Rossiya O‘zbekistondan ayrim poyabzallarni xarid qilishni rejalashtirmoqda
© Uzcharmsanoat
Obuna bo‘lish
“O‘zcharmsanoat” uyushmasi Rossiyaning charmsanoat sohasi korxonalari bilan muzokaralar o‘tkazdi.
TOShKENT, 19-may — Sputnik. “O‘zcharmsanoat” uyushmasi Rossiyaning bir qator kompaniyalari bilan hamkorlik qilishga kelishib oldi, deya xabar berdi uyushma matbuot xizmati.
“O‘zcharmsanoat” uyushmasi raisi o‘rinbosari Mirsaid Zoxidov Rostov-Don shahridagi charmsanoat sohasi korxonalari, yirik savdo tarmoqlari vakillari bilan muzokaralar o‘tkazdi.
“O‘zcharmsanoat” uyushmasi raisi o‘rinbosari Mirsaid Zoxidov Rostov-Don shahridagi charmsanoat sohasi korxonalari, yirik savdo tarmoqlari vakillari bilan muzokaralar o‘tkazdi.
© Uzcharmsanoat
Jumladan, Donks davlat texnika universiteti qoshidagi Rostov viloyati innovatsiya va texnologiya yengil sanoat klasterida bo‘lib o‘tgan uchrashuvda O‘zbekiston charm sanoati korxonalari uchun malakali dizayner, texnolog va tikuvchilarni yetkazib berish bo‘yicha ta’lim dasturni amalga oshirish masalasi muhokama etildi.
“Mamlakatimizning turli hududlarida aynan cham sanoati tarmog‘i uchun kadrlar tayyorlashga ixtisoslashgan ta’lim markazlari ish boshlaydi. Muzokalarda aynan ushbu markazlarga Rostov viloyati innovatsiya va texnologiya yengil sanoat klasterning xalaqaro sertifikatlarga ega dizayner va texnologlaridan iborat pedogoglar jamoasini jalb etishga kelishib olindi”, — deyiladi xabarda.
Qayd etilishicha, “Donobuv” O‘zbekiston korxonalari bilan hamkorlikka katta qiziqish bildirmoqda.
“O‘zcharmsanoat” uyushmasi raisi o‘rinbosari Mirsaid Zoxidov Rostov-Don shahridagi charmsanoat sohasi korxonalari, yirik savdo tarmoqlari vakillari bilan muzokaralar o‘tkazdi.
© Uzcharmsanoat
“Muzokalarda hamkorlikni bir necha bosqichda amalga oshirishga kelishib olindi. Dastlab, Rossiya kompaniyasi O‘zbekistondan maxsus va ishchilar poyabzallarini xarid qilishni rejalashtirmoqda. Na’munalar kompaniya laboratoriyalaridan sinovdan o‘tgandan so‘ng xarid jarayonlari boshlanadi. Navbatdagi bosqichda esa qo‘shma ishlab chiqarish korxonasini barpo etish belg‘ilangan”, — deya qayd etilgan xabarda.
Aytilishicha, “Donobuv” kompaniyasi rahbariyati muzokaralarning navbatdagi raundi uchun Toshkentga keladi.
Shuningdek, “Tigran” “LeGrow” kompaniyasi, Rostov poyabzal fabrikasi bilan ham ikki tomonlama aloqalarni yo‘lga qo‘yish bo‘yicha dastlabki kelishuvlarga erishildi.
