Urushning tugashi, yadroviy kuchlar va G‘arb bilan munosabat: Putinning asosiy fikrlari
17:00 29.02.2024 (yangilandi: 17:33 29.02.2024)
© Sputnik / Sergey Guneyev
/ Obuna bo‘lish
Rossiya prezidenti Vladimir Putin Federal Majlisga murojaat qildi.
TOShKENT, 29 fev — Sputnik. Rossiya jangovar harakatlarni to‘xtatish, natsizmni yo‘q qilish va maxsus operatsiyaning barcha vazifalarini hal qilish uchun hamma narsani qiladi, dedi Rossiya prezidenti Vladimir Putin.
“Biz bu urushni Donbassda boshlaganimiz yo‘q, lekin bir necha bor aytganimdek, biz uni tugatish, natsizmni yo‘q qilish, maxsus harbiy operatsiyaning barcha vazifalarini hal qilish, fuqarolarimizning suvereniteti va xavfsizligini himoya qilish uchun hamma narsani qilamiz”, — dedi Putin Federal Majlisga murojaati chog‘ida.
Uning qayd etishicha, G‘arb davlatlari allaqachon urush nima ekanligini unutgan, ular Ukrainada sodir bo‘layotgan voqealarni qandaydir "multfilmlar" deb hisoblashadi.
“Bular og‘ir sinovlardan o‘tmagan, urush nima ekanligini allaqachon unutgan odamlardir. Biz, hatto hozirgi avlodimiz ham Kavkazda xalqaro terrorizmga qarshi kurash davomida shunday og‘ir sinovlardan o‘tdik. Hozir Ukrainadagi mojaro sharoitida ham xuddi shunday holat yuz bermoqda. Ular (G‘arb – tahr.) bularning barchasi ular uchun qandaydir multfilm, deb o‘ylaydi”, — dedi Putin.
Rossiya yetakchisining ta’kidlashicha, G‘arb Rossiyani qurollanish poygasiga tortmoqchi bo‘lib, 1980-yillardagi SSSRdagi kabi hiylani takrorlamoqda.
“G‘arb bizni qurollanish poygasiga tortmoqchi ekanini ham tushunamiz. Shunday qilib, ular 80-yillarda Sovet Ittifoqi bilan muvaffaqiyatga erishgan hiyla-nayrangni takrorlaydilar”, — dedi u.
Putning aytishicha, NATOning mumkin bo‘lgan interventlari uchun oqibatlari fojiali bo‘ladi.
"Ular NATO harbiy kontingentlarini Ukrainaga yuborish imkoniyati haqida gapira boshlashdi, ammo biz bir vaqtlar o‘z kontingentlarini mamlakatimiz hududiga yuborganlarning taqdiri esimizda, ammo endi mumkin bo‘lgan interventlar uchun oqibatlar ancha ayanchli bo‘ladi”, — dedi Putin.
U, shuningdek, russofobiya, milliy ustunlik mafkuralarining boshqa turlariga o‘xshab, ko‘r va aqldan mahrum qiladi, deb aytdi.
"Haqiqatan ham, rusofobiya, boshqa irqchilik, milliy ustunlik va eksklyuzivlik mafkurasi kabi ko‘r qiladi va aqldan ozdiradi", — dedi Putin.
Putin Federal Majlisga murojaati chog‘ida “Kinjal” gipertovush majmuasi maxsus harbiy operatsiya zonasida yuqori samaradorlik bilan foydalanilayotgani, “Sirkon” kompleksi allaqachon janglarda qo‘llanilgani, “Avangard” qit’alararo masofali gipertovush birliklari va “Peresvet” lazer tizimlari jangovar navbatchilikda ekani, “Burevestnik” cheksiz masofali qanotli raketa va “Poseydon” uchuvchisiz suv osti apparati sinovlari yakunlanayotganini aytdi.
U o‘z so‘zida armiya va flotni sifat jihatidan yangi bosqichga ko‘tarish muhim ekanligini qo‘shimcha qildi.
“NATOning Sharqqa navbatdagi kengayishi va Shvetsiya va Finlyandiyaning ittifoqqa qo‘shilishi bilan bog‘liq tahdidlarni bartaraf etish uchun g‘arbiy strategik yo‘nalishdagi guruhlarni kuchaytirish jiddiy zarur”, — dedi u.
