https://oz.sputniknews.uz/20240525/moskvada-jurnalistlar-uchun-sputnikpro-na-zubovskom-loyihasining-yangi-mavsumi-boshlandi-44037454.html
Moskvada jurnalistlar uchun “SputnikPro na Zubovskom” loyihasining yangi mavsumi boshlandi
Moskvada jurnalistlar uchun “SputnikPro na Zubovskom” loyihasining yangi mavsumi boshlandi
Sputnik O‘zbekiston
Moskvada jurnalistlar uchun “SputnikPro na Zubovskom” loyihasining yangi mavsumi boshlandi
2024-05-25T11:36+0500
2024-05-25T11:36+0500
2024-05-25T11:54+0500
"rossiya segodnya"
moskva
jurnalistlar
sputnikpro
loyiha
https://cdn1.img.sputniknews.uz/img/07e8/05/19/44037121_0:160:3072:1888_1920x0_80_0_0_11a03bde3267d0cd10763ac5ee304eee.jpg
TOShKENT, 25-may — Sputnik. “Rossiya Segodnya” media-guruhining bosh ofisida 20-24 may kunlari “SputnikPro na Zubovskom” ta’lim loyihasining navbatdagi moduli bo‘lib o‘tdi.Bu yil dasturda Abxaziya, Ozarbayjon, Belarus, Qozog‘iston, Qirg‘iziston, Moldova, O‘zbekiston va Janubiy Osetiya jurnalistlari va jamoat arboblari ishtirok etdi. Loyiha zamonaviy media sohasida tajriba va bilim almashishga qaratilgan, baholashlarga ko‘ra, ishtirokchilar ko‘plab foydali ma’lumotlar va ilhom oldilar.Zamonaviy mediaga kirishDastur doirasida media-guruh yetakchi mutaxassislari tomonidan mahorat darslari va amaliy mashg‘ulotlar o‘tkazildi. Asosiy mavzular Telegram va ijtimoiy tarmoqlarda ishlash, media-kontentning vizual komponenti, infografika yaratish vositalari, neyron tarmoqlar va sun’iy intellekt bilan ishlash etikasiga tegishli bo‘ldi. Har bir ma’ruza va dars misollar va aniq keyslar bilan to‘ldirildi, bu esa ishtirokchilarga nafaqat nazariy jihatdan tushunish, balki mediaindustriyadagi so‘nggi trendlarni amalda sinab ko‘rish imkonini berdi.Loyihada Toshkentdagi Rus uyi xodimi Sergey Yejkov ikkinchi bor ishtirok etdi.Ilhomlantiruvchi ma’ruzalar va yetakchi spikerlarEng muhim voqealardan biri media-guruhning video ishlab chiqarish direksiyasidan Aleksandr Petrovning ma’ruzasi bo‘ldi. U neyron tarmoqlarning yil davomida qanday o‘zgargani va rivojlanganligini ko‘rsatdi. Endi avtomatik tarjima qilish va videolar uchun subtitrlar yaratish bir necha daqiqa vaqtni oladi, yordam uchun Telegram bot yoki boshqa qulay vositalarga murojaat qilish kifoya. Aleksandr ushbu mavzuni chuqurroq o‘rganishga yordam beradigan bir qator manbalar va dasturlarni tavsiya qildi.Zamonaviy mediada shaxsning o‘rni haqida gapirgan jurnalist Armen Gasparanning nutqi ham esda qolarli bo‘ldi. U jonli efir tamoyillari aql bovar qilmaydigan tezlikda o‘zgarayotganini ta’kidladi. Uning fikricha, OTMlarda jurnalistikani o‘qitish o‘z mazmunini yo‘qotadi, chunki ko‘plab o‘qituvchilar amaliyotda efirga chiqa olmaydi.Virtual boshlovchilar va yangi muammolar“Rossiya Segodnya” media-guruhi bosh muharriri o‘rinbosari Natalya Loseva ishtirokchilarni virtual yangiliklar boshlovchilarini yaratayotgan turli jahon medialari bilan tanishtirdi. Ulardan ba’zilari butunlay o‘ylab topilgan, boshqalari esa haqiqiy prototiplarga ega. Misol uchun, Sputnik agentligining virtual boshlovchisi Viktoriya allaqachon qo‘shni mamlakatlar tillarini o‘rganmoqda va efirlar olib bormoqda. Loseva ishtirokchilar bilan bunday innovatsiyalar bilan bog‘liq yangi muammolar va chaqiriqlarni, jumladan, virtual