Navoiyning bizgacha yetib kelgan adabiy merosi buyuk va serqirradir. Uning ijodi sharqshunoslar orasida shu qadar katta qiziqish uyg‘otdiki, ilmiy tadqiqotning alohida yo‘nalishi - navoiyshunoslik paydo bo‘ldi.Alisher Navoiy nomi O‘zbekiston Milliy kutubxonasi va Davlat akademik Katta teatri, Toshkent davlat o‘zbek tili va adabiyoti universiteti, Adabiyot muzeyi, yetakchi sanoat markazi – Navoiy shahri, metro stansiyasiga berilgan.Shoir xotirasi, uning ma’naviy merosining ahamiyati nafaqat O‘zbekistonda, balki yaqin va uzoq xorij mamlakatlarida ham e’zozlanadi va e’tirof etiladi. Alisher Navoiyning turli yillarda barpo etilgan haykallari buning isbotidir. Sputnik O‘zbekiston Navoiy tavalludining 583-yilligiga bag‘ishlab, fotolenta tayyorladi.
9 fevral – buyuk shoir, mutafakkir va davlat arbobi Alisher Navoiy tavallud topgan kun.
Navoiyning bizgacha yetib kelgan adabiy merosi buyuk va serqirradir. Uning ijodi sharqshunoslar orasida shu qadar katta qiziqish uyg‘otdiki, ilmiy tadqiqotning alohida yo‘nalishi - navoiyshunoslik paydo bo‘ldi.
Alisher Navoiy nomi O‘zbekiston Milliy kutubxonasi va Davlat akademik Katta teatri, Toshkent davlat o‘zbek tili va adabiyoti universiteti, Adabiyot muzeyi, yetakchi sanoat markazi – Navoiy shahri, metro stansiyasiga berilgan.
Shoir xotirasi, uning ma’naviy merosining ahamiyati nafaqat O‘zbekistonda, balki yaqin va uzoq xorij mamlakatlarida ham e’zozlanadi va e’tirof etiladi. Alisher Navoiyning turli yillarda barpo etilgan haykallari buning isbotidir. Sputnik O‘zbekiston Navoiy tavalludining 583-yilligiga bag‘ishlab, fotolenta tayyorladi.
Ushbu yodgorlik 2002-yil noyabr oyida Moskvada Serpuxovskaya maydonidagi bog‘da o‘rnatilgan. Bu shoirning 4,5 metr balandlikdagi bronza figurasi bo‘lib, baland granit poydevorga o‘rnatilgan. Yodgorlik mualliflari taniqli o‘zbek haykaltaroshi Rovshan Mirtajiyev va rossiyalik me’morlar Aleksandr Kuzmin va Igor Voskresenskiydir. Yodgorlik Moskvaga O‘zbekiston hukumati va Toshkent ma’muriyati tomonidan sovg‘a qilingan.
Dushanbedagi Alisher Navoiy va Abdurahmon Jomiy haykali Tojikiston va O‘zbekiston xalqlari o‘rtasidagi do‘stlik belgisidir. U 2018-yilda Navoiy nomi bilan ham ataladigan bog‘da o‘rnatilgan.
Qozog‘istonning Ostona shahri markazidagi Alisher Navoiy haykali. U 2023-yil avgust oyida o‘rnatildi. Balandligi to‘rt metrdan ortiq bo‘lgan haykal muallifi O‘zbekiston xalq rassomi Jasvant Annazarovdir.
Tokiodagi Soka universiteti hududidagi Alisher Navoiy haykali poyiga gul qo‘yish marosimi. Yodgorlik ikki davlat o‘rtasidagi do‘stlik belgisi sifatida 2004-yilda respublika rahbariyati tomonidan Yaponiya universitetiga sovg‘a qilingan.
Minsk shahrining Sverdlov ko‘chasidagi Alisher Navoiy busti. U 2019-yilda o‘rnatilgan. Yodgorlik yosh haykaltarosh Maksim Makarevichning loyihasi bo‘yicha yaratilgan.
Shanxay universitetida Alisher Navoiy haykali. 2017-yilda O‘zbekiston va Xitoy o‘rtasida diplomatik munosabatlar o‘rnatilganining 25-yilligi sharafiga ochilgan. Bronzadan yasalgan yodgorlikning balandligi 3,6 metr, poydevori 1,8 metr. Uning og‘irligi 3 tonnani tashkil qiladi.
Bokudagi Navoiy haykali. 2008-yil sentabr oyida uning ochilish marosimida O‘zbekistonning Birinchi prezidenti Islom Karimov va uning ozarbayjonlik hamkasbi Ilhom Aliyev ishtirok etgan edi.
Qirg‘izistonning O‘sh shahrida Alisher Navoiy haykali. U 1968-yilda shoir tavalludining 525-yilligi munosabati bilan o‘rnatilgan va Navoiyning O‘zbekistondan tashqarida paydo bo‘lgan birinchi haykali hisoblanadi. Uning muallifi haykaltarosh David Heidze.