Vladimir Putin Rossiya hukumatiga rus tilini targ‘ib qilish bo‘yicha xalqaro dasturlarni moliyalashtirishni ko‘paytirishni topshirdi.
“Rossiya arab davlatlari bilan azaldan yaxshi munosabatlarga ega. Ular bugungi kunda jadal rivojlanayotgan Shimoliy Afrikadan Yaqin Sharqgacha bo‘lgan o‘ziga xos sivilizatsiyani ifodalaydi. Biz arab do‘stlarimiz bilan yangi aloqa nuqtalarini izlash va hamkorlikning barcha ko‘lamini chuqurlashtirishni muhim deb bilamiz. Lotin Amerikasi yo‘nalishida ham xuddi shunday qilamiz. Hukumatdan rus tili va ko‘pmillatli madaniyatimizni targ‘ib qilish sohasidagi xalqaro dasturlarni moliyalashtirishni ko‘paytirishni alohida so‘rayman, birinchi navbatda, albatta, MDHda va butun dunyoda”, — dedi Putin.
Putin ASEAN va Afrika bilan munosabatlarni rivojlantirish haqida ham gapirdi. Uning so‘zlariga ko‘ra, Rossiyaning ASEAN, Afrika va arab davlatlari bilan muloqoti ijobiy rivojlanmoqda.
“Biz Yevroosiyo iqtisodiy ittifoqi va Xitoy Xalq Respublikasining “Bir kamar, bir yo‘l” tashabbusi doirasida integratsiya jarayonlarini uyg‘unlashtirishda yirik Yevroosiyo hamkorligini qurishda katta istiqbollarni ko‘ramiz. Rossiyaning ASEAN bilan muloqoti ijobiy rivojlanmoqda. Rossiya-Afrika sammitlari haqiqiy yutuq bo‘ldi. Afrika qit’asi o‘z manfaatlarini va haqiqiy suverenitetga bo‘lgan huquqini tobora ko‘proq e’lon qilmoqda. Biz bu intilishlarning barchasini chin dildan qo‘llab-quvvatlaymiz. Rossiya arab davlatlari bilan azaldan yaxshi munosabatlarga ega”, — dedi Putin.
Shuningdek, murojaatda Rossiya yangi global moliyaviy arxitektura yaratishi ma’lum qilindi.
“Ilg‘or texnologik bazada Rossiya siyosiy aralashuvdan xoli bo‘lgan yangi global moliyaviy arxitektura quradi”, — dedi Putin.
Uning so‘zlariga ko‘ra, G‘arbning o‘zi o‘z valyutalari va bank tizimini obro‘sizlantirmoqda: "ular o‘nlab yillar davomida o‘tirgan shoxni arralamoqda". Bir necha kun oldin Rossiya Banki BRICS Bridge nomli ko‘p tomonlama raqamli hisob-kitob platformasini ishga tushirishni BRIKS davlatlari markaziy banklari bilan muhokama qilayotganini ma’lum qilgan edi.
Rossiya xavfsiz logistika koridorlarini yaratishda davom etadi. “Biz do‘st davlatlar bilan birgalikda samarali va xavfsiz logistika yo‘laklarini yaratishda davom etamiz”, dedi Putin.
Rossiya prezidentining so‘zlariga ko‘ra, Rossiya tenglik, o‘zaro manfaatlarni hurmat qilish tamoyillari asosida ishlaydi. Shu bois, Rossiya ishtirokidagi YevrAzES, ShHT, BRIKS va boshqa birlashmalarga tobora ko‘proq davlatlar faol qo‘shilmoqda.
Rossiya so‘nggi bir necha yil davomida “Shimol — Janub” transport koridorini faol rivojlantirmoqda. Rossiyaning shimoliy hududlaridan Eron va Hindiston portlarigacha davom etuvchi ushbu yo‘lak Osiyodan Yevropaga tovar yetkazish muddatini ikki baravar qisqartiradi.
Prezident murojaat davomida shuningdek, “bizning askarlarimiz bugun Rossiyaning kelajagini yaratmoqda - sizlarga ta’zim, yigitlar!", deb aytdi.
"Mamlakat kelajagi va uning rivojlanishi uchun bugungi kunda shart-sharoit yaratayotgan ular, bizning askarlar" – dedi Vladimir Putin maxsus operatsiya ishtirokchilari haqida.
