Ilmiy va ishlab chiqarish imkoniyatlari bo‘lsa, Rossiya har qanday vazifani hal qiladi — Putin
© Sputnik / Dmitriy Astaxov
/ Obuna bo‘lish
Rossiya Federatsiyasi rahbari Strategik tashabbuslar agentligi uchun yillik mukofot ta’sis etishni taklif qildi.
TOShKENT, 23-may — Sputnik. Ilmiy va ishlab chiqarish imkoniyatlari mavjud bo‘lsa, Rossiya har qanday vazifani hal qiladi. Bu haqda Rossiya Federatsiyasi rahbari Vladimir Putin Strategik tashabbuslar agentligi (STA) kuzatuv kengashi yig‘ilishida ma’lum qildi.
“Agar biz ilmiy va ishlab chiqarish jamoalari, muhandislik, tadbirkorlik, ijodiy jamoalar, ko‘ngillilar va notijorat tashkilotlari, notijorat sektor vakillari uchun imkoniyatlarni kengaytirishda davom etsak, biz iqtisodiyotning o‘sishini va Rossiya oilalarining farovonligini ta’minlaymiz, biz, albatta, eng katta vazifalarni hal qilamiz”, — dedi u .
Prezidentning ta’kidlashicha, barcha rejalarni amalga oshirish va tashqi muammolarga muvaffaqiyatli javob berish uchun "hokimiyatning barcha darajalarining muvofiqlashtirilgan harakatlari va, albatta, butun jamiyatning ishtiroki, deyarli har bir fuqaroning mamlakat rivojiga qo‘shgan hissasi kerak".
Prezident yiig‘ilishdan avval STA faoliyatining asosiy yo‘nalishlariga bag‘ishlangan “Texnologik suverenitet” ko‘rgazmasini ko‘zdan kechirdi. Ko‘rgazma "Tochka kipeniya Arbat" maydonida joylashgan. Bu maxsus maydon bo‘lib, unda ma’ruzalar, seminarlar, mahorat darslari va Agentlikning ishbilarmon o‘yinlari o‘tkaziladi.
2013 yildan beri Rossiyaning 71 ta hududida 182 ta "qaynoq nuqtasi" yaratilgan. Putinga Strategik tashabbuslar agentligining 2030-yilgacha bo‘lgan ish rejalari taqdim etildi.
Asosiy vazifa – hududlarning ijtimoiy-iqtisodiy rivojlanishini qo‘llab-quvvatlash. Agentlik faoliyati beshta tashabbus (ijtimoiy, kadrlar, texnologik, ekologik va tadbirkorlik) doirasida tuzilgan va 2030-yilgacha va 2036-yilgacha milliy rivojlanish maqsadlariga erishishga xizmat qiladi.
Shuningdek, prezidentga texnologik suverenitetni ta’minlash sohasida yechim topish uchun agentlik tomonidan qo‘llaniladigan usullar va tasniflar haqida so‘zlab berildi.
Rossiya rahbari agentlikning “VEB.RF” (Davlat taraqqiyot korporatsiyasi) bilan hamkorlikda ishlab chiqilgan Azov viloyatini 2040-yilgacha barqaror rivojlantirish strategiyasi bilan tanishdi. Hujjat to‘rtta yangi hududni rivojlantirish va Donbassning ko‘mir va metallurgiya sanoatini modernizatsiya qilish rejalari bilan birgalikda amalga oshiriladi.
Vladimir Putin Strategik tashabbuslar agentligiga Federal Majlisga yo‘llagan murojaatiga kiritilgan takliflar uchun minnatdorchilik bildirdi.
Rossiya Federatsiyasi rahbari STA uchun yillik mukofot ta’sis etishni taklif qildi.
“Mamlakat va jamiyat uchun ahamiyati va qiymati yuqori bo‘lgan loyihalar yetakchilari alohida rag‘batlantirishga loyiq, deb hisoblayman. Shu bois ularni har yili Agentlikning maxsus mukofoti bilan taqdirlash taklifi bor”, — dedi Rossiya prezidenti.
Putin, shuningdek, quyidagilarni qayd etdi:
Agentlik tomonidan qo‘llab-quvvatlanadigan fuqarolik tadbirkorlik tashabbuslari milliy loyihalarda aks ettirilishi kerak;
texnologik suverenitetning barcha milliy loyihalarini ishlab chiqishda Milliy texnologiya tashabbus ishtirokchilarini jalb qilish, ilg‘or ishlab chiqarishlarni rivojlantirish rejalarini, kadrlar malakasini oshirish mexanizmlarini va texnologiya biznesiga ko‘maklashishni shakllantirishda innovatorlar va tadbirkorlarning fikrlarini albatta hisobga olish zarurligi;
do‘st davlatlar, biz bilan ishlashni xohlovchilar bilan hamkorlikni rivojlantirish yo‘lidan borish, birgalikda mamlakatlar fuqarolari va iqtisodiyoti uchun zarur bo‘lgan mahsulot va innovatsiyalarni yaratish kerak;
texnologik sohadagi qarorlar samaraliroq bo‘lishi kerak, chunki "yomon niyatlilar uchun Rossiya Federatsiyasini cheklash qiyinroq bo‘ladi".
Bundan tashqari, Rossiya rahbari maxsus harbiy operatsiya ishtirokchilarini qo‘llab-quvvatlovchi, maxsus loyihalarni amalga oshiradigan va texnologik suverenitetni mustahkamlashga hissa qo‘shadigan kompaniyalar uchun rag‘batlantirish tizimini ishlab chiqishni taklif qildi.
Rossiya prezidenti odamlarning farovonligini mamlakat rasmiylarining barcha ishlarini baholashning eng muhim mezoni deb atadi va har yili agentlik tashkil etadigan 2023-yil uchun mintaqalardagi sifat reytingi natijalarini ko‘rib chiqishni taklif qildi.
