Mirziyoyev Yoshlar bog‘iga ko‘chat o‘tqazdi
© Press-slujba prezidenta Uzbekistana
Obuna bo‘lish
Yoshlar bog‘i “Yangi O‘zbekiston” bog‘idan keyin ikkinchi o‘rinni egallaydi.
TOShKENT, 19 mar — Sputnik. O‘zbekiston prezidenti Shavkat Mirziyoyev Toshkentning Sergeli tumanida tashkil etilayotgan Yoshlar bog‘iga ko‘chat o‘tqazdi, deya xabar berdi davlat rahbari matbuot xizmati.
Davlat rahbariga bog‘ loyihasi haqida axborot berildi. Uning maydoni 75 gektardan ziyod bo‘lib, hududi jihatidan poytaxtda “Yangi O‘zbekiston” bog‘idan keyin ikkinchi o‘rinni egallaydi.
V Parke molodeji visajeni pervie derevya
© Press-slujba prezidenta Uzbekistana
Bog‘ yettita katta hududga bo‘linadi. Markaziy xiyobonda turli maydonlar, ming o‘rinli ochiq amfiteatr, milliy va xalqaro gastronomik zonalar barpo etiladi.
Ochiq havoda ovqatlanish va qiziqarli mashg‘ulotlar uchun alohida joylar bo‘ladi. Musiqiy favvoralar, ochiq osmon ostidagi kinoteatr, san’at ko‘rgazmalari va lazer-shou imkoniyatlari yaratiladi. Bolalar uchun sport va o‘yin maydonlari, mashhur ertaklardagi qishloqlar, ustaxona, kutubxona tashkil etiladi. Sun’iy ko‘l, kanoe va suzish havzasi, baliq ovi dam oluvchilarga huzurbaxsh bo‘ladi.
V Parke molodeji visajeni pervie derevya
© Press-slujba prezidenta Uzbekistana
Toshkent shahri jamoatchiligi, davlat tashkilotlari va diplomatik korpus vakillari, yoshlar ishtirokida boqqa ko‘chatlar ekildi. Prezident bog‘ loyihasida qatnashayotgan investor va loyihachilar, chet ellik diplomatlar bilan muloqot qildi.
“Xalqimiz qayerda bo‘lsa, daraxt ekishga intilgan. Amir Temur Samarqand atrofida so‘lim bog‘lar barpo etgan, boshqa shaharlarni ham obod qilgan. Buyuk bobolarimizga munosib bo‘lib, bu ishlarni qilayapmiz”, — dedi prezident.
V Parke molodeji visajeni pervie derevya
© Press-slujba prezidenta Uzbekistana
Boqqa birinchi bosqichda ming tupdan ziyod kashtan, eman, sharq chinori, qizil kurtak, magnoliya, gujum kabi manzarali daraxtlar hamda buta va gullar ekiladi. Loyiha yakuniga qadar ularning soni 20 ming tupga yetadi.
“Yana bir e’tiborli tomoni, bu bog‘da tabiiylik, o‘rmon shakli, ekzotik manzara hosil qilinadi. Bog‘ foydalanishga topshirilishi bilan 350 tadan ortiq ish o‘rni yaratiladi”, — deyiladi xabarda.
V Parke molodeji visajeni pervie derevya
© Press-slujba prezidenta Uzbekistana
Ayni kunlarda ham hududlarda ko‘chatlar ekilmoqda. Umuman, O‘zbekistonda 347 gektar maydonda “yashil hudud”, 187 ta vazirlik va hokimlik bog‘lari barpo etilgan.
