Mirziyoyev: Xitoyning Shinjon-Uyg‘ur avtonom rayoni bilan hamkorlikni rivojlantirish muhim
10:02 29.03.2024 (yangilandi: 10:59 29.03.2024)
© Press-slujba prezidenta Uzbekistana
Obuna bo‘lish
Mirziyoyev ShUAR bilan o‘zaro manfaatli hamkorlikni yanada rivojlantirish va qo‘shma loyihalarni jadallashtirish muhimligini ta’kidladi.
TOShKENT, 29 mar — Sputnik. O‘zbekiston prezidenti Shavkat Mirziyoyev kecha, 28-mart kuni Xitoy Xalq Respublikasining Shinjon-Uyg‘ur avtonom rayoni (ShUAR) Xalq hukumati raisi Erkin Tuniyaz boshchiligidagi delegatsiyani qabul qildi. Bu haqda prezident matbuot xizmati xabar berdi.
O‘zbekiston va Xitoyning ko‘p qirrali hamkorligini yanada kengaytirish, shu jumladan O‘zbekiston hududlari va ShUAR o‘rtasidagi amaliy aloqalarni rivojlantirishning ustuvor yo‘nalishlari ko‘rib chiqildi.
Shavkat Mirziyoyev prinyal delegatsiyu Kitayskoy Narodnoy Respubliki vo glave s predsedatelem Narodnogo pravitelstva Sinszan-Uygurskogo avtonomnogo rayona Erkinom Tuniyazom
© Press-slujba prezidenta Uzbekistana
O‘zbekiston-Xitoy do‘stlik va barcha sharoitda strategik sheriklik munosabatlaridagi bugungi yuksak daraja katta mamnuniyat bilan qayd etildi.
Mirziyoyev ShUAR bilan o‘zaro manfaatli hamkorlikni yanada rivojlantirish va qo‘shma loyihalarni jadallashtirish muhimligini ta’kidladi. Innovatsion texnologiyalar, qishloq va suv xo‘jaligi, transport va logistika, bank-moliya sohasi, ta’lim, an’anaviy tibbiyot kabi bir qator ustuvor yo‘nalishlar ko‘rsatib o‘tildi.
Shavkat Mirziyoyev prinyal delegatsiyu Kitayskoy Narodnoy Respubliki vo glave s predsedatelem Narodnogo pravitelstva Sinszan-Uygurskogo avtonomnogo rayona Erkinom Tuniyazom
© Press-slujba prezidenta Uzbekistana
O‘zbekiston har yili Urumchi shahrida o‘tkazib kelinayotgan “Ekspo Xitoy-Yevroosiyo” bosh ko‘rgazmasida faol ishtirok etishi qayd etildi.
Uchrashuvda gumanitar va turizm aloqalarini rivojlantirish masalalari ham atroflicha muhokama qilindi.
Shavkat Mirziyoyev prinyal delegatsiyu Kitayskoy Narodnoy Respubliki vo glave s predsedatelem Narodnogo pravitelstva Sinszan-Uygurskogo avtonomnogo rayona Erkinom Tuniyazom
© Press-slujba prezidenta Uzbekistana
“O‘zbekiston-Qirg‘iziston-Xitoy” temir yo‘lini qurish loyihasini ilgari surishga alohida e’tibor qaratildi.
