Maxsus harbiy operatsiya, siyosat, migrantlar: Putinning "Yil yakunlari"dagi asosiy fikrlari
19:26 14.12.2023 (yangilandi: 11:25 15.12.2023)
© Sputnik / POOL
/ Obuna bo‘lish
Rossiya Federatsiyasi prezidenti to‘g‘ridan-to‘g‘ri aloqa bilan birlashtirilgan yirik matbuot anjumani formatida yil yakunlarini sarhisob qildi.
TOShKENT, 14 dek — Sputnik. Onlayn muloqot davomida Rossiya Federatsiyasi prezidenti fuqarolar va jurnalistlarning mamlakat ichidagi va jahon miqyosidagi eng dolzarb rejalar va muammolar haqidagi savollariga javob berdi.
Maxsus harbiy operatsiyaning borishi, G‘azo sektoridagi vaziyat, xalqaro to‘lovlarda milliy valyutalarga o‘tish – bu masalalarning barchasini Rossiya prezidenti Vladimir Putin to‘g‘ridan-to‘g‘ri muloqot va onlayn formatdagi katta matbuot anjumanida muhokama qildi.
Rossiya rahbarining eng muhim bayonotlari:
Asosiy vazifa - suverenitetni mustahkamlash. U mudofaa qobiliyati va xavfsizligini, fuqarolarning huquqlarini himoya qilishni va siyosiy tizim barqarorligini, iqtisodiy va texnologik mustaqillikni o‘z ichiga oladi;
So‘nggi yillarda Rossiya iqtisodiy kuchning etarli chegarasini yaratdi, bu esa sanksiyalar bosimiga dosh berishga va oldinga siljishga imkon berdi. Bu Rossiya jamiyatining yuqori konsolidatsiyasi, moliyaviy-iqtisodiy tizimning barqarorligi va, albatta, armiya va xavfsizlik xizmatlarining imkoniyatlarini oshirish bilan ta’minlanadi;
Yil oxirigacha yalpi ichki mahsulot o‘sishi 3,5 foizni tashkil etishi kutilmoqda. Sanoat va fuqarolarning real daromadlari ortib bormoqda. Hozirda mamlakatda ishsizlik darajasi 2,9 foizni tashkil etadi - bu Rossiya tarixidagi eng past ko‘rsatkichdir;
Rossiya o‘z maqsadlariga erishganida, Maxsus harbiy operatsiya zonasida tinchlik bo‘ladi. Maqsadlar o‘zgarmaydi: denatsifikatsiya, Ukrainani demilitarizatsiya qilish, uning neytral maqomi;
Rossiyada qisman safarbarlik bo‘lib o‘tdi, hozirgi kunga qadar 500 mingga yaqin ko‘ngillilar jalb qilingan va oqim kamaymayapti. Demak, yangi safarbarlikka ehtiyoj qolmaydi;
Qo‘shma Shtatlar sanksiyalar orqali o‘z muammolarini qo‘zg‘atishdan ko‘ra, boshqa davlatlarni hurmat qila boshlaganda, Rossiya AQSh bilan munosabatlarni o‘rnatishga tayyor;
Federal budjet har yili yangi hududlarni rivojlantirish va ularni Rossiyaning iqtisodiy va ijtimoiy hayotiga qo‘shish uchun trillion rubldan ortiq mablag‘ ajratadi;
V kachestve pomoshi drugie oblasti RF uje vlojili v novie regioni uje vlojili poradka 150 mlrd rubley i planiruyut vlojit yeshe okolo 100 mlrd;
Yordam sifatida Rossiya Federatsiyasining boshqa hududlari allaqachon yangi hududlarga taxminan 150 milliard rubl sarmoya kiritgan va yana 100 milliardga yaqin sarmoya kiritishni rejalashtirmoqda;
Rossiya, xuddi Turkiya kabi, poytaxti Sharqiy Quddusda bo‘lgan Falastin davlatini yaratish to‘g‘risidagi BMT qarorlari qo‘llanilishi kerakligidan kelib chiqadi. Falastin-Isroil kelishuvining fundamental asoslarini yaratish zarur;
Sport siyosatdan tashqarida bo‘lishi kerak. Olimpiya rasmiylari sport harakatining biznes tomoniga juda qiziqib qolishdi;
Dunyoda islomofobiya va millatchilikning boshqa ko‘rinishlarining kuchayishi ma’lum elitalarning siyosati natijasidir;
Rossiya Federatsiyasida dollar va yevroning xalqaro to‘lovlardagi ulushi 2021-yildagi 87 foizdan 2023-yil sentabrida 24 foizga kamaydi. Mamlakat moliyaviy operatsiyalarda o‘z milliy valyutasidan qanchalik ko‘p foydalansa, shuncha yaxshi bo‘ladi, bu uning suverenitetini oshiradi;
Rossiya o‘z samolyotlarini ishlab chiqarishni rivojlantirmoqda va 2030-yilgacha 1000 dan ortiq samolyot ishlab chiqarishni rejalashtirmoqda;
Rossiya-Xitoy munosabatlari dunyodagi barqarorlikning muhim kafolatlaridan biridir. Rossiya Federatsiyasi Xitoy bilan hamkorlik qiladi, lekin hech qanday blok yaratmaydi, bu do‘stlik uchinchi davlatlarga qarshi emas;
Rossiya o‘zining barcha integratsiya rejalarini faqat ushbu jarayonning barcha ishtirokchilarining ixtiyoriyligi va o‘zaro manfaatlar asosida quradi. Moldova MDH doirasidagi bu jarayonning ishtirokchisi bo‘lishni istamasa, shunday bo‘lsin;
"Sharqqa burilish" Ukrainadagi vaziyat bilan emas, balki jahon iqtisodiyotining rivojlanish tendensiyasi va iqtisodiy o‘sishning yangi markazlarining paydo bo‘lishi bilan bog‘liq;
Mehnat migrantlarni jalb qilish kerak, lekin tub aholining zarariga emas. Rossiya Federatsiyasi malakali kadrlarga qiziqish bildirmoqda. Barcha migrantlar, shubhasiz, Rossiya Federatsiyasi xalqlarining qonunlari va an’analarini hurmat qilishlari va tegishli organlar ularga rioya etilishini nazorat qilishlari kerak. Shuningdek, tashrif buyuruvchilar va ularning oilalari uchun normal insoniy sharoitlarni yaratish kerak.
Prezident bilan to‘g‘ridan-to‘g‘ri aloqa va katta matbuot anjumanini birlashtirgan “Vladimir Putin bilan yil yakunlari” 14-dekabr kuni onlayn tarzda o‘tkazildi. Mamlakat fuqarolaridan 2,5 milliondan ortiq savollar kelib tushdi. Anjuman 4 soat 4 daqiqa davom etdi, prezident 67 ta savolga javob berdi.
