O‘zbekistonga dronlarni olib kirishda nimalarni bilish kerak — Bojxona qo‘mitasi
“Qonun bilan uchuvchisiz uchish apparatlarini olib kirish qat’iyan taqiqlanadi. Masalan, foto va videomateriallar tayyorlash uchun xorijiy ijodiy jamoalar va kinoijodkorlar tomonidan dronlarni vaqtincha olib kirish, saqlash va foydalanishga ruxsatnoma Ekologiya, atrof-muhitni muhofaza qilish va iqlim o‘zgarishi vazirligining so‘roviga asosan Transport vazirligi huzuridagi Fuqaro aviatsiyasi agentligi, shuningdek, “O‘zbekiston madaniy merosi” xalqaro loyihasi tomonidan beriladi” ,– deya tushuntirdi Bojxona qo‘mitasi matbuot xizmati bosh inspektori Aziza Zairova.
Taqiqni buzganlik uchun javobgarlik O‘zbekiston Jinoyat kodeksida belgilangan.
Shunday qilib, 244⁴-modda uchuvchisiz uchish apparatlarini noqonuniy olib kirish, sotish, sotib olish, saqlash yoki ulardan foydalanish 3 yilgacha ozodlikdan mahrum qilish tarzidagi jazoni nazarda tutadi.
O‘sha harakatlar:
— takroran yoki xavfli retsidivist tomonidan;
— shaxsning o‘z xizmat mavqeyidan foydalanib;
— bir guruh shaxslar tomonidan oldindan til biriktirib sodir etilgan bo‘lsa;
— badanga o‘rtacha og‘ir yoki og‘ir shikast yetkazilishiga sabab bo‘lsa, — 3 yildan 5 yilgacha ozodlikdan mahrum qilish bilan jazolanadi.
O‘sha harakatlar odam o‘lishiga sabab bo‘lsa, — 5 yildan 8 yilgacha ozodlikdan mahrum qilish bilan jazolanadi.
Shu bilan birga, qonunda jismoniy yoki yuridik shaxs uchuvchisiz uchish apparatlari, ular uchun butlovchi qismlar va ehtiyot qismlar ixtiyoriy ravishda topshirilgan taqdirda javobgarlikdan ozod etilishi nazarda tutilgan.
248¹-moddasiga ko‘ra, uchuvchisiz uchish apparatlarini saqlash, ulardan foydalanish yoki boshqa shaxslarga berish tartibini buzish, shuningdek ulardan noto‘g‘ri foydalanish uch yilgacha ozodlikdan mahrum qilish bilan jazolanadi.
O‘sha harakatlar takroran yoki xavfli retsidivist tomonidan, mansab mavqeyini suiiste’mol qilish yo‘li bilan, bir guruh shaxslar tomonidan oldindan til biriktirib sodir etilgan bo‘lsa, badanga o‘rtacha og‘ir yoki og‘ir shikast yetkazilishiga sabab bo‘lsa, — uch yildan 5 yilgacha ozodlikdan mahrum qilish bilan jazolanadi.
O‘sha harakatlar odam o‘lishiga sabab bo‘lsa, 5 yildan 8 yilgacha ozodlikdan mahrum qilish bilan jazolanadi.
O‘sha harakatlar odamlar o‘limiga, halokatga. boshqa og‘ir oqibatlarga sabab bo‘lsa, — 8 yildan 10 yilgacha ozodlikdan mahrum qilish bilan jazolanadi.
