O‘zbek-qirg‘iz ishbilarmonlari oziq-ovqat ishlab chiqarmoqchi
16:10 13.03.2024 (yangilandi: 20:46 13.03.2024)
© Torgovo-promishlennaya palata UzbekistanaO‘zbekiston-Qirg‘iziston Ishbilarmonlar kengashining uchinchi yig‘ilishi bo‘lib o‘tdi.
![O‘zbekiston-Qirg‘iziston Ishbilarmonlar kengashining uchinchi yig‘ilishi bo‘lib o‘tdi. O‘zbekiston-Qirg‘iziston Ishbilarmonlar kengashining uchinchi yig‘ilishi bo‘lib o‘tdi. - Sputnik O‘zbekiston, 1920, 13.03.2024](https://cdn1.img.sputniknews.uz/img/07e8/03/0d/42909704_0:31:1280:751_1920x0_80_0_0_da0447a17af78818e65757c557a019ad.jpg)
© Torgovo-promishlennaya palata Uzbekistana
Obuna bo‘lish
O‘zbekiston-Qirg‘iziston Ishbilarmonlar kengashining uchinchi yig‘ilishi bo‘lib o‘tdi.
TOShKENT, 13 mar — Sputnik. O‘zbekiston va Qirg‘iziston kompaniyalari o‘rtasida oziq-ovqat mahsulotlarini o‘zaro ishlab chiqarish bo‘yicha kelishuvga erishildi, deya xabar berdi Savdo-sanoat palatasi matbuot xizmati.
Toshkentda O‘zbekiston-Qirg‘iziston Ishbilarmonlar kengashining uchinchi yig‘ilishi bo‘lib o‘tdi. Kun tartibidagi asosiy masalalar O‘zbekiston-Qirg‘iziston taraqqiyot jamg‘armasi mablag‘lari hisobidan qo‘shma tadbirkorlikni rivojlantirish bo‘ldi.
Bundan tashqari, tez buziladigan mahsulotlar uchun yashil yo‘lak, umumiy laboratoriya, sanitariya nazorati, qo‘shimcha nazorat-o‘tkazish punktlari ochish va temir yo‘l orqali yuk tashish hajmini oshirish masalalari muhokama qilindi.
© Torgovo-promishlennaya palata UzbekistanaO‘zbekiston-Qirg‘iziston Ishbilarmonlar kengashining uchinchi yig‘ilishi bo‘lib o‘tdi.
![Uchastniki 3-go zasedaniya Uzbeksko-Kirgizskogo Delovogo Soveta Uchastniki 3-go zasedaniya Uzbeksko-Kirgizskogo Delovogo Soveta - Sputnik O‘zbekiston, 1920, 13.03.2024](https://cdn1.img.sputniknews.uz/img/07e8/03/0d/42909682_0:0:1280:853_1920x0_80_0_0_acebddd470f61a3b8a975dd14b0f5c40.jpg)
O‘zbekiston-Qirg‘iziston Ishbilarmonlar kengashining uchinchi yig‘ilishi bo‘lib o‘tdi.
© Torgovo-promishlennaya palata Uzbekistana
"Ishbilarmonlar kengashi yig‘ilishida Qirg‘izistonning “Alaiku Organics” va O‘zbekistonning “Milk House” kompaniyasi o‘rtasida oziq-ovqat mahsulotlarini o‘zaro ishlab chiqarish bo‘yicha kelishuvga erishildi, shuningdek, B2B formatidagi uchrashuvlar yakuni bo‘yicha bir qator shartnomalar imzolandi", — deyiladi xabarda.
O‘zbekiston va Qirg‘iziston o‘rtasidagi tovar ayirboshlash hajmi so‘nggi 5-yilda 5 barobarga oshib, 2023-yil yakuniga ko‘ra qariyb 1 milliard dollarni tashkil etdi.