xarakterni yaxshi ko‘rib qolish ehtimolini muhokama qildi.Virtual boshlovchining prototipiga aylangan haqiqiy boshlovchi Viktoriya Fedorova kamerada ishlash tajribasi bilan o‘rtoqlashdi. U jim turuvchi yoki ko‘p gapiradigan spikerlar bilan qanday munosabatda bo‘lishni, noodatiy vaziyatlarda nima qilish kerakligini va spiker bilan qanday aloqa o‘rnatishni aytdi. Ishtirokchilar jonli efirda ishlash bo‘yicha foydali maslahatlar olib, Viktoriya bilan mini-intervyu o‘tkazishga muvaffaq bo‘lishdi.Dasturning oxirgi kuni sertifikatlar topshirish va bayramona dasturxon bilan yakunlandi.Yangi istiqbollar“SputnikPro na Zubovskom” loyihasi nafaqat yangi bilim va ko‘nikmalarga ega bo‘lish, balki turli mamlakatlardan yangi do‘stlar va hamkasblar orttirish, tajriba almashish va o‘z mamlakatlaridagi siyosiy va madaniy vaziyat haqida bir-birlariga aytib berish uchun ajoyib imkoniyatdir.2023 yilda dasturning to‘rtta moduli o‘tkazildi, bu yil esa loyiha maydan sentabrgacha davom etadi. Loyihaning ikkinchi bosqichi uchun jami 48 nafar jurnalist yana Moskvada to‘planadi. Ularning aksariyati dasturda ikkinchi marta qatnashmoqda. Bu yilgi modul dasturi ishtirokchilarga zamonaviy mediaga yanada chuqurroq kirib borish va o‘z ishlarida qo‘llashi mumkin bo‘lgan qimmatli bilimlarga ega bo‘lish imkonini beruvchi amaliy keyslarga yo‘naltirilgan holda ishlab chiqilgan.“SputnikPro na Zubovskom” loyihasi qo‘shni davlatlar jurnalistlarini birlashtirib, mintaqada zamonaviy mediani rivojlantirishga ko‘maklashuvchi o‘z missiyasini muvaffaqiyatli bajarishda davom etmoqda.
Sputnik O‘zbekiston
info@sputniknews-uz.com
+74956456601
MIA „Rosiya Segodnya“
2024
Yangiliklar
uz_UZ
Sputnik O‘zbekiston
info@sputniknews-uz.com
+74956456601
MIA „Rosiya Segodnya“
Sputnik O‘zbekiston
info@sputniknews-uz.com
+74956456601
MIA „Rosiya Segodnya“
moskvada jurnalistlar uchun “sputnikpro na zubovskom” loyihasining yangi mavsumi boshlandi
moskvada jurnalistlar uchun “sputnikpro na zubovskom” loyihasining yangi mavsumi boshlandi
Moskvada jurnalistlar uchun “SputnikPro na Zubovskom” loyihasining yangi mavsumi boshlandi
11:36 25.05.2024 (yangilandi: 11:54 25.05.2024) Eksklyuziv
Loyiha zamonaviy media sohasida tajriba va bilim almashishga qaratilgan.
TOShKENT, 25-may — Sputnik. “Rossiya Segodnya” media-guruhining bosh ofisida 20-24 may kunlari “SputnikPro na Zubovskom” ta’lim loyihasining navbatdagi moduli bo‘lib o‘tdi.
Bu yil dasturda Abxaziya, Ozarbayjon, Belarus, Qozog‘iston, Qirg‘iziston, Moldova, O‘zbekiston va Janubiy Osetiya jurnalistlari va jamoat arboblari ishtirok etdi. Loyiha zamonaviy media sohasida tajriba va bilim almashishga qaratilgan, baholashlarga ko‘ra, ishtirokchilar ko‘plab foydali ma’lumotlar va ilhom oldilar.
Dastur doirasida media-guruh yetakchi mutaxassislari tomonidan mahorat darslari va amaliy mashg‘ulotlar o‘tkazildi. Asosiy mavzular Telegram va ijtimoiy tarmoqlarda ishlash, media-kontentning vizual komponenti, infografika yaratish vositalari, neyron tarmoqlar va sun’iy intellekt bilan ishlash etikasiga tegishli bo‘ldi. Har bir ma’ruza va dars misollar va aniq keyslar bilan to‘ldirildi, bu esa ishtirokchilarga nafaqat nazariy jihatdan tushunish, balki mediaindustriyadagi so‘nggi trendlarni amalda sinab ko‘rish imkonini berdi.
