Shavkat Mirziyoyev ayollarni 8-mart bilan tabrikladi
18:31 07.03.2024 (yangilandi: 11:47 08.03.2024)
© Press-slujba prezidenta UzbekistanaPrazdnichnoe meropriyatie po sluchayu Mejdunarodnogo jenskogo dnya.
![Prazdnichnoe meropriyatie po sluchayu Mejdunarodnogo jenskogo dnya. Prazdnichnoe meropriyatie po sluchayu Mejdunarodnogo jenskogo dnya. - Sputnik O‘zbekiston, 1920, 07.03.2024](https://cdn1.img.sputniknews.uz/img/07e8/03/07/42835239_0:67:1280:787_1920x0_80_0_0_da872b5cbb3b923e1eec667bf9bc7280.jpg)
Obuna bo‘lish
Bugun Toshkentda Xalqaro xotin-qizlar kuniga bag‘ishlangan tantanali marosim bo‘lib o‘tdi.
TOShKENT, 7 mar — Sputnik. O‘zbekiston prezidenti Shavkat Mirziyoyev ayollarni 8-mart bayrami bilan tabrikladi.
“Assalomu alaykum, hayotimiz quvonchi, fayzu farishtasi bo‘lgan muhtarama onaxonlar, hurmatli opa-singillar, dilbar qizlarim! <…> O‘zlaringiz kabi go‘zal bayramingiz muborak bo‘lsin! ”, - deb boshladi prezident tabrik so‘zini.
Shundan so‘ng prezident ayollar davlat va jamiyat rivojiga qo‘shayotgan ulkan hissasi va bu borada so‘nggi yillarda respublikada amalga oshirilayotgan ishlar haqida to‘xtalib o‘tdi.
O‘zbekistonda so‘nggi 7-yilda davlat boshqaruvi sohasida ayollar ulushi 27 foizdan 35 foizgacha oshdi, gender tenglik bo‘yicha O‘zbekiston dunyoning eng tez rivojlanayotgan beshta mamlakati qatoriga kirdi, dedi prezident.
© Press-slujba prezidenta UzbekistanaPrazdnichnoe meropriyatie po sluchayu Mejdunarodnogo jenskogo dnya.
![Prazdnichnoe meropriyatie po sluchayu Mejdunarodnogo jenskogo dnya. Prazdnichnoe meropriyatie po sluchayu Mejdunarodnogo jenskogo dnya. - Sputnik O‘zbekiston, 1920, 07.03.2024](https://cdn1.img.sputniknews.uz/img/07e8/03/07/42835251_0:0:1280:853_1920x0_80_0_0_a13d419545777f5fa33b2890f0b43862.jpg)
Shundan so‘ng davlat rahbari ayollar uchun oliy ta’lim olish, tadbirkorlik bilan shug‘ullanish uchun barcha imkoniyatlariga ega bo‘lish muhim ekanini ta’kidladi.
“Chunki ayollarning, xususan, qiz bolaning o‘qib, oliy ma’lumotli bo‘lishi, kasb-hunar egallashi oila baxti, farzandlar kamoli uchun, shu asosda butun jamiyat ravnaqi uchun xizmat qiladi”, - dedi prezident.
So‘z yakunida davlat rahbari bola tarbiyasiga e’tibor berish, bog‘cha va maktablarga borib farzandlar o‘qishi bilan qiziqish zarurligini ta’kidlab o‘tdi.
Muhtarama opa-singillar!
Siz, azizlarni bugungi bahor va nafosat bayrami bilan yana bir bor tabriklayman. Barchangizga sihat-salomatlik, xonadonlaringizga tinchlik-omonlik, fayzu baraka tilayman. Har biringizga hamisha oilangiz, farzandu nabiralaringiz, el-yurtimiz ardog‘ida bo‘lish nasib etsin! Katta rahmat sizlarga!, - deb tabrik so‘zini yakunladi prezident.
© Press-slujba prezidenta UzbekistanaPrazdnichnoe meropriyatie po sluchayu Mejdunarodnogo jenskogo dnya.
![Prazdnichnoe meropriyatie po sluchayu Mejdunarodnogo jenskogo dnya. Prazdnichnoe meropriyatie po sluchayu Mejdunarodnogo jenskogo dnya. - Sputnik O‘zbekiston, 1920, 07.03.2024](https://cdn1.img.sputniknews.uz/img/07e8/03/07/42835392_0:0:1280:851_1920x0_80_0_0_04c5c5ed7a38b95c842aba4be91b7107.jpg)