston Misr bilan qonun ijodkorligi sohasida tajriba almashadi
© Senat Oliy Majlisa respublika Uzbekistan
Obuna bo‘lish
Senat va Qonunchilik palatasi rahbarlari Misr Arab Respublikasi Senati raisi bilan uchrashdi.
TOShKENT, 30-may — Sputnik. O‘zbekiston Oliy Majlisi Senati va Misr Arab Respublikasi Senati o‘rtasida anglashuv memorandumi imzolandi, deya xabar berdi yuqori palata matbuot xizmati.
Misr Senati raisi boshchiligidagi delegatsiya O‘zbekiston Senati raisi Tanzila Narbayevaning taklifiga binoan mamlakatga keldi.
O‘zbekiston Oliy Majlisi Senati va Misr Arab Respublikasi Senati o‘rtasida anglashuv memorandumi imzolandi
© Senat Oliy Majlisa respublika Uzbekistan
"Muzokaralar chog‘ida O‘zbekiston Oliy Majlisi Senati va Misr Arab Respublikasi Senati o‘rtasida anglashuv memorandumi imzolandi", — deyiladi xabarda.
Parlamentlarning yuqori palatalari qo‘mitalari va devonlari o‘rtasida doimiy muloqot va tajriba almashish tizimini yo‘lga qo‘yish muhimligi aytib o‘tildi. Bundan tashqari, ikki mamlakat rahbarlari o‘rtasida erishilgan oliy darajadagi kelishuvlarning ijrosi ustidan tizimli parlament nazoratini o‘rnatishga kelishib olindi.
Quyi palata matbuot xizmati xabariga ko‘ra, Oliy Majlis Qonunchilik palatasi va Misr Arab Respublikasi Senati qonun ijodkorligi sohasida o‘zaro tajriba almashish hamda fikrlashish uchun keng platforma yaratishga kelishib oldi.
Oliy Majlis Qonunchilik palatasi spikeri Nuriddin Ismoilov Misr Arab Respublikasi Senati raisi Abdulvahob Abdulroziq boshchiligidagi delegatsiya a’zolari bilan uchrashdi.
Oliy Majlis Qonunchilik palatasi spikeri Nuriddin Ismoilov Misr Arab Respublikasi Senati raisi bilan uchrashdi.
© Zakonodatelnaya palata Oliy Majlisa respubliki Uzbekistan
Suhbat chog‘ida “O‘zbekiston-Misr” parlamentlararo do‘stlik guruhlari o‘rtasida muloqot yo‘lga qo‘yilgani e’tirof etildi.
Oliy Majlis Qonunchilik palatasi spikeri Nuriddin Ismoilov Misr Arab Respublikasi Senati raisi bilan uchrashdi.
© Zakonodatelnaya palata Oliy Majlisa respubliki Uzbekistan
“Maslahatlashuv uchrashuvlarini muntazam o‘tkazib borish, qonun ijodkorligi sohasida o‘zaro tajriba almashish hamda fikrlashish uchun keng platforma yaratishga kelishib oldilar”, — deyiladi xabarda.
Misr Senati raisi parlamentlararo hamkorlikni yanada kengaytirish va mustahkamlash, shu yo‘nalishdagi muloqotlarni ko‘paytirish har tomonlama foydali ekanini qayd etdi.
Oliy Majlis Qonunchilik palatasi spikeri Nuriddin Ismoilov Misr Arab Respublikasi Senati raisi bilan uchrashdi.
© Zakonodatelnaya palata Oliy Majlisa respubliki Uzbekistan
“Ikki davlat o‘rtasida barcha sohalarda ko‘plab kelishuvlarga erishilgani, o‘z navbatida, O‘zbekiston va Misr parlamentariylari ham ushbu hujjatlar ijrosi samarali bajarilishi ustidan birgalikda ish olib borilishini alohida ta’kidladi”, — deya qayd etilgan xabarda.
Muloqot yakunida tomonlar O‘zbekiston-Misr parlamentlararo hamkorligining istiqbolli yo‘nalishlarini belgilab olish hamda bu boradagi amaliy hamkorlikni davom ettirishga kelishib olishdi.
