https://oz.sputniknews.uz/20231109/shavkat-mirziyoev-toshkentda-ihtning-bojxona-ofisini-ochishni-taklif-qildi-40846700.html
Shavkat Mirziyoyev Toshkentda IHTning bojxona ofisini ochishni taklif qildi
Shavkat Mirziyoyev Toshkentda IHTning bojxona ofisini ochishni taklif qildi
Sputnik O‘zbekiston
IHT a’zolari orasida raqamli hujjat almashuvini yo‘lga qo‘yish hamda transkontinental savdo yo‘laklaridan keng foydalanish taklif etildi. 09.11.2023, Sputnik O‘zbekiston
2023-11-09T13:45+0500
2023-11-09T13:45+0500
2023-11-09T13:55+0500
iqtisodiy hamkorlik tashkiloti (iht)
shavkat mirziyoyev
transport
tranzit tashish
transafg‘on temir yo‘li
hamkorlik
iqtisod
https://cdn1.img.sputniknews.uz/img/07e7/07/19/37152327_0:160:3072:1888_1920x0_80_0_0_75d8b4dccca963e090a300b743ed493a.jpg
TOShKENT, 9 noya — Sputnik. Bugun Toshkentda bo‘lib o‘tayotgan Iqtisodiy hamkorlik tashkiloti (IHT) sammitida O‘zbekiston prezidenti Shavkat Mirziyoyev tashkilot a’zolarini transport sohasida hamkorlikni kuchaytirishga chaqirdi. Xususan, Mirziyoyev IHT a’zolarining aksariyati dengizga to‘g‘ridan-to‘g‘ri chiqish imkoniyatiga ega emasligini hisobga olgan holda mavjud transkontinental yo‘laklar salohiyatidan to‘liq foydalanish zarurligini aytib o‘tdi. "Osiyo-Tinch okeani, Janubiy Osiyo, Yaqin Sharq va Yevropa mintaqalarining yirik bozorlari bilan bog‘laydigan va bizning hududlarimiz orqali o‘tadigan transkontinental transport yo‘laklari salohiyatidan to‘liq foydalanishimiz zarur. Toshkentda 2-noyabrda bo‘lib o‘tgan transport vazirlarining yig‘ilishida “O‘zbekiston – Turkmaniston – Eron – Turkiya” transport yo‘lagini rivojlantirish bo‘yicha qabul qilingan hujjatga boshqa a’zolarni ham qo‘shilishga, o‘zaro tarif va yig‘imlarni maqbullashtirishga chaqiraman", - dedi Shavkat Mirziyoyev. Undan tashqari O‘zbekiston prezidenti, yuk tashish sohasida zamonaviy texnologiyalarni keng joriy etishni va Toshkent shahrida IHTning bojxona ofisini ochishni taklif qildi. Toshkentda 7-8 noyabr kunlari Iqtisodiy hamkorlik tashkilotining XVI sammiti bo‘lib o‘tmoqda. IHT mintaqaviy ko‘p tomonlama tuzilma bo‘lib, uning maqsadi mintaqa mamlakatlari o‘rtasidagi yaqin savdo-iqtisodiy aloqalarni rivojlantirishga ko‘maklashishdir. Tashkilot 1985-yilda tashkil etilgan. Uning doimiy faoliyat yurituvchi kotibiyati Tehron shahrida joylashgan. Bugungi kunda tashkilotga O‘zbekiston, Turkiya, Eron, Pokiston, Ozarbayjon, Qozog‘iston, Qirg‘iziston, Tojikiston, Turkmaniston va Afg‘oniston a’zo. O‘zbekiston 1992-yilda IHT a’zosi bo‘lgan.
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
2023
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
Yangiliklar
uz_UZ
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
iqtisodiy hamkorlik tashkiloti (iht) , shavkat mirziyoyev, transport, tranzit tashish, transafg‘on temir yo‘li, hamkorlik, iqtisod
iqtisodiy hamkorlik tashkiloti (iht) , shavkat mirziyoyev, transport, tranzit tashish, transafg‘on temir yo‘li, hamkorlik, iqtisod
Shavkat Mirziyoyev Toshkentda IHTning bojxona ofisini ochishni taklif qildi
13:45 09.11.2023 (yangilandi: 13:55 09.11.2023) IHT a’zolari orasida raqamli hujjat almashuvini yo‘lga qo‘yish hamda transkontinental savdo yo‘laklaridan keng foydalanish taklif etildi.
TOShKENT, 9 noya — Sputnik. Bugun Toshkentda bo‘lib o‘tayotgan Iqtisodiy hamkorlik tashkiloti (IHT) sammitida O‘zbekiston prezidenti Shavkat Mirziyoyev tashkilot a’zolarini transport sohasida hamkorlikni kuchaytirishga chaqirdi.
Xususan, Mirziyoyev IHT a’zolarining aksariyati dengizga to‘g‘ridan-to‘g‘ri chiqish imkoniyatiga ega emasligini hisobga olgan holda mavjud transkontinental yo‘laklar salohiyatidan to‘liq foydalanish zarurligini aytib o‘tdi.
"Osiyo-Tinch okeani, Janubiy Osiyo, Yaqin Sharq va Yevropa mintaqalarining yirik bozorlari bilan bog‘laydigan va bizning hududlarimiz orqali o‘tadigan transkontinental transport yo‘laklari salohiyatidan to‘liq foydalanishimiz zarur.
Kelgusida “Xitoy – Qirg‘iziston – O‘zbekiston” va Transafg‘on multimodal yo‘llarining ishga tushirilishi barcha a’zo davlatlar manfaatlariga mos keladi.
Toshkentda 2-noyabrda bo‘lib o‘tgan transport vazirlarining yig‘ilishida “O‘zbekiston – Turkmaniston – Eron – Turkiya” transport yo‘lagini rivojlantirish bo‘yicha qabul qilingan hujjatga boshqa a’zolarni ham qo‘shilishga, o‘zaro tarif va yig‘imlarni maqbullashtirishga chaqiraman", - dedi Shavkat Mirziyoyev.
Undan tashqari O‘zbekiston prezidenti, yuk tashish sohasida zamonaviy texnologiyalarni keng joriy etishni va Toshkent shahrida IHTning bojxona ofisini ochishni taklif qildi.
"Yuk tashish hujjatlarini raqamlashtirish kabi zamonaviy tizimlarni keng joriy qilish hamda samarali muvofiqlashtirish uchun Toshkent shahrida Tashkilotning Raqamli transport va bojxona ofisini tashkil etish tashabbusini bildirildi", - deyiladi xabarda
Toshkentda 7-8 noyabr kunlari Iqtisodiy hamkorlik tashkilotining XVI sammiti bo‘lib o‘tmoqda.
IHT mintaqaviy ko‘p tomonlama tuzilma bo‘lib, uning maqsadi mintaqa mamlakatlari o‘rtasidagi yaqin savdo-iqtisodiy aloqalarni rivojlantirishga ko‘maklashishdir.
Tashkilot 1985-yilda tashkil etilgan. Uning doimiy faoliyat yurituvchi kotibiyati Tehron shahrida joylashgan. Bugungi kunda tashkilotga O‘zbekiston, Turkiya, Eron, Pokiston, Ozarbayjon, Qozog‘iston, Qirg‘iziston, Tojikiston, Turkmaniston va Afg‘oniston a’zo. O‘zbekiston 1992-yilda IHT a’zosi bo‘lgan.
