Sergelidagi yong‘in: omborxona portlashiga oid asosiy xabarlar
17:00 28.09.2023 (yangilandi: 20:16 28.09.2023)
Obuna bo‘lish
Portlash oqibatida 18,4 gektar yer maydonda joylashgan omborxonada taxminan 10 000 kv. m. maydonda yong‘in kelib chiqqan.
TOShKENT, 28 sen — Sputnik. Bugun, 28-sentabr kuni, Toshkent shahar Sergeli tumani Qipchoq ko‘chasida joylashgan “Inter Logistika” MChJga tegishli omborxonada chaqnash oqibatida yong‘in kelib chiqqan.
16 ta yong‘in-qutqaruv ekipaji va 3 ta avtonarvon soat 02:48 da hodisa ro‘y bergan hududga yetib borib, yong‘inni o‘chirish ishlarini amalga oshirdi va yong‘in soat 05:02 da qurshab olingan.
Toshkent shaharidagi “Inter Logistika” MChJga tegishli omborxonada chaqnash oqibatida yong‘in kelib chiqdi.
Portlash oqibatida 18,4 gektar yer maydonda joylashgan omborxonada taxminan 10 000 kv. m. maydonda yong‘in kelib chiqqan.
O‘zbekiston prezidenti Shavkat Mirziyoyevning topshirig‘iga asosan bosh vazir o‘rinbosari Ochilboy Ramatov boshchiligida Hukumat komissiyasi tuzildi. Yong‘in joyiga O‘zbekiston bosh vaziri – Fuqaro muhofazasi boshlig‘i Abdulla Aripov, Favqulodda vaziyatlar vazirligi, Toshkent shahar hokimligi, Prokuratura, Ichki ishlar vazirligi, Bojxona boshqarmasi hamda Favqulodda vaziyatlarning oldini olish va bunday vaziyatlarda harakat qilish davlat tizimiga kiruvchi xizmatlarning rahbarlari chiqqan.
Voqea joyida tegishli tashkilot va xizmatlar hamkorligida tezkor Shtab tashkil etildi.
Toshkent shaharidagi “Inter Logistika” MChJga tegishli omborxonada chaqnash oqibatida yong‘in kelib chiqdi.
Yong‘inni bartaraf etish ishlariga, FVV va boshqa tegishli tashkilotlardan jami 210 ta texnika va 2000 dan ortiq shaxsiy tarkib jalb qilindi. Dastlabki o‘rganish ishlariga ko‘ra 15 ming kv.m omborxona maydonida yong‘in o‘chirilib, 30 ming kv.m maydoni saqlab qolindi.
Toshkent shahar hokimligining dastlabki axborotiga ko‘ra, hududdagi 26 ta ko‘p qavatli uydagi 592 ta xonadon hamda 8 ta xizmat ko‘rsatish shoxobchasi, 1 ta maktab va 2 ta MTT binolarining fasad qismi hamda deraza-romlariga zarar yetgani aniqlandi. Shuningdek, hududdagi 24 ta ko‘p qavatli uy va 25 ta hovlining fasad, oyna-rom va tom qismi zarar ko‘rgan.
Toshkent shaharidagi “Inter Logistika” MChJga tegishli omborxonada chaqnash oqibatida yong‘in kelib chiqdi.
© Sputnik / Ramiz Baxtiyarov
IIVga ko‘ra, Sergelidagi portlash bo‘yicha Jinoyat kodeksining 259-moddasi (Yong‘in xavfsizligi qoidalarini buzish) 2-qismi “a” va ”b” bandlari bilan jinoyat ishi qo‘zg‘atilgan.
Portlash oqibatida jabrlanganlarning umumiy soni 162 nafarni tashkil etmoqda. Shundan jami 24 nafari Respublika shoshilinch tibbiy yordam ilmiy markazi va uning Toshkent viloyati filiali, Toshkent shahar tez tibbiy yordam shifoxonasi, 1-sonli Respublika va 1-sonli shahar klinik shifoxonalari hamda 1-sonli shahar tug‘uruqxonasiga yotqizildi. Qolgan 134 nafar jabrlangan aholi vakilining salomatligi yaxshi bo‘lganligi uchun ambulator tibbiy yordam ko‘rsatilib, uyiga javob berilgan.
Toshkent shaharidagi “Inter Logistika” MChJga tegishli omborxonada chaqnash oqibatida yong‘in kelib chiqdi.
© Sputnik/Ramiz Baxtiyarov
Hodisa oqibatida 2006-yilda tug‘ilgan bir nafar o‘smir voqea joyida vafot etgan va shifoxonaga tiriklik alomatlari bo‘lmagan holda olib kelingan. Yuqoridagi shifoxonalarda davolanayotgan bemorlar orasida o‘ta og‘ir tan jarohati olganlar yo‘q. Ularning salomatligi qoniqarli.
Toshkent shaharidagi “Inter Logistika” MChJga tegishli omborxonada chaqnash oqibatida yong‘in kelib chiqdi.
© Tuychi Mirzayev
Yong‘in sodir bo‘lgan hududga yaqin bo‘lgan metropolitenning Yer usti halqa yo‘lining "Quruvchilar" bekatining me’moriy qismini yengil shikastlagan, ammo bu holat yo‘lovchi va poyezdlarning harakatiga ta’sir ko‘rsatmagan. Barcha metro bekatlarida poyezdlar harakati belgilangan jadval asosida olib borildi.
Toshkent shaharidagi “Inter Logistika” MChJga tegishli omborxonada chaqnash oqibatida yong‘in kelib chiqdi.
© Sputnik/Ramiz Baxtiyarov
Yong‘indan jabrlangan aholiga 3 mahal ovqat tashkil qilindi. Jabr ko‘rgan aholi doimiy nazoratga olingan. Ularga tibbiy xizmat ko‘rsatish bilan birgalikda, hamshiralar biriktirilgan.
Sodir bo‘lgan yong‘in yuzasidan dastlabki tergovga qadar surishtiruv ishlari va moddiy zarar miqdorini aniqlash ishlari Toshkent shahar prokuraturasi, Ichki ishlar bosh boshqarmasi va Favqulodda vaziyatlar boshqarmasi tomonidan hamkorlikda olib borilmoqda.
Hukumat komissiyasi uch kun muddatda omborxonada yuz bergan favqulodda holat sabablarini o‘rganish, ko‘rilgan talafotlarni bartaraf etish va jabrlanganlarga tibbiy va psixologik yordam ko‘rsatish bo‘yicha tezkor chora-tadbirlarni amalga oshiradi.
Shuningdek, favqulodda holat oqibatida zarar yetkazilgan har bir uy-joyni, jumladan, aholi xonadonlari, ko‘p qavatli uy-joylarning fasad qismlari, deraza va romlari hamda ta’mirtalab ahvolga kelib qolgan boshqa bino va inshootlarga yetkazilgan zararlarni bartaraf etish bo‘yicha moddiy yordam ko‘rsatadi.
Toshkent shahri Sergeli tumanida sodir bo‘lgan portlash oqibatida zarar ko‘rgan fuqarolarn 1205 qisqa raqamiga murojaat etishlari mumkin.
