O‘zbekiston va Vengriya o‘rtasida hamkorlik hujjatlari imzolandi — tafsilotlar
11:09 08.05.2024 (yangilandi: 11:42 08.05.2024)
© Ministerstvo inostrannix del respubliki Uzbekistan
Obuna bo‘lish
O‘zbekiston tashqi ishlar vaziri Vengriya tashqi ishlar va savdo vaziri bilan uchrashdi.
TOShKENT, 8-may — Sputnik. O‘zbekiston va Vengriya qayta tiklanuvchi energiya manbalarini rivojlantirishda hamkorlik qilishga kelishib oldi. Bu haqda O‘zbekiston Tashqi ishlar vazirligi xabar berdi.
O‘zbekiston tashqi ishlar vaziri Baxtiyor Saidov Vengriya tashqi ishlar va savdo vaziri Peter Siyarto bilan uchrashdi. Unda ikki va ko‘p tomonlama hamkorlik, qator sohalardagi aloqalarni yanada faollashtirish yo‘llari muhokama qilindi.
O‘zbekiston tashqi ishlar vaziri Baxtiyor Saidov Vengriya tashqi ishlar va savdo vaziri Peter Siyarto bilan uchrashdi.
© Ministerstvo inostrannix del respubliki Uzbekistan
“O‘zbekiston va Vengriya o‘rtasidagi ko‘p qirrali strategik sheriklik kun tartibi yanada boyib borayotganini mamnuniyat bilan qayd etamiz. Bugun bo‘lib o‘tgan uchrashuvimizda ikki va ko‘p tomonlama hamkorlik, qator sohalardagi aloqalarimizni yanada faollashtirish yo‘llarini muhokama qildik”, — deb yozadi Baxtiyor Saidov.
Tomonlar qayta tiklanuvchi energiya manbalarini rivojlantirish hamda vazirliklar o‘rtasida hamkorlik hujjatlarini imzolashdi.
O‘zbekiston tashqi ishlar vaziri Baxtiyor Saidov Vengriya tashqi ishlar va savdo vaziri Peter Siyarto bilan uchrashdi.
© Ministerstvo inostrannix del respubliki Uzbekistan
Imzolangan hujjatlar:
O‘zbekiston Hukumati bilan Vengriya Hukumati o‘rtasida qayta tiklanuvchi energiya manbalarini rivojlantirish sohasida hamkorlik to‘g‘risida Anglashuv memorandumi;
O‘zbekiston Respublikasi Tashqi ishlar vazirligi bilan Vengriya Tashqi ishlar va savdo vazirligi o‘rtasida 2024-2026 yillarga mo‘ljallangan Hamkorlik dasturi.