Loyihada Toshkentdagi Rus uyi xodimi Sergey Yejkov ikkinchi bor ishtirok etdi.
“Men juda ko‘p “fishka”larni o‘rgandim va ularni ishimda qo‘lladim. Ular bizga kontent yaratish va yaxshilashga, Telegram kanalimizni targ‘ib qilishga yordam beradi”, — dedi u Sputnik muxbiriga.
Ilhomlantiruvchi ma’ruzalar va yetakchi spikerlar
Eng muhim voqealardan biri media-guruhning video ishlab chiqarish direksiyasidan Aleksandr Petrovning ma’ruzasi bo‘ldi. U neyron tarmoqlarning yil davomida qanday o‘zgargani va rivojlanganligini ko‘rsatdi. Endi avtomatik tarjima qilish va videolar uchun subtitrlar yaratish bir necha daqiqa vaqtni oladi, yordam uchun Telegram bot yoki boshqa qulay vositalarga murojaat qilish kifoya. Aleksandr ushbu mavzuni chuqurroq o‘rganishga yordam beradigan bir qator manbalar va dasturlarni tavsiya qildi.
Zamonaviy mediada shaxsning o‘rni haqida gapirgan jurnalist Armen Gasparanning nutqi ham esda qolarli bo‘ldi. U jonli efir tamoyillari aql bovar qilmaydigan tezlikda o‘zgarayotganini ta’kidladi. Uning fikricha, OTMlarda jurnalistikani o‘qitish o‘z mazmunini yo‘qotadi, chunki ko‘plab o‘qituvchilar amaliyotda efirga chiqa olmaydi.
Virtual boshlovchilar va yangi muammolar
“Rossiya Segodnya” media-guruhi bosh muharriri o‘rinbosari Natalya Loseva ishtirokchilarni virtual yangiliklar boshlovchilarini yaratayotgan turli jahon medialari bilan tanishtirdi. Ulardan ba’zilari butunlay o‘ylab topilgan, boshqalari esa haqiqiy prototiplarga ega. Misol uchun, Sputnik agentligining virtual boshlovchisi Viktoriya allaqachon qo‘shni mamlakatlar tillarini o‘rganmoqda va efirlar olib bormoqda. Loseva ishtirokchilar bilan bunday innovatsiyalar bilan bog‘liq yangi muammolar va chaqiriqlarni, jumladan, virtual xarakterni yaxshi ko‘rib qolish ehtimolini muhokama qildi.
Virtual boshlovchining prototipiga aylangan haqiqiy boshlovchi Viktoriya Fedorova kamerada ishlash tajribasi bilan o‘rtoqlashdi. U jim turuvchi yoki ko‘p gapiradigan spikerlar bilan qanday munosabatda bo‘lishni, noodatiy vaziyatlarda nima qilish kerakligini va spiker bilan qanday aloqa o‘rnatishni aytdi. Ishtirokchilar jonli efirda ishlash bo‘yicha foydali maslahatlar olib, Viktoriya bilan mini-intervyu o‘tkazishga muvaffaq bo‘lishdi.
Dasturning oxirgi kuni sertifikatlar topshirish va bayramona dasturxon bilan yakunlandi.
“SputnikPro na Zubovskom” loyihasi nafaqat yangi bilim va ko‘nikmalarga ega bo‘lish, balki turli mamlakatlardan yangi do‘stlar va hamkasblar orttirish, tajriba almashish va o‘z mamlakatlaridagi siyosiy va madaniy vaziyat haqida bir-birlariga aytib berish uchun ajoyib imkoniyatdir.
2023 yilda dasturning to‘rtta moduli o‘tkazildi, bu yil esa loyiha maydan sentabrgacha davom etadi. Loyihaning ikkinchi bosqichi uchun jami 48 nafar jurnalist yana Moskvada to‘planadi. Ularning aksariyati dasturda ikkinchi marta qatnashmoqda. Bu yilgi modul dasturi ishtirokchilarga zamonaviy mediaga yanada chuqurroq kirib borish va o‘z ishlarida qo‘llashi mumkin bo‘lgan qimmatli bilimlarga ega bo‘lish imkonini beruvchi amaliy keyslarga yo‘naltirilgan holda ishlab chiqilgan.
“SputnikPro na Zubovskom” loyihasi qo‘shni davlatlar jurnalistlarini birlashtirib, mintaqada zamonaviy mediani rivojlantirishga ko‘maklashuvchi o‘z missiyasini muvaffaqiyatli bajarishda davom etmoqda.
